سلام عليكم

اول شي الزعل مرفوض واللي ما يحب المزح لا يقرا الموضوع

وتم اختيار الاعضاء عشوائي لان اكثر اعضاء الموجودين ما اعرفهم لا يزعلون مني الباقي

والله خايف تكفخوني واموت من الضرب المبرح

.................................................. ......

في صباح يوم جميل تشرق الشمس لتشع الكون باشعتها الذهبيه

وتتفتح الازهار لتغتسل بقطرات الندى العذبه وتخرج الطيور من اعشاشها

في منظر روحاني يبعث على الشعور بالامان والطمانينه يتوجه اعضاء

منتدى عاشق لبنان الى مدرستهم المختلطه كل بسيارته الفاخره

يحملون كتبهم ودفاترهم يحذوهم الامل ( لاحظ يحذوهم الامل هذي

ترى مو أي احد يكتبها ) متجهين الى مدرستهم طلبا للعلم ( والله

مدري ) تعلو وجوههم الابتسامه الممزوجه بالكثير من النشاط والحيويه

( مقدمه مسروقه من كتاب عالم الحيوان )

*+*+**+*+*+*+*+*

بس لحظه قبل ما تقرون القصه باعطيكم نبذه عن مدرستنا طبعا

مدرستنا تتميز بانواع الصجه واللجه والكثير من الدجه

وشويت شورما ( كم الحساب )

طبعا مديره مدرستنا المربي الفاضله ( Bint Najd) والمشرف على

المرحله الى ندرسها هو بنت جدة اللي تمسج عروتانا ( مين قدك طلعتك في القصه بين

ارضك وعلى جمهورك تلاحظون اني حست ام الجمله ما عليه

الظاهر اني ماعدت اجمع تعرفون الحر على الابواب )

(لازم نحط مشرفين عشان ما يشخطون فيني )

والمهم الطلاب بيطلعون شوي شوي بالقصه ( صارو فقع مو طلاب )

القصه
بعد ان اوقف سيارته ( التريلا ) تحت ظلال اشجار احد البيوت المحيطه بالمدرسه يتوجه @المجهوول@ الى الفصل
منهكاً متعباً تعلو ملامحه السهر و قلة النوم

( أحداث ليلة امس@المجهوول@ )

وهو راجع للبيت من اخر توصيله الساعه 9 مساءا ( لأن في البيت اصدرو قرار ان ما رد الساعه 9 و نص يسحبون التريلا منه )

المهم وقفه رجال منهك طلب منه توصيله الى المستشفى طبعا رفض @المجهوول@ لانه يعرف اذا وصله راح تصدر عليه قوانين

هو في غنا عنها .. بس الرجال طلع 50 دينار ولوح فيها في وجه وقال هذي كلها لك بس توصلني و تنطرني وتردني للبيت

( على فكره @المجهوول@ اخر مبلغ طاح في يده نص دينار لا و مقطوعه و لصقها بلزاق أخضر )

النص دينار هذا غنائمه اليوميه من اخونا احمد العتيبي مستقوي عليه ودايم ياخذ فلوسه

المهم يوم وصل الرجال و خلص شغله الساعه صارت 3 الفجر ، خاف يرد للبيت و يخسر السياره

قرر ان يفتر لين تجي الساعه 7 ويروح للمدرسه

ويدخل @المجهوول@ا لفصل .... ويستفتح بالوجيه الحوله المنوره على الصبح

وفي مقدمتهم استاذة مادة الرياضيات ) عاشقة دياناحداد (يالله صباح خير رياضيات هالحزه

(شباب لازم نخلي الشغل الاداري كله للمشرفين للضروره احكام )

عاشقة دياناحداد: صباح الخير يا حلوين

يالله كل واحد يطلع كتاب الرياضيات على الطاوله

و دفتر الرياضيات ابو ثلاثميه وخمسه وستين ورقه

ويطلع المرسمه والمسطره والمساحه

احمد العتيبي : هلا صباح النور و السرور يا أصطاذه

لا يفوتك يا اصطاذه شوفي من جا وراك !! @المجهوول@
( نذاله على الصبح وين الاخوه )

