دردشة الهواوي


الرجاء كتابة اسم الموضوع من غير اي نوع من الرموز

منتديات عاشق لبنان > °ˆ~*¤®§(*§ المنتديات العامة §*)§®¤*~ˆ° > المنتدى العام ..[مشتـــاق ... في مهب الريح !!]..

اسم المستخدم تذكرني؟ كلمة المرور

المنتدى

التسجيل

ديونية

الأسئلة الشائعة

التقويم

جعل المنتديات كمقروءة

الإهداءات

ليدي المنتدى : اللهم اقسم لنا من خشيتك ماتحول به بيننا وبين معصيتك ومن طاعتك ماتبلغنا به جنتك ومن اليقين ماتهون به علينا مصائب الدنياواجعل الحياة زياده لنا في كل خير واجعل الموت راحه لنا من كل شر.جمعة مباركة. القلب النابض : جمعة مباركة على الجميع يا رب هاي اول جمعة برمضان الله يتقبل منا ومنكم مـــشـــتـــاق : جمعه مباركه للجميع ياليت يكون فيه إلتزام من الضيف واللي معه بموضوع العدسه .. رجاً رجاً .. لاتقلبونها حملات دعائيه .. وسوالف .. الله يرضا عليكم .. فمأن الله .•° بَسمَلَه °•. : اللهم انى أصبحت أشهدك وأشهد حملة عرشك وملائكتك وجميع خلقك انك انت الله لا اله الا انت وحدك لا شريك لك وأن محمداً عبدك ورسولك ربنا يتقبل منا ومنكم صالح الاعمال جمعة مباركة للجميع Best-1 : نورتي عزيزتي زينزين .. وجمعة مباركة للجميع .. سجى بنت جدة : تصبحوو على خير رايموو روووق سي يووووو ملكة فلسطين : ههههههههههههه كل وش وما يلبئلو الله معك RamyRoMaNtiC : انا قايم العب Most Wanted ،، تضربوو اي ،، اليوم كلوو اكل بهادل بالمنتدى ،، ياريتني لو ماكنت داخل ،، برب مدري سلام ،، شو بعرفني lebman : الشادي : له له له أنا ما أريد أحكي والله العتب على النظر يا بتار بجد ما شفتك لما دخلت المسن بعدين انت الله يهديك لما تدخل ما اشوفك شو تلبس طاقية الإخفا البتار00احمد : تحيه من القلب لكل عشاق لبنان منوره اختي زين زين والحمد لله على سلامة الوصول شادي...كمان اليوم ما بدك تحكي؟..بسيطه MAYOUCHA : ـراح رابعـ يوم من رمضانـ laghzaoui : وآعلم أن عليك العارتلبسه ـ من عضة الكلب لا من عضة الأسد زينزين : بسمله شكرا جزيلا لطيب مشاعرك لكي في القلب كل حب وخير ..ليبليدي يا كتكوته إشتأتللك والله المنتدى منور فيكي ..متمرده جزيل الشكر لشعوركي وإحساسك الطيب ..أبادلك بالمثل أختاه ..كل عام وأنتم بألف خير rabihalasmar.. : اَللّهُمَّ قَرِّبْني فيهِ اِلى مَرضاتِكَ ، وَجَنِّبْني فيهِ مِن سَخَطِكَ وَنَقِماتِكَ ، وَ وَفِّقني فيهِ لِقِرائَةِ اياتِِكَ ، بِرَحمَتِكَ يا أرحَمَ الرّاحمينَ leblady : هلا بزينزين منورة عيوني ينعاد عليكي وعلى كل عشاق عاشق لبنان متمردة.. : مساء الخير لجميع رواد عاشق لبنان ضيوفا وأعضاء وتحية خاصة لزينزين مرحبا بعودتك مجددا أسعد الأوقات أتمناها للجميع .•° بَسمَلَه °•. : اهلين زينزين نورتى يا ئمر وحشتينى كتيييييييير زينزين : أسعد الله أوقاتكم عشاق عاشق لبنان ..وجعل أيامكم خيرا وبركه بالشهر الفضيل ..سهرة سعيده يا رب 7elem nour : مسا الخير لكل الموجودين وسهرة سعيدة بتمنيا للجميعوسلام من القلب للغاليين قيصر لبنان قلب شاعر جهاد الجزائري ليدي المنتدى مشتاق نور البياتي الشاعرالرجيم زهير ريناد كاراملا وكتار اسمائكم بقلبي محفوره إضافة إهداء

