TOTTI

السلام عليكم ورحمة الله وبركاته

من زمااااااان عنكم ياعشاق لبنان؛؛؛مشتاقين لكم

<<<<<جايكم محمل بكلام واجد

رحت ورجعت والمنتدى هوا هوا ماتغير شيء أبدا ,اللهم بس الاعلان اللي حاطينه فوق هذا الشيء الجديد غيره مافيه, حتى أفضل موضوع وأفضل مشرف وأفضل عضو ماتغيروا

أحس غياب كبير في المنتدى من خلال المواضيع اللي شفتها قبل شوي شيتوس,روميو لبنان,موناليب, البرنس,وطبعا ماننسى اللي غايبين قبل مااغيب عن المنتدى روميو و مستر ايطالي وستولا, نتمنى يكونوا بخير وأخاف إني نسيت أحد

والبارزين في هذي الفترة :عبودي,بيبو,متهور,باد بوي,عفريت,منيرز,سويت,موري,دبدوب واللي نسيته يسامحنا

طبعا أنا كلامي عن المنتدى الرياضي فقط

خلونا نتكلم شوية بالرياضة , نروح لفرق الكالشيو أول

في فترة غيابي ميلان فاز على اليوفي مرتين بشهر واحد برضوا الانتر فاز مرتين على اليوفي بشهر واحد

أساسي اليوفي ماقدر يفوز على رديف ميلان !!!أقصد مباراة بطولة تيم الودية ,أتذكر تلك المباراة لاعبي اليوفي استخدموا كل أساليب العنف ومع ذلك خسروا

وماننسى أسلوب العنف وكافة أنواع الضرب اللي استعملوها في مباراة الانتر بكأس السوبر ومع ذلك أيضا خسروا وبالمناسبة مبروك لأبناء العمومة هذه البطولةالمستحقة , يستاهلوووووووووووون


أحد أصحابي يوفاويين يقولي :سوق الانتقالات هذا الصيف غير مرضي لنا !!!قلت فييرا مايكفي؟ قال لا أبدا حنا نبي كاسانو



ببساطة [[هذا موسم ميلان والانتر والله أعلم]]أهم شيء العدل ياحكام العدل والعدل فقط بين الجميع والظاهر البداية ماتبشر بخير أبدا بعد ماشفنا [حكم مباراة اليوفي وكييفو]

الا صحيح وش هالثورة الهمجية اللي طلعت علينا بعد فوز ميلان على اليوفي ببطولة بيرلسكوني؟؟؟؟
أجل مالديني وكاكا متقصدين يصيبوا نيدفيد وبوفون!!! خخخخخخخخخخخخخ

مع احترامي لـ[نيدفيد]بما أنه لاعب كبير إلا أنكم لازم تعرفون إن الكابيتانو [مالديني] أكبر من[ نيدفيد] بكل شيء وأكبر من هالتصرف ,[مالديني] لم يعجزه لاعبين أكبر من[ نيدفيد] تقولون لي متقصد بعد بعد مابقى الا هي لن أقول أن [مالديني] لاعب عظيم , بل سأقول أن [مالديني] أعظم لاعب بالتاريخ شئتم أم أبيتم,, بعدين تكفوووون لاعمري اسمع منكم هالكلام أحس إنكم جهلة [[تسمعون بشيء أسمه كورة ولاتدرون ايش هي]] ياللي تقولون عن مالديني هالكلام

و[كاكا] الرقيق الأنيق يصير خشن!!! من متى بس!!! لكن والله الخسارة وعمايلها تسوي أكثر مهيب بعيدة بكرى يطلع لنا واحد يقول [مالديني] كسر [زبينا ]عشانه ماقدر عليه!!!!!!!!!!!!!!

الا على طاري الميلان واليوفي وش أخر تطورات صفقة دلبيرو من يوفي إلى ميلان؟ سمعت أنه في حال انتقل كاسانو لليوفي , دلبيرو بنسبة كبيرة ميلاني!!