@المجهوول@ : ايه متأخر عندكم مانع ، أصلا احمدوا ربكم اني جيت اليوم

عاشقة دياناحداد: ولد خلاص أنت وياه !! كل واحد يقعد بمكانه بسرعه عشان نبدأ الدرس


!!>,< gIrL >,<!! : يا استاذه وش درسنا اليوم ؟ ( أحلا يا متحمسه .. ولا حركة حماس )

عاشقة دياناحداد: درسنا اليوم ان شاء الله عن الهندسه الفراغيه

شيطون52 : هاهاها أقول أستاذه ليس ما ندرس هالدرس عملي داخل راس القلب النابض هناك فراغ غير طبيعي

( طبعا القلب النابض نايم ماسح أول ثلاث حصص من جدوله )

بشعه ومغروره : ايه يا استاذ يقولون المنح الجديده نزلتها البلديه داخل راس القلب النابض؟

تانيا : أقول sereen لو تسمحين عطيني واجب العلوم لأني مع الاسف ما حليته

( طول الليل يفكر وشلون يواجه @المجهوول@ و مايخليه يا خذ فلوسه )

sereen : آسفه ، هذا مجهودي ومو بالسهوله اعطيك الحل إلا اذا عطيتني نص دينار هنيه افكر

عاشقه رنين : أقول شيطون52 اذا تبي اتوطى في بطن @المجهوول@ ويحرم ياخذ فلوسك عطني نص دينار

( ول يا شلة النصابين )

عاشقة دياناحداد: ( بدت تعصب ) ما ودكم نقلب الحصه سوالف و فله انت وياه !!؟

أسكتو وخلوني أعرف اشرح مو كفايه اني نسيت دفتر التحضير عند بنت جده وأنا داخله ؟

@المجهوول@: أقول بنوتة جريئة ! هو أصلا فيه واجب بالعلوم ؟

( كيف الحال!!؟ )

بنوتة جريئة : أيه .. الواجب حق قبل امس

@المجهوول@ : طيب عطيني الواجب لأني نسيت أحله .. طول امس وانا اكتب قصيده بالمنتدى

قيصر لبنان : يا ناس على كذا من حل الواجب ؟؟؟؟

sereen : أنا و عاشقه رنين حليناه مع بعض .... والظاهر ان تانيا مسويه اقتباس مني


!!>,< gIrL >,<!! : >> ! سرين الدينار النص بالنص اوكي ( ضرايب تانيا )

عاشقة دياناحداد: ( هالمره عصبت ) يا عله أنت وياها أنا أوريكم أشلون تتكلمون

يالله أطلعوا برا عند المشرف بنت جدة اللي تعرف يتصرف معاكم

وفي هذه اللحظات الحساسه والحاسمه

يستيقظ القلب النابض من قيلولته اليوميه على صوت

القلب النابض: آآآه ( يتثاوب ) خير وش السالفه ؟ عسا ما شر ؟

@المجهوول@: أسكت يا فضيحه لا تجيب لنا المشاكل

القلب النابض: منو اللي معصب علينا على هالصبح ؟

عاشقه رنين : اشششش كخ ( صفقته بالكتاب ) ابلع ألسانك

شيطون52 ؛ يا شباب واحد يسكت آدمي هذا ولا ينومه ولا يشوف له صرفه

تانيا : القلب النابض ...عاشقه ديانا الحداد طردت !!>,< gIrL >,<!! و من الحصه sereen بسبت كلامهم

القلب النابض: يا سلام .... ليتني متكلم عشان أطلع وأشم هوا

عاشقة دياناحداد: ( أرتفع ضغطها ) تشم هوا هاه؟ تشم هوا ؟؟؟ أنا أوريكم شم الهوا

يالله شيلو كتبكم من الطاوله كل واحد يطلع ورقه ويكتب اسمه عليها

( أختبار مفاجئ )

عاشقه رنين : خلاص استاذه ما صار الا الخير

بنوتة جريئة : ريح اعصابك أستاذه ولا تعوذ من ابليس

البنت الدلوعه: وش أختباره يا استاذه حرام عليك

(ويقولون البنات شطار )

