ابيك
أبيك تكون في قلبي وأكون بقلبك لحالي
وأبي لا دورت عيني عليك تحصلك دايم

********

أبي أنساك لا شفتك لأجل يشتاق لك بالي
وأبي لاشتقت لعيونك تكون بشوفتي هايم

********

أبيك تحس بوجودي تروف شوي به حالي
وأبي لاحتجتلك جنبي تجيني مسرع وحايم

********

أبيك تكون مستنانس تكون من الألم خالي
بشوش مثل ما اعتدتك وحس الحب بك عايم

********

أبيك بكل رغباتي وإذا كان الطلب غالي
تعالي واسكني قلب تراه امن الهوى صايم

********

أبيك تكوني من عمي أو أبعد من نسل خالي
أبيك وما علي من حد عذول ولا بعد لايم