|
|
|
الرجاء كتابة اسم الموضوع من غير اي نوع من الرموز
|
|||||||
| المنتدى العام خاص بالمواضيع العامة التي لا تندرج تحت عنوان محدد |
 الإهداءات |
 |
|
|
LinkBack | أدوات الموضوع | أنماط العرض |
10-04-2006
|
#1 |
|
«©»عاشق مميز«©»
تاريخ الانضمام: Aug 2006
محل السكن: ورى الجامع اول دخله عاليمين
المشاركات: 1,084
|
ذكريات الطفولة (الطهور )
في ناس بتنولد وبتمها معلقه من دهب
بس انا لما انولدت لقو في تمي كريك من دهب عشت في حياتي طفوله رائعه كنا ساكنين جنب النهر (قنايه المجاري)على طول وكنت منذ نعومه اظفاري احب اللعب في الحديقه (المزبله) كنا نلم عروق الملوخيه ونعملهم زي الفرشه ونقعد ننط من فوق حيطه (الحديقه) على عروق الملوخيه ونخلي شويه عروق منوخيه للتنشيف لزوم التدخين والتحشيش وزعرنه الطفوله طبعا كنا نصاب بخدوش وجروح وكدمات لكن احساسنا بروعه المكان كان يخلينا ما نحس باشي اذكر شارعنا كان مليان حبال غسيل بالعرض وكانت النسوان تتباهى اني وحده غسيلها انظف وطبعابما فعل الزوج ليله امس لانهم كانوا ينشروا كل قمصان النوم الحمر والزرق والزهر الطابه اللي كنا نلعب فيها كان اسمها طبه الشرايط عباره عن كم جوز جرابين ملفوفين فوق بعض واذا لم تتوفر الطابه فالبركه بالمزبله كنا نوخد اي لمونه مخمجه او بردقانه ونقعد نلعب طبعا مع كل ضربه لليمونه كان ينزل جزء من العصير على وجهنا واواعينا ونستمتع بريحه العصيرعلى الملابس.....رائحه لا تنسى ولا تزال تعبق في انفي الى الان وكانت المناسبات والاعياد لها طعم خاص واذكر يوم طهور صديقي ابراهيم كان عمري 5 سنوات وابراهيم بنفس عمري تقريبا وحضر المطهر وكانت دارهم مليانه زلام ونسوان ومسكين ابراهيم كان ميت من الخوف لانه هدا المطهر كان مشهور بانه البعبع تبع الاولاد واي واحد بده يغلط كانوا يحكوله اسكت ولا بنجبلك ابو ملحم ووقفنا بره دار ابراهيم طبعا بعد ما طردونا اهله من جوه وقعدنا نسمع كيف بصرخ واحنا كلنا حاسدينه.....نياله بده يتطهر وبده يوخد شلونه وبرايز وبعد شوي طلع صوت الزغاريت من جوه وطلعت ام ابراهيم توزع حامض حلو وشكولاته ناشد وكان نفسي ساعتها اشوف ابراهيم كيف شكله بس ام ابراهيم كانت واقفه عالباب وكانت مره (امرأه) سمينة نوعا ما يعني كانت اعرض من الباب انا ما صدقت وهي تزيح شوي وزرقت جوه ولقيت ابراهيم مرمي عالفرشه ووجهه اصفر ومليان دموع وكانوا حاطينلوا فنجان قهوه ساده مكان الواوا ملزق بتيب واهله حواليه اللي بعطيه شلن واللي بعطيه شوكلاته واللي بدلع فيه..... بس المهم يسكت ابراهيم يا الله شو كان نفسي اكون مكانه ساعتها ....