الصفحة 1 من 5 1 2 3 > الأخيرة »

06-19-2008	#1
سهرانة هيفاء «©»عاشق مميز«©»     تاريخ الانضمام: Apr 2007 محل السكن: ..[دار كساهـا بالعز عبدالله].. المشاركات: 2,654	..[مشتـــاق ... في مهب الريح !!].. بسم الله الرحمن الرحيم السلام عليكم ورحمة الله وبركاته أسعد الله مساءك بكل خير اعضــاء ومحبينــ عــاشق لبنـــان ، هذه أول مشاركة لي معكم في منتــداكمـــ الشيق ، أعجبني منتــداكمــ فأحببت أن أشارك معكم لأستفيد منكم . 8 8 وش رايكم بي وأنا صدزية ؟ صبحك بالخير يابعد تسلاي ؟ وشلونكم عساكم بخير وشلون الأعضاء في المنتدى عسى ماعليهم خلاف ؟ ماودي أطول في المقدمة بس ودي أنبه على شغلة : الموضوع يا إخوان ترى موب طويل مرة ، ولكن الحوار في القصة كثير عشان كذا لازم أنقز سطر اذا انتهى حوار كل شخصية عشان ، كذا الواحد يحسب إن القصة طويلة . ----------------- الخال مشتـــاق ... في مهب الريح !! الفصل الأول : المكان : بوركينافاسو . الساعة : 4,36 عصراً . طوووووووووووووط طووووووووووووووووووووووووط د.مشتـــاق : ألو هلا. ابو المزن : هلا والله بامشتــاق .. وشلونك يابعد تسبدي ؟ مشتـــاق : بخير جعلك بخير .. من معي ؟ ابو المزن : معك حبيبك السابق ابو المزن . مشتـــاق : حبك برص إن شاء الله . ابو المزن : أفااا .. وراه يابعد تسبدي ؟ مشتــاق : عسى تسبدك تنشق .. مانيب قايل لك لا عمري أشوف رقعة وجهك ولا عمرك تتصل علي ، أنا هالحين هاجن لخوالي في بوركينافاسو عشان ما أشوف وجهك يالشين وأنت تلاحقني . ابو المزن : أنت في بوركينا ؟ .. أجل احترني باتسر . مشتــاق : والله لو تجي لأرسل لك عشر خوال يقطعونك تقطيع ثلاجة . ابو المزن : أفاا .. يابعد تسبدي وراك علي ؟ خل نفتح صفحة جديدة ... طوط طوط طوط طوط إن الهاتف المطلوب لايمكن الاتصال به ..الآن نرجو محاولة الاتصال في وقت لاحق << قفل جواله مشتــاق إن الهاتف المطلوب لايمكن الاتصال به ..الآن نرجو محاولة الاتصال في وقت لاحق إن الهاتف المطلوب لايمكن الاتصال به ..الآن نرجو محاولة الاتصال في وقت لاحق << للحين يحاول الشين إن الهاتف المطلوب لايمكن الاتصال به .. وتراك أزعجت أمنا ياابو المزن لاتحسب إننا متوظفين عشان نرد عليك أنت ووجهك . المكان : بوركينافاسو . الساعة : 10 مساءً . طووووووووووط طوووووووووووووووووط مشتــاق : هلا والله . ابو المزن : هلا يابعد تسبدي .. تكفى لاتقفل الخط ترى توي شاحنن بطاقة سوا بعشرة أريل متسلفهن من خالتي رقية كله علشان أشنف أذاني بصوتك . مشــتاق : ياليت والله من شنف أذانك بموس حلاقة لما يصير راسك بدون أذان تقل بريدز ( بريق ) . ابو المزن : أصير لك دلة إن بغيت .. بس لاتصير قاسي . مشتــاق : والله صايرن تقول كلام زين ( أشنف أذاني بصوتك ) و ( لاتصير قاسي ) شكلك متعرفن على وائل ذاك الي ساكنن بآخر الشارع ، تصدق ذاك اليوم مريت من جنبه وهو يكلم بالجوال مير أسمعه يقول للي يكلمه : ( آز يو لايك ) عاد أنا ما أدري وش معنى (آز يو لايك) بس أتوقع إن معناه (ألعن أبوك) << تكفى لا عاد توقع ابو المزن : لا والله .. بس الحب لعب بحسبتي وليّن قلبي . مشتــاق : أقول لا يكثر بس لأهفك بالشاحن .. يالله اندزلع . ابو المزن : والله ما تدري عني يامشتــاق .. لو تشوف وش صار علي يوم تقفل الجوال بوجهي العصر .. قعدت أصيح همن انشقت قريحتي وكتبت قصيدة همن رحت لبيت العــاشق السعودي عشان يغني لي القصيدة. مشتاق : خخخخخخ للحين حي العــاشق السعودي ؟ ابو المزن : إيه .. رحت لبيتهم وطفينا اللمبات بملحقهم وولع اللمبة الحمرا وجاب العود وسجلنا الأغنية وهالحين أبسمعك الأغنية عسى قلبك القاسي يلين . مشتاق : هات بسرعة ؟ ابو المزن : تشيك تشيك << يشغل المسجل أنت وين هو بوه والحب وين هوبه ؟ ظالمه .. ليه دايم معاااك ؟ أنت لو حبيت يومين دريرم تسان هواك خلاك رهيب دييير ررم أنت مابينك وبين الحب برحة آآآآآآآآآآهـ برحة ماطّولها ولا حتى بهلكسك داريرم مشتــاق: تكفى طفه الله يرحم والديك قسم بالله جاني شد عظلي بالأذن الوسطى . ابو المزن: ليه حرام عليك قسم بالله رهيب ؟ مشتــاق : أي رهيب أنت ووجهك صدق الي مسميه العــاشق لا ويتفيلح بعد . ابو المزن: طيب خل أسمعك الثانية . مشتــاق : يالله أخلص . ابو المزن : تشيك تشيك أتشقلب على جمر الغضى أتشقلب أتشقلب بس قولي تسلمتين بس قولي تسلمتين .. مشتــاق : اقلب وجهك << تسلمتين طوط طوط طوط طوط طوط __________________ ..(ملكة الورد).. تسلم الانـامل الى ابدعت بالتوقيع عدســة اعضـاء عــاشقـــ لبنــانــ ضيفنـــــــا ..( ملكــة الورد )... http://www.leblover.com/vb/thread130270.html آخر تحرير بواسطة أمير الأحزان : 06-19-2008 الساعة 05:17 PM. السبب: مبروك التميز على الموضوع