صراحة أعجبني جالياني بتصرف صفقت له كثيرا عندما قام بـــ[[التــبرع]] لليوفينتوس بـ[أبياتي] <<<<<الكبير يعطف على الصغير ،، برافو جالياني




خلصنا من فرق الكالشيو نروح للدوري السعودي [[أقوى دوري بالعالم]]خخخخخخخخخخ

من متى وبزران الهلال يفوزون على شيبان النصر؟؟؟

الهلال مافاز عشانه الأفضل لا طبعا, الهلال فاز عشان النصر سيء وطبعا ماننسى اللاعب رقم واحد بصفوف الهلال دائما اللي بدع بالمباراة وعلى قولة بيبو [[شوي ويلبس هلال]]خخخخخخخخخخ

عموما مبرووووووك الفوووووووز للهلاليين عبودي وبيبو وغيرهم



وعلى طاري عبودي

لاعاد أسمعك تقول سامي أسطورة !!!خخخخخخخخخخخخخ

قسم بالله خليتونا مضحكة قدام خلق الله!! أجل سامي أسطورة؟!؟!؟!؟!

ولا بيبو يقول سامي أحسن من ماجد؟!؟!؟!؟!؟!؟!؟!؟!؟!؟!<<<<<<موضوع متجدد من الهلاليين

غصب يخلون لاعبهم أحسن من ماجد, ببساطة [[بدري عليه]] , من هو هالسامي عشان تحط اسمه جنب عميد لاعبي العالم سابقا ماجد أحمد عبدالله!!!

الفيفا وضع ماجدونا بجانب عمالقة الكرة [مارادونا وفان باستن وبيليه وجورج ويا وخولييت 000000وباقي الشلة] وأنت تقولي سامي !؟؟!؟؟!؟؟!؟؟!



ماجد يتعرض لحرب اعلاميةواااااااااااااضحة

أجل يقولون [[العنبر يسقط الكابتن ماجد]]<<<<حسبي الله عليهم من صحافة متخلفة العنبر اللي ماصار له سنة يقولون يسقط ماجد وليتها وقفت على كذا بل أنهم تعرضوا لماجد بالاقلال من شأنه وصفوه بأنه [[محلل كيف الحال]]<<< هذا خبر من جريدة الخنزيرة الجريدة المفضلة لهم



هههههههههههههههههههههههه

خلال إطلاعي على أحد المواضيع استوقفني هذا الرد من أحد المتعصبين


لكن والله كلامه صحيح, تشيسلي بطل الدوري فهو أحق بأن يكون على رأس إحدى المجموعات ولو اخترنا فريقا لايستاهل أن يكون بالتصنيف الأول لأختارنا [الريال] <<<<<بالله ايش سوى هالنادي الموسم الماضي حتى يكون على رأس مجموعة





نقاط متفرقة

#1#ميلان وانتر , تشيلسي ومانشيستر ,برشلونة وفياريال<<أبطال الدوريات الأوربية ببلدانهم من هؤلاء والله اعلم [مجرد توقعات ]


#2#توتي[[مو أنا]] يقول: لو كنت بميلان لحققت انجازات كثيرة ؛؛؛بعدي ياملك


ُُ#3#أعجبني لاعب تشيلسي الجديد الأسباني [[دل هورنو]] لاعب فنااااااان بكل ماتعنيه الكلمة , تشيلسي وفق كثيرا بإختياره مبروك عليكم هاللاعب


#4#روي كوستا روي كوستا روي كوستا ياأنشيلوتي , تكفى لعبه أساسي مكان العلة سيدروف , لكن والله صار لعب الروي شيء صعب بعد شفاء الرائع يانكو


#5#هذي النقطة رقم [[خمسة]] يعني لازم تكون عن[[ الهلال]] خخخخخخخ, مبروووك عليكم [[ياسرونا]] والله افتكينا من سالفته اللي عيت تخلص والحمدلله خلصت


