أودعك توديع عشاق وأحباب = مع السلامه رافقتك السلامه
ياللي فتحت بداخلي عشرة ابواب = وعطاك قلبي من غلاه وغرامه
كنا أثنين والغلا ماله حساب = يرقابنا بين القمر والغمامه
وكنا مع أحساس الوله دوم ننساب =في لحظةِ كلن غرق في منامه
وكنا وكنا بس جا دور الاسباب = والكل منا صار يبدي ملامه
واليوم جا من يطوي الحب بكتاب = ولا عاد ينفعنا البكا والندامه
هذي النهايه والحشا كان مرتاب = عاشقك يا روحي يخونه كلامه
ومن يوم غبتي كل شيِ معك غاب = ولا ضنتي بالقى بعدك السلامه
هناًك ربي يا بعد كل الاقراب = ولاني بناسي لين يوم القيامه