الحلقة الثانيه

من الحلقه الاولى:

شفت فرح واهي شافتني وابتسمت وانا وقتها توهقت ومدري شسوي والمهم جتني وقالت لي انت اللي قبل ذبحت الحيه صح فقلت لالا مو انا (تتهرب انت ووجهك) قالت بلا انت , وقالت انت منو لان اول مرة اشوفك هني فقلتلها السالفه , وقالت شسمك انت , (انصفقت) قلت بتخربط صالح , وقالت اهي : فرح , قلت شنو قالت اسمي فرح ((قلت بقلبي ادري من زمان خخخخخخ) وقلت عاشت الاسامي والمهم رحنا نصيد ومدري شنو وصدنا خير وفير وفجأه...........................شفت

5 رياجيل وشكلهم مقاتلين واللي وهقني انهم كانومسلحين وانا ورفيجي هاني وفرح مابيدنا غير الدعاء وبعد الحمدلله انهم ماشافونا وعلى طول انخشينا بين الشجر وهم مرو جنبنا , بس صار شي مو وقته بالمررررررررررررررررررررررره , عطس هاني (( بالله عليك هذا وقته)) وعلى طول مسكت حلقه ولفت انتباههم لنا وقامو يدورون وشوي والا يرمي طلقه بالهوا -وفرح بنت طبعا- وعلى طول صرخت وقلت بقلبي(يبا هذا وقته انتي الثانيه) ومست حلقها والا يقول قائدهم , اللي منخش يطلع والا بفرغ الرشاشات على الشجر وبتخسرون حياتكم وهني قمت اشوف الموت قدامي يناديني وقلت لا بالله رحنا وطي واطالع هاني وفرح واقول ها شنسوي الحين وقالو ياسعادة الملك مانقدر نطلع (ومعاهم حق)وانا صراحه كنت خايف على فرح لانها بنت وماادري شبيسوون فيها وفينا وتسكرت الافكار بوجهي ومدري شسوي وقلت ننطر واللي فيها فيها وفرح قلبها مو فيها وهاني يعظ اصابيعه وانا موب احسن منهم بعد , قمت اتمتم وحالتنا كسيييييييييفه بالمررررررررره
وعاد فرح كملتها بكي بس بسكوت وهاني طاق اصبع ومتوهق وانا اقول الحين اذا مسكونه شيبون يسوون فينا وطولنا وحنا ساكتين وخااااااايفين مره واول ماقلت يالله مافي الا نسلم نفوسنا والا صار الشي اللي ماتوقعناه وسبحاااااااااااااااان الله وفجأة والا شباب من قريتنا جايين يصيدون , موانا اللي شفتهم ,اللي شافهم هاني ويالله عاد متى يمرون علينا وشوي والا يتواجهون مع بعض وقلت ساعتها , لابالله بيصير ذبح هني وقلنا ننتظر ونشوف

وشوي والا يتقابلون وقلت خلاص هذي ساعة الصفر ويوم قربو عند بعض والا يسلمون على بعض وشلونكم شخباركم ,وانا وهاني وفرح منصدمين والسبب بالاخير انهم اطلعو من قريتنا وطلعت على طول وقلت الله ياخذكم بغينا نموت من الخوف وعبالنا انكم من اشتاريك والا اشوفهم طاحو بالارض ضحك وميتين ضحك وانا ارتفع ضغطي واقوللهم : هذا وقته انت وياه, تدرون انكم بغيتو تموتونا وقمت اوبخهم ... وانتهينا من المحنه اللي بغت تذبحنا , وعاد اخذت فروحه وقلت يالله يافرح لازم اوديج قريتكم وقالت لا ابي اقعد , قلت وين بتقدين , يالله بس امشي قدامي واهي تقول لالا مابي مابي ابقعد ابقعد وقلت اقول بس يالللللله قدااااااااامي يالله بلا كلام زايد وعاد اهي عناديه ودلوعه بس حبوبه واجرها من شوشتها (( ياقوي ياانت)) لاني خفت اجرها من ملابسها وتتشقق وانا اصلا ماشفت غير هالملابس عليها من اول مرة يعني اكيييييييديييين ان هالملابس اهي الوحيده ووديتها قريتهم ورجعت القريه ورحت بيتي ونمت

وانا راد بالطريق ومن خوفي من اللي صارلي واخاف يصير لغيري قمت افكر افكر افكر اخطرت ببالي فكره : وهي اني اوحد لبس الجنود والمقاتلين عشان لاسمح الله مايتقابلون بمره من المرات ويحسب كل منهم ان الثاني عدو ويتذابحون وانا مو ناقص .

والحمدلله يوم عرضت الفكره على اهل القريه وليش قلت لهم هالفكره وشنو سببها والحمدلله عجبت اهل القريه وتم توحيد اللبس وكان اللبس حلو والناس حبته وبعد مرور اشهر قليله , جمعت اهل القريه وقلتلهم شرايكم نوسع القريه ونخليها احلى قرية على الجزيره , فوافقو وجبنا اغراض البناء وقمنا نبني بيوت وطرق صغيره وننظف المدينه وخليناها روووووعه وقمنا نزرع الاشجار والورود وقلت لازم كل يوم اشوف القريه نظيفه واتمنى محد يخالف الاوامر والحمدلله كل شي تمام التمام ورحت انا لقرية المحبه ابي ازورهم ويوم زرتهم استقبلوني احسن استقبال وسوولي وليمه وماقصرو والله وعلى طول رحت لريف قرية المحبه وهناك ..........

نكمل بالحلقه الجايه

ومع التحيه

لندني