|
|
|
|
07-28-2005
|
#1 |
|
«©»عاشق مبتدئ«©»
تاريخ الانضمام: Mar 2005
محل السكن: البحرين
المشاركات: 153
|
جدتي حصه والتزوير
جدتي حصه والتزوير سلمكم الله جدتي حصه قصيميه ومره من المره تحسيلي هالسالفه البارح يومني متوسدتن على الكنبه في بيت شختوره ( ام عشيش ) جارتنا .. وهي اللي تقول:::: هاوو ياحصه وش هالنشاط اللي بتس يومتس تعكفين بخصرتس تسذا .. قلت له انا طايحتن هالايام بالتمارين السويديه .. قالت وش هي تمارين السويديه ومن عائلته ..!! قلت لاياالكمخه.. مير انتي وش عرفتس يالعجوز .. واتعدل بجلستي واعكف حجاجي غاديتن تقل ايقونه (( غضب )) اللي حاطينه بالمسنجر <<< يرحم امتس لاعادتس تذبين .. شوفي ياشختوره .. التمارين السويديه الله يسلمتس ويبلاتس بالجرب مثل مابليتين بالضغط.. يرجع اصلها لقبيله اسمها سويد كانوا من اول عايشينن بوسط غابه قبل 230 سنه من هالحين يعني قبل لاتولدين مرتين .. وتهز راسه ام عشيش جايزتن له السالفه ... ويقولون مع الاحتكاك بالقروده والحيوانات خبرتس ياخذون منهم وياخذون منه .. عاد تعلموا ومع الوقت صارت مثل الفرض عندهم يسوونه ثلاث مرات باليوم .. ومع مرور الوقت صارت تمارين يسوونه باوقات الفراغ واقوم امثل له .. وانبطح على بطني وانا عاظتن الشيله وابدا اسوي ضغط .. واحد .. اثنين ... واحد .... والتفت عليها .. شوفي ياشختوره هذا تمرينن يسمونه الضغط ..!! وتلبس الغطوه ام عشيش .. ضغطن يجيتسسس ولاينزل ابد قولي ااااااامين .. وش قله هالأدب وحركات المراهقه هاللي انتي تزينينهن ياحصه طلعت من ام عشيش وجايتزن لي الفلسفه اللي كبيته عليها .. لكن اللي ماجاز لي عسيب النخل يومه يمشي على ظهري .. وتطن براسي اللي مدحوس بالبكل .. وهي اني اشتغل مدرسه في معهد بنات .. عشان اتفلسف عليهم .. واطلدز للساني الحريه المطلقه في التعبير والفلسلفه .. اي والله ياحصه اصلا وش بقى من اللي راح <<-- تقولها وهي حاطتن ايده على خدها وتطالع فوق .!! بعد التفكير السريع شار قلبي على شورن زين .. واروح اطلع شهادة ولدي نويصير يومه يتخرج من جامعه اكسفورد هاك السنه <<< ايه هيّن اكسفورد .. والله واطمس اسم الجامعه وكل بياناتوه وغيرت بالنسبة والتقدير .. واكتب مكانهن كليه التربية بالملز .. والاسم حصه العبدالرحمن .. التقدير يالله من فضلك صاكتن 90 << كاتبته بالحرف الواحد .. واروح وانقز لمكتب العمل : الا بوه موظف واحد وطابور كله شباب وش ملحهم كلهم ملح وقمله .. لكن مضيعتهم الدجه واهمال الدراسه .. ويجين واحدن منهم ويقول ياخاله تكفين ممكن طلب .. قلت سم ياولدي وش انت تبي .. قال الله جابتس ابيتس تدخلين على الموظف وتكلمينه يشوف لي اي وظيفه على انتس امي يمكن يحن قلبه ويتحرك شوي .. قلت هاوو انا هالحين جايتن ادور على وظيفه تبين ادور لك .. لكن مايخالف تعال وانا امك نشوف يمكن يهديهم الله .. وادخل على الموظف الا هو شايبن من شيبان بريده من اول واتذكره واقول : هاووو قرضمه ؟؟ .. ويناظرن وهو متعجب ومحمرن وجهه .. من انتي ؟ .. ووش عرفتس بي .. قلتتت اييييه عشان كفشتك وذكرتك بعيارتك من اول يالقرضمه هاع هاعع .. انا حصيص بنت عبدالرحمن التتان .. شف اسمع ابيك تدبر لي وظيفه لهالولد ووظيفه لي وهذي شهادتي مدري سيرتي الذاتيه ........:: ياحصه تتكلمين جاده انتي وشلون تبين ادبر لتس وظيفه وانتي بهالعمر .!! قلت دبرن ياجعلك الصلاح والا نسيت حصه ونسيت الايام الخلاوي يومك اتميلح كل يوم عند باب بيتنا .. ويطلدز ضحكه هههههههههههههه اييييه ماشاء الله عليتس ذاكره .. قلت ايييه واتذكر يوم يمسكونك اتتن ويجلدونك المطاوعه .. ::: خلاااص اصصصص تكفين وهااتي اوراقتس لابارك الله بالايام الخوالي ..::: الا تعال وخذ شهاده هالولد وشف له وظيفه بعد . اجل اتميلح هاااه يالقرضمه هاهاهاها << قايلته وهي ملتفه للي صافين طابور .. والله وتجين وظيفه في المعهد البريطاني تسانكم تخبرونه ذاك اللي بالملز قبال الملعب حول ميد ومعهد نبراس <<< ماودتس بعد تعطينهم ارقام التلفون ..!! وادخل المعهد وانا كلي طامحتن اني بكون ممتازه بالعمل .. ويعطوني الكتب اللي محتاجتهن.. وادخل الفصل على الطالبات .. السلااام عليكم يابناااات وشلونكم .. ويصفقون لي ويرحبون ويقومون صفن واحد (( وعليكم السلام ورحمه الله وبركاته انورت واسفرت يا استاذتنا الجديده )) واحس بنشوه غريبه .. قلت برب وطلعت مع الباب ودخلت مرتن ثانيه وقلت السلام عليكم مره ثانيه .. ويقومون بنفس الحركه .. جازتلي هالحركه وتخلص نص الحصه عليها .. والله واحوس نظام المعهد كل ابوه من فوق لتحت .. وازين شي يوم اشرح للطالبات عن ماده المطالعه .. واقولهم ان المطالعه تنقسم لنوعين مطالعه واجبه ومطالعه محرمه .. الواجبه انتس تطالعين باستمرار واجباتس .. يعني لاصرتي تطبخين ركزي عيونس على القدر لايغلي وينكب على الفرن .. وركزي عيونتس على البزران لا يصيرلهم شي .. هذي هي المطالعه .. اما المحرمه هي مطالعه الافلام والستاراكاديمي وهالامور .. والا يوم اخذ الطالبات .. ونطلع بخط بلده رايحاتن لسوق الحله .. ويوم سالون ليش مطلعتن البنات ياحصه قلت .. تطبيق نظري لدرس البيع والشراء بالفقه .. .. ماتم اسبوعين الا والمديره وراعيه المعهد محضرينن بمكتبهم بنات اللذين .. وراعيه الحلال تقول وش ذا ياحصه وحده مثققه ومدرسه مثلتس المفترض انها تكون قدوه للجميع موب كذا تدريس منول لا ياحصه التدريس له قنون وضوابط لازم تكونين انتي المثل الأعلى للطالبات وماتزنين اي حركه الا وانتي مراجعته عشر مرات .. وتجي المديره وتكمل فشلتينا حصه .. بالله عليتس هذا خلق مدرسه في معهد راقي .. اجل امس جايبتن بسطه علوك وتبيعين للطالبات بالفسحه .. وش بقى ياحصه .. مابقى الا وتستاجرين استراحه انتي والبنات وتفلون ام امينها .. وانطرد من المعهد .. واخسر وظيفتي الله لايبارتس بالشهاده المزوره .. واروح يالله من فضلك بس وافتح لي كسره محل ابيع بوه اقشمه والعاب ام ريالين وشوي مكسراات .. واشتغل بوه يوميا اتكسب من هالقرشين اللي يطلعن لي .. عاد مرتن وانا جالستن اصفف اغراض المحل .. الا واحصل بنت من بنات المعهد