#6#[أرسنال , روما ]الحال من بعضوا تعاقدات مافيه شيء يرضي الطموح للأسف,لكن مع ذلك نتمنى نشوفهم منافسين أقوياء وهم أهل لها ,[ برشلونة ]كذلك ليس هناك تعاقدات تملي العين إلا أن البارسا ليس بحاجة للاعبين جدد مثل الأرسنال وروما قد يكون البارسا محتاج لقلب دفاع متمكن فقط



#7#فيورنتينا,بارما,أودنيزي,سامبدوريا,فياريال, أتلتيكو مدريد,توتنهام,مانشيستر سيتي؛؛؛؛؛؛ترقبوهم



#8#ريال مدريد ناوي يجيب منتخب البرازيل الظاهر!!!!!! سياسة فاشلة تجميع لاعبين من بلد واحد وياليتهم بلد نفس الفريق عندها نقول طريقة سليمة


#9#أفضل صفقات الصيف [يانكو وجيلا للميلان] ,[دل هورنو وفليبس لتشيلسي], [فييرا لليوفي], [ياسر القحطاني للهلال]<<اخر وحدة لاتصدقونها امزح خخخخخخخخخخ


#10#مافيه شيء بس حبيت النقاط تكون [[10]] نقاط على رقم الملك توتي




واعذرونا على الاطالة وعلى الترتيب الواضح بالموضوع خخخخخخ<<<<مستعجل شوي

ويمكن نغيب عنكم شوي
والسلاااااااام عليكم ورحمة الله وبركاته

متـهور

TOTTI

8
8
8
هلا بصديقي العزيز[[متهـور]]
صراحة أنا تشرفت بأن تكون المشاركة رقم [[9]] لك بالمنتدى بإحدى مواضيعي اللتي تحكي عن سيد المهاجمين العرب والاسيوين [[ماجد أحمد عبدالله]]

قاهرن بعض الناس ياماجد

بيكهام العرب

مشكور توتي على الموضوع
وبتوفيق للانتر ويأخذ الدوري واذا ماخذة ياخذ الدوري روما
والا الله يبارك فيك ياتوتي
اما ان سامي افضل من ماجد لا احنا ماقلنا ان سامي افضل من ماجد
وانا قلت في احد الموضيع ان سامي ثالث افضل لا عب في السعودية بعد يوسف وماجد
وشكرا توتي

__________________

abody

(( أهلا وسهلا توتي حياك الله .. من طول الغيبات جاب الغنايم ..

توتي انا برد على بعض كلامك اوكي ))


وعلى طاري عبودي

لاعاد أسمعك تقول سامي أسطورة !!!خخخخخخخخخخخخخ

قسم بالله خليتونا مضحكة قدام خلق الله!! أجل سامي أسطورة؟!؟!؟!؟!

(( ليش ما نقول عن الاسطوره أسطوره ؟؟ يعني لاعب يفرض عليك احترامه داخل الملعب وخارجه

انا ما ابغاك تنظر لسامي بتحيز .. لا شفه على انه لاعب ثاني .. وش الانجازات اللي سواها سامي .. انا كاتب موضوع عن انجازات سامي .. شفها ..
واذا لقيت لي لاعب عربي أو آسيوي واحد يقارن بسامي بالانجازات .. تعال وعلمني
أنا يا توتي ما اتلكم بعباطه واقول اسباب تافهه ,, او اتمسخر على اللاعب

اذا ما لقيت فيه شي يعيبه .. انا اتكلم عن اجازات وبالارقام .. وارجو الحكم بعقلانيه وبدون تعصب ))

ولا بيبو يقول سامي أحسن من ماجد؟!؟!؟!؟!؟!؟!؟!؟!؟!؟!<<<<<<موضوع متجدد من الهلاليين

غصب يخلون لاعبهم أحسن من ماجد, ببساطة [[بدري عليه]] , من هو هالسامي عشان تحط اسمه جنب عميد لاعبي العالم سابقا ماجد أحمد عبدالله!!!