06-19-2008	#2
سهرانة هيفاء «©»عاشق مميز«©»     تاريخ الانضمام: Apr 2007 محل السكن: ..[دار كساهـا بالعز عبدالله].. المشاركات: 2,654	المكان : نيويورك . الساعة : 2,15 فجراً. طوووووووووووط طووووووووووط احســاس ديــانا : ألو مرحبا .. أنا السيد احســاس ديــانا السكرتير الأول للسيد العــاشق السعودي .. أعتذر على الاتصال في هذا الوقت ولكن أريد التحدث للسيد العــاشق السعودي لأمر طارئ . احســاس ديــانا : حسناً حسناً . العــاشق السعودي : ألو .. أهلاً احســاس ديــانــا احســاس ديــانــا : أعتذر سيدي ولكن الأمر طارئ . العــاشق السعودي : لابأس لابأس .. مالأمر يااحساس ديانا ؟ احساس ديانا : وصلتني أخبار أكيدة أن هيلاري كلينتون فازت بولايتي ( نيوانغلند ) و ( رود آيلند ) . العاشق السعودي : ماذا تقول ؟ احساس ديانا : هيلاري فازت في ولايتين ولابد أن نتدارك الأمر . العاشق السعودي : حسناً ... أطلب جميع مندوبينا ومنسقي حملتنا الانتخابية وأخبرهم أن هناك اجتماع في مكتبي الآن . احساس ديانا : إن شاء الله طال عمرك<< نصااااااااابة وبعد خمس وأربعين دقيقة إلا كل المندوبين والمنسقين موجودين في مكتب العاشق السعودي وسووا اجتماع طارئ لبحث هالمسألة الخطيرة ، وبعد ساعتين من النقاشات اقترح عليهم احساس ديانا سكرتير العــاشق السعودي هالاقتراح : احساس ديانا: والله ياجماعة الخير أنا أشوف إن الأمور مدحدرة ولا عاد بقى ولايات إلا ولاية تكساس وأنتم تعرفون إن ولاية تكساس ولاية كبيرة وأكيد إذا فزنا فيها بترجح كفتنا بالانتخابات . العاشق السعودي : خابرين .. بس وش السواة ؟ وشلون نكسب أصواتهم ؟ احساس ديانا : أنا أعلمك طال عمرك .. الخميس والجمعة الي راحن زرقت لتكساس وشفت وش الوضع . العاشق السعودي : هاه وش شفت ؟ احساس ديانا : تعرفون إن أغلب سكان تكساس خوال والا شبهات من المكسيك وكولومبيا وأمريكا الجنوبية عموماً ، وهذولا يبون لهم طريقة خاصة عشان نكسب أصواتهم ، وبعد التفكير مالقيت غير هالطريقة الي بقولها لكم وهي اقتراح إن قبلتوه زين على زين وإن مالقبلتوه بكيفكم . العاشق السعودي: طيب وش هالطريقة ؟ احساس ديانا : تعرف د. مشتــاق ؟ العاشق السعودي : أكييييييييييد .. فيه أحد مايعرف أحسن واحد بالعالم ؟ ، بس وش دخلوه بالانتخابات ؟ احســاس ديــانــا : أنا أقولك وش دخله .. أنا يوم رحت لتكساس تمشيت بالحواري وتعرفت على ناس كثار وعرفت شي مشترك بينهم كلهم . العاشق السعودي : وشو ؟ احساس ديانا : كلهم يحبون د. مشتــاق .. وهذا من صالحنا .. يعني نتفق مع د. مشتـــاق إنه يجي ويسوَّق لحملتنا الانتخابية في تكساس . العاشق السعودي: طيب وأنت تضمن إن د. مشتــاق يوافق يجي يسوق حملتنا ؟ احساس ديانا : إيييييه يارجال .. مشتـــاق ذا ماعنده ضمير ومستعد يتسذب وإلا يسوي أي شي بس أنت عطه كامري وإلا هلكس .. لا وأزيدك من الشعر بيت .. مشتــاق أصلاً دارسن المتوسط والثانوي بكولومبيا يعني كل الشبهات حقين كولومبيا يعرفونه . العاشق السعودي : عز الله إنك جبتها .. خلاص يااحساس ديانا نسق مع مشتــاق وعطوه الي يبي بس لازم يجي ترى مابقى الا أسبوع واحد وتنتهي الانتخابات . احساس ديانا : أبشر طال عمرك . المكان : بوركينافاسو. الساعة : 2ظهراً . طوووووووووووووط طووووووووووووووط مشتــاق : ألو السلام عليكم . امير الاحزان : وعليكم السلام هلالالالالالالالالا والله .. وينك يالخبل ؟ مشتــاق : أنا عند خوالي في بوركينافاسو .. المهم وش عندك هالأسبوع ؟ امير الاحزان : عندي اجتماع مع كوفي عنان !! همن يبي يتعشى عندي رونالدينهو .. يعني بالله وش عندي ؟ أكييييييييد فاضي بس أنت الي وش عندك تسأل ؟ مشتاق : خخخخ أبيك تجيني لبوركينافاسو همن نبي نزرق لأمريكا . امير الاحزان : صدز ؟ مشتاق : صدزين .. بس كلم (عاشق لبنان) وشف لكم واحد ثالث وروحوا للسفارة الأمريكية وإذا دخلت بتلقى موظف سوداني بالاستقبال اسمه (منيـــر) قل له أنا جايكم عشان موضوع الدكتور مشتــاق وهو بيعطيكم التذاكر على طول . امير الاحزان : قدااااام .. وهذا (عاشق لبنان) عندي ويقول قدام ... بس وش عندك بأمريكا ؟ مشتــاق : السالفة طويلة بس الزبدة إنه اتصل علي اليوم سكرتير العاشق السعودي يبني أشارك معهم بانتخاباتهم وإذا فازوا بيعطوني كامري وكرتون (باورهورس) . امير الاحزان : قدااام يا مشتاق . مشتاق : خلاص أجل ترى طيارتكم باتسر بالعصر . اميرالاحزان : إن شاء الله . ----------- __________________ ..(ملكة الورد).. تسلم الانـامل الى ابدعت بالتوقيع عدســة اعضـاء عــاشقـــ لبنــانــ ضيفنـــــــا ..( ملكــة الورد )... http://www.leblover.com/vb/thread130270.html

