عازف القلم

في اول مشاركة لي معكم احببت ان اعرفكم عن اسلوبي في الكتابة في هذه القصة الخيالية
احم احم

ممنوع النقل الا بإزن شخصي وموقع من حضرتي

لأنو هاي قصة بتتعلق بتاريخ العيلة عنا وما بدنا نسير فرجة بين العالم


جدي الله يرحمو

الفاتحة على روحو

كان كل ما يجيب بغل او حـمـاراو حصان ليحرت الأرض عليه

بعد اسبوع بالكتير يموت

من كتر الاراضي اللي عندو ما كان ولا حــمــار يستحمل

( جدي كان اقطاعي بزمناتو )

مرة كان بأرض الو بطراف البلد اسمها وادي اللوز بلشوف

لقي هالنملة الكبيرة ( حجمها كبير) أكبر من البغل

حاول يروضها ما قبلت عنيدة كانت وبرية

من هون لهون حاول جدي و كان زلمة فهمان وعندو خبرة بالحيوانات

عمل زي تبعون امريكا رعاة البقر

وروضها وهو ينط فوقها ويقول يييييييييههههااااااا يووووه ( انتو بتعرفو كيف )

المهم روضها وبعد ما روضها

طلعت النملة بتعرف تحكي تركنياني وجدي كان مثقف وبعرف 37 لغة ومن ضمنهم هاي اللغة

المهم صار يحرت عليها هالاراضي وما شاء الله كان الدونم ما يستحمل 10 دقايق

زي الصاروخ

(على فكرة الختيارية بيحكو عنو دولم مش دونم)

وعاشت عندو هالنملة ليوم من الايام فتح الصبح باب هالياخور وما لقيها

والياخور : هو غرفة كانت تكون خصوصي للدواب المحترمة عند صحابها

دور عليها فتش عليها ما بينت

بعت عمامي وابوي كان لسه صغير لأنو أصغر واحد بأخوتو وراح معهم كمان ويدورو على هالنملة

وكان اسمها( دربوعة ) لأنو زي المدرعة كانت ...

وبعد اسبوع الا هي جاية وجايبة معها نملة دكر وشافو هالشوفة ما عرفو من وين جاي العشيق

المهم زوجوهم وضل ( سرسيك : جوز دربوعة ) عايش عند سيدي ومرات يحرت عليه

بس كانت دربوعة اقوى واشطر

وهي صورة لقيتها بدزدان سيدي الله يرحمو


هدول دربوعة وسرسيك

ومر هالزمن وضل سيدي يحرت هالاراضي كل سنة على دربوعة ومرات على سرسيك

يوم من الايام صبح سيدي بدو يصبح على دربوعة لقيها بتعيط

مسكينة لقيت سرسيك ميت

الله يرحمك ياسرسيك

سيدي قعد يهدي فيها ويحكي معها باللغة التركنيانية ويفهمها انو الواحد اخرتو يموت

والموت علينا حق

بعدين دفنوه بالضحضاح وعملولو قبر يليق في مقامه

وبعدها دربوعة شابت من الحزن

لأنو كانت تحبو كتير لسرسيك

وحتى اخر ايامها كانت تعبانة من الدنيا ويأسانة لأنو كانو اخر اتنين في فصيلة النمل المتكلم والكبير

بعديها انقرضو

وانا لحقتها وانا صغير

كان عمري 3 شهور في بطن امي



وبالجزء التاني بحكيلكو كيف ماتت

بكفيني حزن لليوم

رحمة الله عليك يا سرسيك


من ارشيفي

عاشق عبسي

__________________

عاشق عبسي

وهاي الرابط تبع الموضوع

نملة سيدي

__________________

وردة جزائرية

__________________

ليدي المنتدى

__________________

رَبِّ....
اشْرَح لِي صَدْرِي...
وَيَسِّرْ لي أَمرِي..