الفيفا وضع ماجدونا بجانب عمالقة الكرة [مارادونا وفان باستن وبيليه وجورج ويا وخولييت 000000وباقي الشلة] وأنت تقولي سامي !؟؟!؟؟!؟؟!؟؟!

(( نفس الكلام اللي فوق لكن انا ازيد عليه واقول ,, ماجد يوم كان لاعب ما يختلف عليه اثنين
وكنا كلنا نفتخر فيه .. وخاصة بعد عمادة العالم .. لكن ما نحاربه مثل ما تسوون مع سامي
أنا اقول لك ماجد هداف من الطراز الاول .. وشباك الحراس تشهد له .. وعشان نبعد عن العصبيه بعد
شباك السلومي تشهد له .. انا اشهد لماجد عبدالله وهو مايحتاج شهادتي اصلا
لكن اقول لك هو يعتبر الابرز تهديفيا ..
لكن ارجع واقول هذا ما يمنع انه يجي احد ويتعدى ماجد .. هذي الكوره كلها بالارقام .. ماجد سجل وابدع وحقق بطولات وكؤوس مع المنتخب والنصر ..
ولكن لا تقارن ببطولات سامي مع الهلال .. وانجازاته مع المنتخب .. ربما تفوق سامي على ماجد بالنجازات والالقاب .. ولكن اقول لك ماجد يتفوق بالتهديف ))




ماجد يتعرض لحرب اعلاميةواااااااااااااضحة

أجل يقولون [[العنبر يسقط الكابتن ماجد]]<<<<حسبي الله عليهم من صحافة متخلفة العنبر اللي ماصار له سنة يقولون يسقط ماجد وليتها وقفت على كذا بل أنهم تعرضوا لماجد بالاقلال من شأنه وصفوه بأنه [[محلل كيف الحال]]<<< هذا خبر من جريدة الخنزيرة الجريدة المفضلة لهم

(( وش هالكلام ؟؟ انت والكل عارف وش قصد اللي كتبوا وبعدين انا ما تهمني الجريده لا جزيره ولاغيره .. لكن الكل كتب هالكلام .. لكن معروف قصدهم
لأنه في التحليل قبل المباراة قال ماجد .. ان العنبر ما يفترض ان يكون هنا
وان الزج به في هذه المباراة مغامرة . لأنه لم يثبت نفسه جيدا ...... الخ
يعني عطى اللاعب كلام قوي شوي .. يعني فيه لاعبين وبمناطق حساسه في
في المنتخب وما قال عنهم شي ؟؟ امين / معاذ / كلهم صغار ولأول مره يشاركون
لكن الكابتن تكلم عن العنبر فقط ..
وبعد كلام ماجد وبداية المباراة بـ 4 دقايق شفنا هدف العنبر .. وشفناه طول المباراة
كيف كان مصدر قلق للكوريين .. وأخذ افضل لاعب في المباراة .. فهم يقصدون
انه تغلب على ماجد في هالموقف ..))
(( وشي طبيعي لو اقول انا ان فلان ما راح ينجح .. وينجح يقولون تغلب عليك ))

( وارجو النظر لماجد بأنه بشر يخطئ ويصيب ماهو كل ما يقوله لازم يصير صح
وبرضو انه بشر ومن الطبيعي انه يتفوق عليه احد .. وكذلك سامي ربما نجد
لاعب اخر يتفوق عليه بعد اعتزاله )

لكن ارجو زيارة الموضوع اللي انا كاتبه .. وتشوف انجازات الاسطوره سامي

وياليت تشوف بقية المواضيع وتشوف ردود غير السعوديين وتشوف ردود بعض السعوديين
باستثناء باد بوي لأنه يعجبني تفكير هالانسان ... غير متعصب ابدا
وشكرا