ابتركك للوقت وانت وضميرك

اما تغيب العمر ولا تجيني

لو كنت ظامي ما رواني غديرك

ولو كنت غايب عنك لا تحتريني

أنا ضرير الحب وانا ضريرك

بعيد لكن كنك قدام عيني

يمكن مع الأيام بحب غيرك

ما دام قلبك صادق ما يبيني

ويمكن أدله وانكر أني عشيرك

حتى يجي النسيان بينك وبيني

شرك محى في صفحة العمر خيرك

وحبك تركني هايم في سنيني

وأنا أدري أن بعض الحكي ما يثيرك

لكن لزوم أقول وش صار فيني

خل الهوى خله لغيري وغيرك

ذا ما جنته ايديك ما هي يديني

أبتركك والوقت عقبي يديرك

وان جيت ابصافحك فقطع يميني