06-19-2008	#3
سهرانة هيفاء «©»عاشق مميز«©»     تاريخ الانضمام: Apr 2007 محل السكن: ..[دار كساهـا بالعز عبدالله].. المشاركات: 2,654	الفصل الثاني : المكان : مطار بوركينافاسو الدولي . الساعة : 8 مساءً . طن طن تعلن الخطوط البوركينية عن وصول رحلتها رقم 9875 القادمة من الرياض على الركاب الي بالطيارة النزول بسرعة لا نجلدهم .. وشكراً << إمحق أسلوب أنا يوم سمعت الإعلان نقزت من الكرسي ورحت لصالة القدوم وقعدت أحتري الشباب ، وبعد ساعة ونص شفت امير الاحزان وعاشق لبنان بس ماقدرت أميز الثالث الي معهم ، وأقعد أناظر وأركز إلا وش أشوف .. وش هالمصيبة ؟ وش هالكارثة ؟ وش جاب هالشين معهم ؟ على طول رحت لمهم وقلت أول شي حمد لله على السلامة ثاني شي وراكم تأخرتوا ، كل الركاب نزلوا إلا أنتم ؟ ثالث شي وشوله جايبين ابو المزن معكم ؟ امير الاحزان : الله يسلمك ياخلفهم ، والتأخير بسبب عاشق لبنان الله يقلعه هو وخشمه ، يوم وصلنا للتفتيش كل مامر عاشق لبنان من عند الجهاز صرخ الجهاز همن يرجعونه ويصرخ ، فتشوه وخلوه ينزل كل الأشياء الي فيها حديد وبرضو يصرخ الجهاز آخر شي أخذوا لعاشق لبنان أشاعة على كل جسمه تدري وش طلع الي يصرخ من اليوم ؟ مشتاق : وشو ؟ امير الاحزان : لقوا قوطي ببسي بخشم عاشق لبنان . مشتاق : خخخخخ زين مالقوا إنسان ميّت .. عموماً حياكم الله أنورت بوركينا بوجودك أنت وعاشق لبنان << جحد ابو المزن عاشق لبنان : الله يسلمك ياخلفهم .. يالله ياابو المزن شل الشناط << كلها أكياس بس إيقاله كشخة رحنا للبيت وتعشينا وسهرنا لين الساعة 12 بالليل ، وأتفقنا إننا نكشت بكرا الصبح ونتغدى بالبر . مع الفجرِ مع النورِ وحين يقوم عصفوري << لا لا خلاص مالها دخل مع الفجر قمنا وصلينا الفجر بعدين أخذنا عفشنا و رحنا للغابة نمشي على رجولنا لين دخلنا بوسط الغابة ، بعدين أخترنا مكان حلو وقعدنا وشبينا نارنا وقعد عاشق لبنان يسوي الفطور وحنا جلسنا انتقهى . مشتاق : شباب .. تشوفون الشبك ذاك ؟ امير الاحزان : إيه وش فيه ؟ مشتاق : هذا شبك مسوينه صيادين فرنسيين وهو قفص على شكل غرفة عشان إذا طاردهم حيوان مفترس وإلا شي يدخلون فيه ويتصلون بأخوياهم عشان يجون ينقذونهم . امير الاحزان : والله فكرة رهيبة . ابو المزن : مشتااااقووو .. تكفى لاتجلس على الأرض . مشتاق : ليه ؟ ابو المزن : أخاف النمل ياكلك يحسبك قطعة سكر . مشتاق : أٌقول لايكثر لا والله أفقش وجهك بالشاحن والله مايلقون خشمك إلا على بعد ميتين ياردة . عاشق لبنان : إلا وش رايكم نذبحه وناكل تسبده ؟ << مشتهين تسبده الشين امير الاحزان : الله يحوم تسبدك مير مالقيت إلا ذا !! مشتاق : إلا على الطاري .. مالقيت لك وظيفة ياابو المزن ؟ ابو المزن : لاوالله لما هالحين أعمال حرة . مشتاق : وشلون أعمال حرة ؟ ابو المزن : يعني أطقطق أترزق الله . مشتاااق: وشلون يعني ؟ ابو المزن : يعني يوم مكيفات ويوم أسطوانات غاز ويوم استبنة سيارة لما نلقالنا وظيفة . مشتاق : يعني حرامي ؟ ابو المزن : تقدر تقول تسذا . مشتاق : وش الي تقدر تقول ؟ إلا حرامي ونص .. لا ومسوي فاهم .. أعمال حرة . تقهوينا همن أفطرنا وكان فطرونا مقلقل لحم ونواشف ، عاد أنا أحسب إننا بالثمامة ونسيت إننا بالغابة وأي ريحة لحم يمكن تجيب الحيوانات المفترسة ، إثر فيه أسد شرس بالمنطقة حولنا ولا درينا عنه .. الأسد يوم شم الريحة على طول قعد يتبع الريحة لين طاح عينا . مشتاق : الهجججججججججججججججججججججججججة أسد أسد الهجججججججججججة !!! وعلى طول فقعنا من مكاننا وركض باتجاه القفص حق الفرنسيين ، نركض والأسد يركض ورانا ، نركض والأسد يركض ورانا .. وكان آخر واحد فينا ابو المزن ، أنا فرحت عشان يمكن ياكله الأسد ويفكنا منه هو ووجهه . دخلت أنا وعاشق لبنان والعاشق السعودي وامير الاحزان للقفص وقفلنا القفص وخلينا ابو المزن برى هو والأسد ، ابو المزن يوم شاف الأسد وصله جلس بالأرض وقعد يصيح ، المهم الأسد تعدى ابو المزن وجاء عند القفص وقعد يحاول يفتح بس ماقدر . الأسد : شباب .. افتحوا الباب أبيكم بموضوع . مشتاق : تكلم من ورا الشبك كلنا نسمعك . الأسد : مايصلح من ورا الشبك لازم نصير قريبين من بعض لأن حنا أصدقاء << والله ياماعنده أسلوب مشتاق : أي أًصدقاء يالسرسري !! مسوي فيها ذكي أنت ووجهك .. ندري إنك تبي تعرمشنا . الأسد : أعرمشكم ؟!! أعوذ بالله .. أصلاً أنا نباتي . مشتاق: علينا يالسرسري ؟ .. والله مانفتح لك لو تحب السماء . الأسد : افتح وأعطيك خمسة أريل << قايل لكم ماعنده أسلوب مشتاق : اندزلع بس . الأسد : تكفون الله يرحم والديكم افتحوا قسم بالله لي أسبوع ما أكلت شي . مشتاق : تستهبل أنت ووجهك ؟ والله مانفتح لك لو ايش . عاشق لبنان : شباب .. أنا عندي حل . مشتاق : وشو ؟ عاشق لبنان : ورا ما نخليه ياكل ابو المزن. مشتاق : قسم بالله إنك جبتها .. طيب أنت يالأسد .. ورا ماتاكل الي جنبك ؟ الأسد : وين ؟ مشتاق : ذا . الأسد : تستهبل أنت ووجهك ؟ مشتاق : ليه ؟ الأسد : عمرك شايفن أسد ياكل فقمة ؟!! مشتاق : أي فقمة ؟ .. ترى ذا إنسان ، لايغرك جسمه المدور ووجهه المربع .. والله لو ينذبح إن ينباع الكيلو بخمسمية . الأسد : اندزلع بس .. تبي تضحك علي ؟ .. أنا أصلاً منفقع راسي وش جاب هالفقمة بذا ، طول عمر أستاذ العلوم يقول إن الفقمة تعيش جنب البحر بس ذي ما أدري وش جابها بذا . مشتاق : بكيفك . الأسد يوم غسل يده إننا بنفتح له الباب راح على بعد خمسة أمتار من الباب وقعد ينتظرنا نطلع ، حنا زلباه وقعدنا نسولف بالقفص ، وبعد ساعتين من الانتظار مات الأسد من الجوع ، ومادرينا إلا يوم قام وجاء لمنا من جديد . الأسد : شباب .. معكم ولاعة ؟ امير الاحزان : إيه .. امسك . الأسد : شكراً يالحبيب . أخذ الأسد الولاعة وراح يجمع حطب بعدين شب ضو ( نار ) ، وحنا قاعدين نناظر وش بيسوي ، بعدين دخل يده بجيبه وطلع قوطي أندومي دجاج ، وقعد يسوي له إندومي . مشتاق: أنت يالخبل .. تاكل أندومي وعندك إنسان ؟ الأسد : لو فرضنا إنه إنسان ، لو أكلته بيجين تسمم .. ماتشوف جلده طبقات تقل جلد تمساح ؟ مشتاق : بكيفك .. أنت الخسران ، أنا لو إني أسد والله ما أفوته<< حاقد من جد . أكل الأسد الأندومي بعدين قام وراح يمشي لين اختفى عن الأنظار , ويوم شفنا إنه أبعد طلعنا من القفص ورحنا نمشي باتجاه المدينة . ابو المزن : والله مالك داعي يالمشتاق ليه تحاول تخلي الأسد ياكلن ؟ مشتاق: نمزح معك ياشيخ . ابو المزن : صدز ؟ << كرتون دلاخة مشتاق : إيه يارجال .. وش دعوة ؟ تراك خوينا. وفجأة بنص الطريق طلعت علينا مجموعة من الأسود ، أول ماشفناهم هجينا كلنا ، بس أنا هجيت باتجاه جبل صغير قريب من عندنا ، امير الاحزان وعاشق لبنان هجوا للقفص مرة ثانية وابو المزن وقف بمكانه . الأسود تركوا الشباب ولحقوني أنا ، وأنا ركض وهم لحق وأنا ركض وهم لحق وأنا ركض وهم لحق ، لين وصلت الجبل ودخلت بطريق بوسط الجبل وقعدت أركض لين وصلت لطريق مسدود ، على يساري جدار ويميني جدار وقدامي جدار ووراي سبعة أسود . وقفت والتفت إلا الأسود واقفين وراي وقاعدين يضحكون وفيه واحد منهم أسمر واقف على رجلينه الي ورا ومتركي على جدار الجبل ومطلع السبحة وقاعد يلعب فيها ويقول : مكرٍ مفرٍ مقبلٍ مدبرٍ معاً *** كجلمود صخرٍ حطه السيلُ من علي قلت : ايه تبي امير الاحزان ؟ .. ترى أنا مشتاق .. امير الاحزان شفه بالقفص هالحين . قال : لانبيك أنت يا حلو . قلت : فاهم عليك تبي امير الاحزان .. وخروا شوي خلون أروح أناديه . التفت الأسد الأسمر على أخوياه وقال : ياشباب ترى التسبد لي . قلت : ياحلالي أنت .. مشتهي تسبده ؟ .. خلوكم واقفين بذا وأنا أبروح أجيب لكم تسبدة من المطعم الي قدام كلية المعلمين . قال : أقول أفصخ خلنا ناكلك . قلت : طيب وشوله أفصخ ؟! على الأقل خلني أموت شريف . ما أمداني أقول كلمة ( شريف ) إلا يوم نط الأسد علي وعظني مع رقبتي ، وقطع رقبتي عن جسمي وقعد ياكلني .. وأنا بالطريق للمعدة قعدت أفكر وأقول : يلعن أم القهر بيروح علي كرتون ( الباور هورس ) الي مواعدني فيه ( أاحساس ديانا ) ، لازم أرجع للحياة بأي طريقة ، وأجي أفتح اثم الأسد وأطلع من بطنه . قال الأسد : ماهوب على كيفك يامشتااق يالغشاش !! وشلون تموت بعيدن ترجع للحياة ؟ قلت : ماهوب شغلك ، الحكومة أبخص << تصريفة شيبان قال : ارجع لبطني لا تخليني أمد يدي عليك . قلت : مانيب راجع وأعلى مابخيلك اركبه . قال : ترى أببطل ولانيب مكمل القصة معكم . قلت : ياحمار !! أنت كومبارس وشلون بتموت البطل ، أصلاً لو أكلتني بتخرب القصة . قال : ماعلي منك آكلك يعني آكلك . بعدين التفت على الأسود الي وراه وقال : اهجموا عليه . وفجأة فجأة فجأة فجأة فجأة طلعت باخرة من جدار الجبل ودعست الأسود وماتوا كلهم .. بعدين كملت الباخرة طريقها بالبر << بكيفي قصتي والا قصتكم تحيـــاتي بقلمــ: سهرانة هيفاء __________________ ..(ملكة الورد).. تسلم الانـامل الى ابدعت بالتوقيع عدســة اعضـاء عــاشقـــ لبنــانــ ضيفنـــــــا ..( ملكــة الورد )... http://www.leblover.com/vb/thread130270.html

