|
|
|
الرجاء كتابة اسم الموضوع من غير اي نوع من الرموز
|
|||||||
| المنتدى العام خاص بالمواضيع العامة التي لا تندرج تحت عنوان محدد |
 الإهداءات |
 |
|
|
LinkBack | أدوات الموضوع | أنماط العرض |
05-26-2007
|
#1 |
|
«©»عاشق مميز«©»
تاريخ الانضمام: Aug 2006
محل السكن: ورى الجامع اول دخله عاليمين
المشاركات: 1,084
|
خلويات فضائيات ،،،،،،،،،،،،،،،،،
جلطتني عنجد قنوات التلفزيون ....
مش طبيعي شو صاير يركبني سبعين عفريت لما أتفرج على التلفزيون .... مش وأنا بتفرج على قناة محددة .... لأ .. بالتحديد وانا بقلب بين المحطات ... وأكثر اشي جالطني وعاملي وسواس قهري ... كيف بستغلو الموبايل عشان يشلحو الناس ..... مش يشلحوهم أواعيهم ... لأ .. لانهم شالحين لحالهم ... ..قصدي يشلحوهم مصاريهم ... صار نفسي أشوف قناه ما فيها خط أسفل الشاشه وفيه حكي ما أسقع منه غير اللي سمح فيه .. - محمد من الامارات حاب يتعرف على بنت شعرها أحمر .... - عاشق ديانا حداد يهديكي قلبه يا سماهر ... - أموت فيكي يا دينا يا صاحبة الوسط الهزاز ... زي الموبايل الرجاج ... - معذبة في الغربة تريد التعرف على من ينتشلها من العذاب طيب شو بيستفيدو هدول الناس غير انو بنضحك عليهم ... ابعث مسج يعني باربعين او ستين قرش وبنعرضلك اياها على الشاشه .... هسا معذبة في الغربة لما بعثت هاي المسج متوقعه انو حدا فعلا ينتشلها من العذاب حتى لو قرد ان شاء الله ينتشلها ولا بس سقاعة وجه ... وشغله تانيه أحلى ... شفتها بس امبارح .... قال ما هو الشيئ اللذي في الفضاء من أربعة أحرف اذا أضفت له حرف أصبح اسم علم مؤنث ... احزر واربح عشرين ألف دولار ..... غريب ليش الناس طفرانه ؟؟؟؟ يعني من وسائل الثراء السريع .... أسرع من الاسهم ... احزر الحزيره اسبوع زمان ... وابني لك شقتين بالميه واربعين ألف دولار وأجرهم .. وبلا هالشغل .. وعد اتصالات ... وعد دقايق ... ليش بتفكر انك بس تتصل مباشرة بتطلع لك الاموره ام الشفايف السيليكون ونص صدرها مبين وبتقولك يالله احزر .. مبرووووووك .... ربحت عشرين ألف ؟؟؟!!!! لأ يا حبايبي ... بطلع لك مقسم بحكي باللهجة البطيئة .... - لقد وصلت الى قناة السعادين الزرق .... وقد اقتربت جدا من الوصول الى حل السؤال ... اضغط رقم واحد لمسابقة أزنخ سؤال ... رقم اثنان لمسابقة افكح واربح ... رقم ثلاثه لسؤال الحلقة ... رقم ........ ورقم عشره عشان تطق وتموت وانت بتستنى .... وبيخلوك نص ساعه والدقيقة بدولار .. وانت ريالتك سايحه على العشرين ألف وحاول مرة أخرى ( بفتح الهمزة ... ) ويا عيني على التصويت ..... ابعث مسج وصوت الآن ... سوبر ستار .... ستار أكاديمي ... مين جاي على بالك تطلع الحلقه الجاي .... النوميني يعني ( يلعن عمري ) ابعث مسج ... وصوت .... وصوت لاغنيتك المفضله ... وألبومك المفضل ... ومطربك المفضل ... ومذيعك المفضل ... ومذيعتك المفضله ... وأحلى فستان ... وأحلى وجه ... وأحلى ...... وأحلى جمل على رأي بيست ون خلي الواحد ساكت ... بيجي عندي على النايلسات حوالي 350 قناة تلفزيونية .... بدون مبالغة 250 منهم ... عايشه ومموله حالها على هبلنا .... ليش بنسمح لهم يستغبونا ... ويستهبلونا .... مش عارف ... هلا عمي!