مكيف ابراهيم وعايش بعز هلأ وما حد بقدر يحكي معه.. لانه كان في عنا معاهده عدم اعتداء على المتطهرين خصوصا انه ما بقدر يدافع عن نفسه ..... كان في شرف ومواثيق ومعاهدات بين الاطفال اكتر بكتير من الدول العربيه هسا روحت عالدار وانا عقلي بابراهيم وقلت لامي يما انا بدي اتطهر زي ابراهيم قالتلي يما ما بنفع انت متطهر قلتلها بدي كمان مره هي ابراهيم اتطهر مرتين وليش انا لأ قالتلي ابراهيم اول مره بتطهر وما بنفع مرتين يما انا الحقيقه ما اقتنعت بحكي امي وقلت بعقلي اكيد ما بدها تطهرني لانها ما بدها تعطيني شلونه زي ابراهيم تاني يوم كنا نستنى بابراهيم من الصبح على باب دارهم عشان يطلع ونشوفه كانت العاده انه المتطهر يلبس دشداشه بيضه لاجل التميز عن باقي الاطفال وللتميز اكتر كان لازم يشد او يزم الدشداشه من النص مكان الواوا عشان يعرفوا الناس انه متطهر وبنفس الوقت يبعدها عن مكان الاصابه .........وكان لازم يمشي مفاحجه لجلب مزيد من التعاطف والله طلع ابراهيم نافش ريشه وما حدا قده..... يا عمي الولد متطهر وطلعت ام ابراهيم وراه بتقوله : دير بالك على حالك يما واسحك فنجان القهوه يصير فيه اشي وانا اقول بعقلي ام ابراهيم خايفه على الفنجان اكتر من الواوا تبعه ابنها انا مكنتش فاهم المغزى من فنجان القهوه الساده وليش ما يحطوله كبايه شاي قزاز عشان نشوف او لمبه كهربا مكسوره او اي اشي تاني وايامها كنت اسمع الزلام لما يتقاتلو بحكوا لبعض: يا زلمه انت كل راس مالك فنجان قهوه ساده واقول بعقلي اكيد بدهم يطهروا بعض واذكر بعد اسبوعين من طهور ابراهيم اخته انخطبت وكان نفس فنجان القهوه محطوط قدام ابو العريس وشرب منه وكلنا شعرنا يومها بنوع من الامتعاض والمغص بس طلع ابراهيم كلنا تحوطناه وكل واحد صار يهزله دنب من جهه لانه جيبته كانت مليانه شوكلاته وانا قلتله اسمع يا ابراهيم انا هيني بحوشلك جرابين عشان اعملك طبه وصرت رايح عالمزبله عشر مرات من الصبح طبعا العرض تبعي لم يلق اذانا صاغيه من ابراهيم لانه كان معه مصاري وبقدر يشتري طبه بلاستيك من الصبح كنا ننظر للمتطهر بنوع من القداسه او انه اعلى من مستوى باقي الاولاد وكان هو يشعر بالتميز من كتر العز والدلال لو سالتني :بتحب ترجع طفل زي ايام زمان بقولك لأ لكن نفسي اتطهر كمان مره ........ ...... .... ... .. هلا عمي
__________________
 البحبحاني
|
|
|
|
10-04-2006
|
#2 | ||
|
«©»قمة العشق«©»
|
__________________
|
||
|
|
|
|
10-04-2006
|
#3 |
|
ملاك المنتدى
تاريخ الانضمام: Aug 2006
محل السكن: lebanese lives in Australia
المشاركات: 16,529
|
بطيخ بجد بتحكيلنا عن طفولتك ولا هيدي شخصيات مستوحاة يعني معقول كان هيك على زمنك ..شي غريب واول مره بسمع فيه وهيدي الخبريه بالذات ما بعرف ليه شعرت انها غريبه شوي يعني هالتفاصيل والله صعبه كتير وكنت مبسوط يا ترى؟؟ الله يبعت لولادك ايام افضل ودخلك بجد بتحكي حابب تعيدها لهالشغله الزمن تغير وتبدل وهالامور بتم بعد الولاده مباشره بالمستشفى بهنيك على اسلوبك الراااااااااااااااااااااااائع بتصوير الاحداث تحياتي ايزابيل
__________________
 |
|
|
|
|
10-04-2006
|
#4 |
|
مشرف منتديات تقنية الكمبيوتر
تاريخ الانضمام: Aug 2005
محل السكن: مع من احب
المشاركات: 9,856