06-19-2008	#4
مـــشـــتـــاق مشرف المنتدى الرياضي     تاريخ الانضمام: May 2007 محل السكن: الـ جسد موجود " والروح مدفونه " المشاركات: 8,599	< سهرانة ذبحت الولد من كثر الضحك .. قصه محبوكه بشكل اكثر من رائع .. والجانب الكوميدي محليها اكثر .. وافضل شيء هو ظهور اللهجة النجديه فيهاااااا .. وابو المزن لو شاف هالقصه راح ينتف ريشي بس ماعليه معي خوالي في بوركينافاسو وانا اوري الدبب وليد وناصر .. اجل انا جسر عبور لمصالحكم .. ههههه وحلو اميرو كمان طلع صديقي والحمدلله سلمت من اسود الغفله .. وهذاك الاسد النكبه خليني اشوفه .. والله والله اول ماشوفه بقول الهجه ههههههههههه طيب الحين القصه خلصت وبعدين ليه سذاااااااااااا ؟ .. القصه قصتك بس انا البطل .. بشوف رواي غيركـ .. تشارلز ديكنز خوي ابوي .. ابدعتي اختي العزيزة .. إستمري .. وياليت ماتوقفي .. عندكـ الموهبه .. وشكراً على دور البطل .. وترا خوالي في بوركينافاسو يسلمون عليكـ .. .. تحياتي .. __________________ 18رمضاناً من العمرقد أفل ! لا أرى منها أثراً أو عمل ؟! رحماك رباه بقلبٍ وجِل اللهم رمضان 19 مختلفاً عما رحل ...

