هذي قصه واقعية صارت في دوله من الدول العربية المعروفة::

في احد الصحف المشهوره كان فيه اعلان على وضيفة سكرتارية في شركة معينه

كانت البنت ( منى ) شابة في عمر الزهور
خلصت الثانوية وراحت تدور على وظيفة علشان تساعد اهلها في المعيشة

قرت ( منى ) اعلان عن وظيفة سكرتارية في شركة معينه في احد الصحف المشهوره

وكان في الاعلان رقم هاتف جوال للاستفسار عن الوظيفة

اتصلت ( منى ) على الرقم عشان تستفسر عن الاوراق المطلوبة في المقابلة
واتفقت مع الشخص اللي كلمها وواعدها بيوم من الايام علشان تسوي المقابلة

عطاها العنوان حق الوظيفة ( الشركة ) لكن لما راحت ( منى ) للمكان تفاجأت
ان المكان عبارة عن شقة وفيها مكتب صغير في وسط الغرفة

طبعا ( منى ) ماعجبها الوضع
ليش لا وهي حاسة ان فيه مشكلة في الموضوع
لا موظفين ولا عمال ولا مدراء
اكيد بتخاف

لكن الشي اللي خلها ترتاح وتهدي من الخوف اللي سكن قلبه هو الاستقبال
اللي شافته من الشخص الموجود داخل الشقة
وطريقة كلامه واحترامة

لكن بعد مده قصيرة
تغيرت نظرات الشخص
وكأنه ناوي على نية ماهي لصالح ( منى )

خافت ( منى ) من نظرات الشخص وبعد ما غضت نظرها عنه شوي
جا من وراها وطرحها على الارض وكتف ايديها ورجولها
طبعا هي تفاجأت وصارخت وخافت لكن من اللي كان يسمع
طبعا ولا احد
بعد ما سيطر عليها هذا الشخص
قطع ملابسها واغتصبها والعياذ بالله

وبعد ما اغتصبها قالها اطلعي برى الشقه واذا جاني خبر انك بلغتي الشرطة
راح يكون هذا اخر يوم في حياتك
راحت ( منى ) وهي تمشي بالشارع والدنيا سوداء بعينها
ليش لا وهي قايله ومبشره اهلها انها رايحه تقدم على وظيفه
شراح يقولون اهلها على الموضوع
فكرت وفكرت وفكرت
اخر شي لقت نفسها واقفه امام مركز للشرطه
دخلت وهي تركض وتبكي وتنزل عند رجل الظابط وتبلغه بالقصه كلها

راح الظابط لمكان الحادثة
وفعلا لقوا الشخص قاعد يصلح الكهرباء اللي بشقته

قبضوا عليه طبعا ولفوا ان ملفه مليان نصب واغتصاب وسلب وانه مطلوب
من سنتين

منقووووووووولة