@المجهوول@: اللهم لا تؤاخذنا بما عمل السفهاء منا

( منو يقصد؟؟؟؟ )

عاشقة دياناحداد: لا تزيدون الكلام معاي يلله أكتبو السؤال الاول ؟

قيصر لبنان : يا استاذه قولي لا اله الا الله و اشرحي الهندسه الفراغيه

شيطون52 : ما شاء الله عليك يا قيصر لبنان لا أقنعتها

: يا قيصر لبنان أنت للحين ما طلعت ؟؟؟ أطلع يالله عند بنت جده

بشعه ومغروره : خلو عاشقة ديانا الحداد على راحتها تبي أختبار خلاص اختبار

احمد العتيبي: @المجهوول@ يا @المجهوول@ وجع عطني ورقه

@المجهوول@ : فاضي لك أنا ؟؟ مو كافي اني متأخر

بنوتة جريئة : احمد العتيبي أكتب على النمره اللي بفتيلتك

البنت الدلوعه: كيف الحال ؟؟ هو قال يبي ورقه ما قال يبي براشيم!!؟

تانيا : عندي ورق شاورما ينفع

( متريق شاورما )

عاشقة دياناحداد: السؤال ... أحسب ناتج العمليه الحسابيه التاليه

ثلاثه زايد زائد سبع طعش ألفين كيلو متر في الدقيقه الواحده ... الكل تربيع أس سالب أربعين

ضرب ثلاث ارباع درجه على مقياس ريختر

أفتح قوس ألف الجذر التكعيبي لموجب صفر ... ناقص خمسه و في اليد واحد صك القوس بس لا تسكر على ايدك

تقسيم ميم بتاريخ17 - 6 - 2006 مـ في السنه الضوئيه لكل ملي متر مكعب

في غرفه يكون فيها الظلام سائد مما يمنع الصيد في البحار الاقليميه

( بدأ كل الصف يحلون .. وأنقسم الطلاب الى عدة فئات )

1- اللي بدا يحل من نفسه وأعتمد على معلوماته في الحياه

( وهذي الفئه نادره بالصف )

2- اللي بدا يغش من الطاوله اللي جنبه ... واللي جنبه ما عنده ما عند جدتي

( جدتي ارجعي وش جابك للصف )

3- اللي بدا يقتبس من كتاب الوزاره

( حتى الوزاره ما تعرف تحل هالسؤال )

4- واللي سلم ورقته من أول ما كتب السؤال

( ورحم الله أمرئ عرف قدر نفسه )

5- واللي يدور له على ورقه يكتب عليها

وفي هذي اللحظه .. يدق الجرس

ترررررررررن ترررررررررررررن

و تـــررررررررررررررررن تراااااااااااااااااااان ترررررررررررررررررررررنتتتتتتتررررررر

وقامت عاشقة دياناحداد تسحب اوراق الاختبار المفاجئ

وسط ذهول وحيرة طلاب الفصل ... وأعتراضهم على سحب الأختبار

: من كثر المعلومات اللي الحين بتكتبونها لو فيكم خير ما أعترضتو على الاختبار

و هني تنتهي الحصه الأولى .. في مدرسة منتدى عاشق لبنان و بخصوص الاختبار

من مصادري سمعت ان الدرجات تتحسن على حسب ردودكم .. وخلونا نشوف من الشاطر و يبي درجاته تكون عاليه

أنتظرو ملخص الحصص الباقيه

ومع السلامه

أرسل أصلا بواسطة مجنووونة أمــ حجازي ــل @المجهوول@ ههههههههههههههههههه حلوة تسلم الديات عشوقة صرتي من وراي مدرسة عاشقة دياناحداد (يالله صباح خير رياضيات هالحزه (شباب لازم نخلي الشغل الاداري كله للمشرفين للضروره احكام ) عاشقة دياناحداد: صباح الخير يا حلوين يالله كل واحد يطلع كتاب الرياضيات على الطاوله و دفتر الرياضيات ابو ثلاثميه وخمسه وستين ورقه ويطلع المرسمه والمسطره والمساحه هههههههه