06-19-2008	#5
نبض الاماكن «©»عاشق برونزي«©»     تاريخ الانضمام: May 2007 محل السكن: قلب مفقود المشاركات: 3,141 المواضيع المدونه: 1	من جد طابع كوميدي غير طبيعي مشتاق أثرك ممثل واحنا ما ندري ههههههههههههههههه ألف شكر سهرانة على الموضوع الرائع سلامي __________________

الصفحة 1 من 5 1 2 3 > الأخيرة »

Bookmarks

del.icio.us Digg StumbleUpon Google

« فتاة قالت لسوداني أسود فماذا رد؟؟؟؟؟؟؟؟؟؟ | أعظم الزلازل في التاريخ »

مستخدمين موجودين حالياً يشاهدون الموضوع: 1 (0 أعضاء و1 ضيوف)

أدوات الموضوع

عرض نسخة للطبع إرسال هذه الصفحة إلى بريد إلكتروني

أنماط العرض

النمط الخطي الانتقال إلى النمط المختلط الانتقال إلى النمط الموضوعي

قواعد المشاركة You may not post new threads You may not post replies You may not post attachments You may not edit your posts BB code is تعمل الابتسامات تعمل رموز الصور تعمل رموز لغة HTML لا تعمل Trackbacks are تعمل Pingbacks are تعمل Refbacks are تعمل

جميع الأوقات بتوقيت السعودية. الساعة الآن » [ 04:22 PM ] .

دردشة عاشق لبنان   البوم صور عاشق لبنان   مركز الجوال بعاشق لبنان   العاب فلاش   فيديو كليب  اغاني عاشق لبنان   دليل لبنان السياحي   المطبخ العالمي   مجلة عاشق لبنان  المنتدى العام  النقاشات الجادة   منتدى الترحيب  منتدى الاهدائات  منتدى الفنون  منتدى الفانز    فانز هيفاء وهبي    فانز نانسي عجرم   فانز اليسا   فانز وائل كفوري  منتدى ستار اكديمي   منتدى سوبر ستار   منتدى الصور الفنية   منتدى كلمات الاغاني  الشعر العربي  الخواطر   الادبي   اللغات الاجنبية   حواء جمال واناقة  الصحة والاسرة  الامومة والطفل   منتدى لمسات   المنتدى الرياضي  كرة القدم   منتدى المحركات  الصور والافلام الرياضية  منتدى ادم  انمي  قصص الاطفال  حكايات  ذكريات ومذكرات  صورة وتعليق  النكت والالغاز  منتدى الالعاب  برامج الانترنت  الجرافيكس والتصميم   الجوال والفضائيات   المنتدى العلمي   التاريخ والتراث العربي  السياحه والسفر والرحلات   منتدى التواصل مع عاشق لبنان  صور الفنانات العرب  صور الفنانين العـرب  ابتسامات الماسنجر والمنتديات  خلفيـات المشاهيـر و النجـوم   خلفيات الإنمي  خلفيات الكمبيوتر  نجـوم البـرامج الواقعـية  صور مضحكة وطريفة  صـور أطفـال  بطاقـات ورومانسيـات   صور كرتون  صور الرسم والصور الفنية   صور القطط والحيوانات  ثيمات الجوال  صور سيارات  صور الطبيعة و الورود   فيديو كليب اغاني عربية   فيديو كليب اغاني اجنبية  فيديو كليب هيفاء وهبي   فيديو كليب نانسي عجرم   فيديو كليب اليسا    فيديو كليب وائل كفوري   فيديو كليب اطفال  مقاطع مضحكة  نجوى كرم كمل على روحي نور ومهند  هيفاء وهبي ـ حاسة ما بينا في حاجة  نانسي عجرم بتفكر في ايه 

LinkBack

LinkBack URL

About LinkBacks