يافلاح الهم خيم فوق قلبي يافلاح *****

كيف تبغاني اسولف وانت خابرني عليل
ويش قولك في عليل(ن) في حياته

مااستراح ***** تنتثر دمعة عيونه

لااظلم الليل الطويل
حالته لا ماتباعد حال سلطان الرباح

***** بالخطا راحت حياته والخطا ماله

مثيل
كان ويا صاحبه اثنين في ارض (ن)

براح ***** يطردون الصيد دايم من

صبح لين المقيل
اجمعتهم صحبة الدنيا على جد ومزاح

***** مايهابون الليالي والحمول اللي

تميل
ماقتل عامد ولكن ثور إبليس السلاح

***** بالخطا ثار السلاح ووين يلقاله

دليل
وانعقد سجنه وربعه تنتظر فك السراح

***** والأكيد انه سجين ومارضوا ربع

القتيل
هل دمعه يوم صلى ركعتين في السطاح

***** في نهار الجمعة اللي من ثقيل (

ن) في ثقيل
هلل وكبر ونفسه تذكر اللي راح راح

***** كان في ربعه عزيز وذله الوقت

الذليل
لا محمد لا تهاني لا سعود ولا صلاح

***** كلهم كانوا على باله وهمه في

هديل
طفلة(ن) ماكملت عامين صايبها كساح

***** وانتثر دمعه وحاله من سبايبها

نحيل
حان تنفيذ القصاص وغطوا الراس

بوشاح ***** وجاك سيافه يشيل

السيف ابو حد(ن) صقيل
ارتخى راسه وزاد الموقف الحامي

صياح ***** بين نوح وبين دمع وبين

صيحات وعويل
وارتفع صوت الحشود وزاده محمد

وصاح ***** يايبه تكفى دخيلك تستمع

قول الدخيل
يايبه وشلون نصبر كيف نهجع بإرتياح

***** وانت من دنيا عيالك ماخذك مر

الرحيل
يامحمد هاك علمي واحفظه قبل المراح

***** انتبه لإخوانك وبالك عليهم لا

تعيل
والله الله فالصلاة وفالصيام وفالصلاح

***** والله الله فأمكم والله لكم بعدي

كفيل
غمض عيونه ونفسه تطلب الله السماح

***** رافع(ن) سبابته مظلوم والله

الوكيل
وسل سياف الصفا سيفه وطقه ثم طاح

***** راس سلطان المراجل وانتثر

دمه يسيل
غسلوه وكفنوه وفاح طيب السدر فاح

***** وبالمصادف صار قبره جنب قبر

ابن العقيل
يافلاح الكارثة ماهي سوالف يافلاح

***** خلني ساكت ودور غير هالقصه

بديل