ادعوكم اصدقائي للحوار بالزجل اللبناني لمن يحبّ هذا اللون ويستطيع ان يكتب به.

والتحدي سيكون وفق مواضيع اقترحها او مواضيع تقترحونها فيما بعد حسبما يتطلب الامر.

وتماما سيكون كالحوارات المنبرية.

وعلى نحوها سأبدأ بالحوار بموضوع ( خلود الحب )، وهو بالمعنّى وسننهيه بالقصيد.

وهذه اولى الابيات اوجهها للصديقة المبدعة عشتروت.

ولكل من يرغب في الحوار.

فأهلا بعشاق الزجل اللبناني .

يا عشتروت تهيّي للتحدي والنزال
الليلة ما فيهـا ورد فيهـا قتـال
عاشق الارزة فتح قدامك مجـال
وجاي تايجرب سهامو والنبـال
ولا تفتكري التحدي ع كل حال
مزحـة وتسليـة وغنـج ودلال
وحتى نبـدّع ونجنّـح بالخيـال
بطلب منك تردي ع هالسـؤال
شو قولك بالحبّ ال ما منو وصال
بيدوم وببقـى يـا عشتـروت
يما مصيـرو بالنهايـة للـزوال

أرسل أصلا بواسطة عاشق الأرز يا عشتروت تهيّي للتحدي والنزال الليلة ما فيهـا ورد فيهـا قتـال عاشق الارزة فتح قدامك مجـال وجاي تايجرب سهامو والنبـال ولا تفتكري التحدي ع كل حال مزحـة وتسليـة وغنـج ودلال وحتى نبـدّع ونجنّـح بالخيـال بطلب منك تردي ع هالسـؤال شو قولك بالحبّ ال ما منو وصال بيدوم وببقـى يـا عشتـروت يما مصيـرو بالنهايـة للـزوال

كلماتك فاتو ع قلبي بليل الحزين
فاحو ا عِطر ومحبّة وشوق وحنين
وانا الي هديت شعري للمعجبين
تا صاروا ع حروف شعري ذايبين
وعصافير غنّو ع اغضاني المتعبين
وراحو بأياتي يواسو العاشقين
وعشتار العم تكتب بحبر الملهمين
ابياتها متل البساتين المثمرين
ومن هيك باشعارها جاي استعين
واسألها بالمعنّى عن السر الدفين
شو قولك بعاشق زهورو يابسين
طلّو ونميو على صخور القاسيين
قولك بعودو يزهروا يا عشتروت
لمّا بيبقوا باعتبارك ميتين؟؟