اللي كنت ادرسهن .. وتجي عندي وتبوس راسي وترحب وتهلي .. بغيت اقولها قولي ترحيب السلام ذاك بس استحيت بالسوق .. وعرفت اني انطردت وقالت ياخاله .. نذرن علي اني لاشتغل معتس وبقول لكل البنات يجون معتس يشتغلون .. ومن باتسر الا خط البلده نفسه ذاك جاي مرتن ثانيه ناقل البنات وجايبهم .. ونفرش فرشتن بوسط المحل ونخطط وش نزين به .. ووش نفتح ونتقاط من ذي خمس تريل .. وذيك عشره .. وهذي اللي تدفع ميه .. واللي اتسلف من رجله خمس اميه .. الين كومنا مبلغن مب سهل ونستاجر صفه المحلات اللي بجنب محلي الكسره .. ونفتح مشغل ونتفح محل اقمشه .. وسمينااوو .. (( مشغل الأستاذه حصه )) << البنات اللي مقترحات الاسم يقولون جايزتن لنا فلسفه المطالعه .. الييين غدت محلات ( حصه وطالباته ) ماليتن الحله وواصلتن ( الخب ) ببريده .. يالله من فضلك ماقول الا يارب عفوك بس ليش اني غشيت وزورت الشهاده .. وترقبووووو محلات حصه ببرزان بجانب خوجه تقبلو تحياتي |
|
|
|
07-29-2005
|
#2 |
|
الأب الروحي
عضو بإدارة تطوير شبكة عاشق لبنان 
تاريخ الانضمام: Jul 2004
محل السكن: فلسطين
المشاركات: 74,531
|
__________________
|
|
|
|
|
08-02-2005
|
#3 |
|
«©»عاشق فضي«©»
تاريخ الانضمام: Mar 2005
المشاركات: 5,715
|
 |
|
|
|
|
08-05-2005
|
#5 |
|
«©»عاشق فضي«©»
تاريخ الانضمام: Feb 2005
محل السكن: مملكة البحرين
المشاركات: 5,419
|
هههههههههه يسلموووو
|
|
|
|
 |
| Bookmarks |
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
دردشة عاشق لبنان البوم صور عاشق لبنان مركز الجوال بعاشق لبنان العاب فلاش فيديو كليب اغاني عاشق لبنان دليل لبنان السياحي المطبخ العالمي مجلة عاشق لبنان المنتدى العام النقاشات الجادة منتدى الترحيب منتدى الاهدائات منتدى الفنون منتدى الفانز فانز هيفاء وهبي فانز نانسي عجرم فانز اليسا فانز وائل كفوري منتدى ستار اكديمي منتدى سوبر ستار منتدى الصور الفنية منتدى كلمات الاغاني الشعر العربي الخواطر الادبي اللغات الاجنبية حواء جمال واناقة الصحة والاسرة الامومة والطفل منتدى لمسات المنتدى الرياضي كرة القدم منتدى المحركات الصور والافلام الرياضية منتدى ادم انمي قصص الاطفال حكايات ذكريات ومذكرات صورة وتعليق النكت والالغاز منتدى الالعاب برامج الانترنت الجرافيكس والتصميم الجوال والفضائيات المنتدى العلمي التاريخ والتراث العربي السياحه والسفر والرحلات منتدى التواصل مع عاشق لبنان صور الفنانات العرب صور الفنانين العـرب ابتسامات الماسنجر والمنتديات خلفيـات المشاهيـر و النجـوم خلفيات الإنمي خلفيات الكمبيوتر نجـوم البـرامج الواقعـية صور مضحكة وطريفة صـور أطفـال بطاقـات ورومانسيـات صور كرتون صور الرسم والصور الفنية صور القطط والحيوانات ثيمات الجوال صور سيارات صور الطبيعة و الورود فيديو كليب اغاني عربية فيديو كليب اغاني اجنبية فيديو كليب هيفاء وهبي فيديو كليب نانسي عجرم فيديو كليب اليسا فيديو كليب وائل كفوري فيديو كليب اطفال مقاطع مضحكة
النمط الخطي