__________________
 البحبحاني
|
|
|
|
05-26-2007
|
#2 |
|
ملاك المنتدى
تاريخ الانضمام: Aug 2006
محل السكن: lebanese lives in Australia
المشاركات: 16,529
|
موضوع كالعاده نقد لواقع مرفوض باسلوب ممتع ومميز بالنسبه ليلي عم يحصل ما حدا مجبر والحق على يلي بيتجاوب معهن يعني ما حدا جبر عالناس انهن يبعتو مسجات بايخه متل يلي ذكرتها ولا بعرف شو ممكن يستفيدو من هالكلام وهالطلبات (على قولتك معذبة في الغربة تريد التعرف على من ينتشلها من العذاب ) والمسابقات نحنا يلي عم نشجعها ونرفع اسهمها او كنتينها على قوله ابو غضب شكرا عالموضوع بطيخ 
__________________
 |
|
|
|
|
05-26-2007
|
#3 |
|
القيصر
تاريخ الانضمام: Feb 2006
محل السكن: عاشق لبنان
المشاركات: 41,931
|
ما شفت حابسة إبليس بالكيس وعم بدور على عريس يا خيي الجنون فنون بس يلي بدو العالم تضحك عليه يفوت مش بس نحنا منضحك عليه وشركات الإتصالات كمان بتضحك عليه وبتشلحوا كل شي من راسو لرجليه بتهون يا حنون شكراً لك على الموضوع الساخر والمبكي لوطننا العربي الساهر على قنوات إتصل واخسر تحياتي
__________________
 ويل لامة تكثر فيها الطوائف وتخلو من الدين ويل لامة تلبس مما لا تنسج ، وتأكل مما لا تزرع، وتشرب مما لا تعصر ويل لامة تحسب المستبد بطلا"، وترى الفاتح المذل رحيما" ويل لامة تستقبل حاكمها بالتطبيل وتودعه بالصفير، لتستقبل اخر بالتطبيل والتزمير ويل لامة مقسمة الى اجزاء وكل جزء يحسب نفسه أمة جبران خليل جبران |
|
|
|
05-27-2007
|
#4 | |
|
«©»عاشق مميز«©»
تاريخ الانضمام: Aug 2006
محل السكن: ورى الجامع اول دخله عاليمين
المشاركات: 1,084
|
اقتباس:
كلامك مزبوط ، احنا اللي بنحافظ على استمرارية هالقنوات الغير هادفة بس انا حبيت من خلال منبرنا الكريم (منتدى عاشق لبنان ) اني افضفض واصب غضبي على هالقنوات اللي بتستغل غباء الناس و بتسرق مصاريهم كما عوديتنا ... انتي دائما تثري الموضوع برأيك السديد تحياتي
__________________
البحبحاني
|
|
|
|
|
|
05-27-2007
|
#5 |
|
«©»قمة العشق«©»
|
موضوع رائع كما هى مواضيعك دائما أخى العزيز بطيخ مبسمر ولكن هل سنستمر فى الحفاظ على أستمرارية هذه القنوات التى تشفط ما فى جيوب الاشخاص الطيبين الذين يصدقونها ويقومون بلاتصال بهم .... كثير من هؤلاء الذين نرا أتصالتهم عاملون بهذه المحطات وهم أيضا من يقومون بأرسال الرسائل البايخة اللى عاوزة عريس أو شب حلو للتعرف عليه يعنى نعتبرها مسجات تحفيز للشباب للقيام بلأتصال وبأرسال رسائل لطلب التعرف وفى الاخير يطلع الموضوع فشنك وضحك على الدقون أسف للأطالة ولكن يجب أن يكون هناك وقفة وتصدى لهذه القنوات من خلال الصحافة والاعلام الجيد تقبل تحياتي وشكرى لك أخى الغالى بطيخ وننتظر جديدك الرائع دوما تحياتي
__________________
|
|
|
|
|
| Bookmarks |
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
النمط الخطي
|
|
دردشة عاشق لبنان البوم صور عاشق لبنان مركز الجوال بعاشق لبنان العاب فلاش فيديو كليب اغاني عاشق لبنان دليل لبنان السياحي المطبخ العالمي مجلة عاشق لبنان المنتدى العام النقاشات الجادة منتدى الترحيب منتدى الاهدائات منتدى الفنون منتدى الفانز فانز هيفاء وهبي فانز نانسي عجرم فانز اليسا فانز وائل كفوري منتدى ستار اكديمي منتدى سوبر ستار منتدى الصور الفنية منتدى كلمات الاغاني الشعر العربي الخواطر الادبي اللغات الاجنبية حواء جمال واناقة الصحة والاسرة الامومة والطفل منتدى لمسات المنتدى الرياضي كرة القدم منتدى المحركات الصور والافلام الرياضية منتدى ادم انمي قصص الاطفال حكايات ذكريات ومذكرات صورة وتعليق النكت والالغاز منتدى الالعاب برامج الانترنت الجرافيكس والتصميم الجوال والفضائيات المنتدى العلمي التاريخ والتراث العربي السياحه والسفر والرحلات منتدى التواصل مع عاشق لبنان صور الفنانات العرب صور الفنانين العـرب ابتسامات الماسنجر والمنتديات خلفيـات المشاهيـر و النجـوم خلفيات الإنمي خلفيات الكمبيوتر نجـوم البـرامج الواقعـية صور مضحكة وطريفة صـور أطفـال بطاقـات ورومانسيـات صور كرتون صور الرسم والصور الفنية صور القطط والحيوانات ثيمات الجوال صور سيارات صور الطبيعة و الورود فيديو كليب اغاني عربية فيديو كليب اغاني اجنبية فيديو كليب هيفاء وهبي فيديو كليب نانسي عجرم فيديو كليب اليسا فيديو كليب وائل كفوري فيديو كليب اطفال مقاطع مضحكة نجوى كرم كمل على روحي نور ومهند هيفاء وهبي ـ حاسة ما بينا في حاجة نانسي عجرم بتفكر في ايه