|
الله يبعتلك الهنا عمي بطيخ
لك يازلمه بدك منتدى لحالك ههههههههههههههههههه الله يسعد ايامك شو مسعدنا ........انت بالفعل يوم انولدت لقو في فمك كريك دهب .........وهلا انت عم تطعمنا منو طفولتك كتييير جميله......... الله يديمك تقبل إحترامي عمو
__________________
 شكرا leblady على التوقيع الحلو  سنبقى على الدوم بقريتنا الصغيره قلوبنا على قلب واحد يحمل بعضنا هموم بعض نفرح لفرحكم ونحزن معكم. لانريد منكم غير مشاركتنا والمساهمه في الرقي بهذه القريه فأنتم اهلها ورقيها يعكس صورة حقيقية عنكم. البتار00احمد |
|
|
|
10-04-2006
|
#5 |
|
القيصر
تاريخ الانضمام: Feb 2006
محل السكن: عاشق لبنان
المشاركات: 42,047
|
روح الله يعطيك يلي ببالك في متل بيقول يلي ما داق المغراية ما بيعرف شو الحكاية هلا عمي تحياتي
__________________
 ويل لامة تكثر فيها الطوائف وتخلو من الدين ويل لامة تلبس مما لا تنسج ، وتأكل مما لا تزرع، وتشرب مما لا تعصر ويل لامة تحسب المستبد بطلا"، وترى الفاتح المذل رحيما" ويل لامة تستقبل حاكمها بالتطبيل وتودعه بالصفير، لتستقبل اخر بالتطبيل والتزمير ويل لامة مقسمة الى اجزاء وكل جزء يحسب نفسه أمة جبران خليل جبران |
|
|
|
|
| Bookmarks |
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
النمط الخطي
|
|
دردشة عاشق لبنان البوم صور عاشق لبنان مركز الجوال بعاشق لبنان العاب فلاش فيديو كليب اغاني عاشق لبنان دليل لبنان السياحي المطبخ العالمي مجلة عاشق لبنان المنتدى العام النقاشات الجادة منتدى الترحيب منتدى الاهدائات منتدى الفنون منتدى الفانز فانز هيفاء وهبي فانز نانسي عجرم فانز اليسا فانز وائل كفوري منتدى ستار اكديمي منتدى سوبر ستار منتدى الصور الفنية منتدى كلمات الاغاني الشعر العربي الخواطر الادبي اللغات الاجنبية حواء جمال واناقة الصحة والاسرة الامومة والطفل منتدى لمسات المنتدى الرياضي كرة القدم منتدى المحركات الصور والافلام الرياضية منتدى ادم انمي قصص الاطفال حكايات ذكريات ومذكرات صورة وتعليق النكت والالغاز منتدى الالعاب برامج الانترنت الجرافيكس والتصميم الجوال والفضائيات المنتدى العلمي التاريخ والتراث العربي السياحه والسفر والرحلات منتدى التواصل مع عاشق لبنان صور الفنانات العرب صور الفنانين العـرب ابتسامات الماسنجر والمنتديات خلفيـات المشاهيـر و النجـوم خلفيات الإنمي خلفيات الكمبيوتر نجـوم البـرامج الواقعـية صور مضحكة وطريفة صـور أطفـال بطاقـات ورومانسيـات صور كرتون صور الرسم والصور الفنية صور القطط والحيوانات ثيمات الجوال صور سيارات صور الطبيعة و الورود فيديو كليب اغاني عربية فيديو كليب اغاني اجنبية فيديو كليب هيفاء وهبي فيديو كليب نانسي عجرم فيديو كليب اليسا فيديو كليب وائل كفوري فيديو كليب اطفال مقاطع مضحكة نجوى كرم كمل على روحي نور ومهند هيفاء وهبي ـ حاسة ما بينا في حاجة نانسي عجرم بتفكر في ايه
