الشهيد رفيق الحريري شي كبير بقلوبنا

اكبر من كلمة و اسمى من اي صورة

و الكبير يا غاليين ما بيضحي بروحو الا فدا شي اكبر

و الاكبر هو لبنان

لبنان اللي انتو بتحبوه

لبنان اللي بيسمع لكل الناس و بيعيش لما بيتفقو

لبنان اللي ما بتئتله الا سكين النزعات و العصبية

يا ترى المرحوم رفيق الحريري كان يحط فرق بين طايفه و طايفي تانيه

الجواب معروف و جاي من قيمة هالرجل التاريخيه

يا ترى كان يسمع لناس و ناس من اهل لبنان

او يمد ايده لناس و ناس من اهل لبنان

الجواب انتو بتعرفو اكتر مني و هو اكيد لا

طيب ليش ما كل شخص ضميره صاحي ما يكون متل الشهيد رفيق

بالقلب الكبير و المسامحة و الأخوة

صدقوني ما في احسن و اطهر من صفات المرحوم الحريري

اللي عشق ودعم مقاومة الجنوب و حب الجبل و خلى بيروت جنة بقلبه

رفيق الحريري اللي كان سيف من سيوف المقاومة لما حررت الأرض

و كان هدية خير و سلام للبنان

ليش حتى نخونه و نكره اخواتنا و نحط فرق بينا و بينهم

ليش ما نترفع عن دعارة السياسة و مجون التصاريح لشي ارقى و اعلى

ليش ما نكون متله و نخليله امتداد بالحياة

مش بالكلمة و الصورة اللي بتخليه مجرد ذكرى

خليه يبقى عايش جوانا و بقلوبنا و خليه بفكره الاصيل ينور عقولنا

إذا أخ غلط من وجهة نظرنا نسامحه و نحاول ننصحو عن الخطأ

نمد ايدنا لكل الناس اللي لبنان خلئ منهم و بوجودهم

لبنان اللي ما بيعيش لو بينقص لبناني واحد من تكوينو

لبنان اللي بيكفر لو غاب منه دين او مذهب او طايفي

ما نحاول نخلي لبنان معاق و نفصل شي من جسمه

حتى لو هالجزء كان فيه وجع و بيسبب الم

لأن حنشوه لبنان الحلو

يا ترى هالشي صعب لدرجة إن ما فينا نعمله حتى بهالمنتدى اللي هو لبناننا الصغير

و انا بعرف انكم بتحبو الشهيد رفيق الحريري و بتعشقوه متل ما اي لبناني بيعشق لبنان

خلينا نتصرف بأخلاقه و نعيش كأنه معنا

و بيفرح لما بيعرف ان نحنا متلو

منحب كل لبنان و كل اللبنانين

و عشمي ما يخيب امل رفيق الحريري فينا

كل واحد بيحب رفيق الحريري و لبنان لازم شوف كلماته هون

مش شكر و يعطيك العافية او الموضوع حلو

بدي كل واحد يمر من هون يمد ايدو و يصافح رفيق الحريري

اللي هو كل لبنان و كل اللبنانيين

بكلمة محبة تزيد الاخوة حتى يعيش لبنان

يبقى من اهداني هذه الأغنية يلامس روحي في كل لحظة

يبقى من اهداني هذه الأغنية يلامس روحي في كل لحظة