|
|
07-14-2004
|
#1 |
|
«©»عاشق نشيط جدا«©»
تاريخ الانضمام: Feb 2004
محل السكن: العراق
المشاركات: 560
|
شعر دارمي
السلا م عليكم
اتمنى ان يكون الموضوع يرضي جميع الاراء هذه بعض الدارميات اتمنى ان تعجبكم ........................................... هاك استكانة جاي أشرب عوافــي أو دزيته لك مخصوص يامايه صافي ............................................... رش الدرب تيــزاب حافي أعتـني لـك جا شـلي بالرجليـن الما تجي لــــك ........... لو ترش مو تيــزاب لو تزرع ألغــام اللحم خلـه إيروح أوصلـــك إعظـام ................................................ كل ما يجي الليل أذكر وفــــاكم واذكر محاشي الطيب وابجي أبرهاكم ...................................... ويا النجم سهران وايدي أعلى خــدي الليل أوظلام الليل شو كلها ضـــدي ................................. وحدي ابنص الليل بس حيرتي أوياي أبجي أعلى وقت الراح واتنطر الجاي ....................................... إشما تقول الناس عندي أنته لول سو كلشي بالدلال يالحلو مخـول .............................. يالتون تالي الليل سمعني حسك لولا القلت والقال لعبر وونسك ......................................... شحجي وتريد الناس من عندي أحجـي دمعتي إبطرف العين بس أحجي أبجـي ...................................... للخوه ماقضيت شي ماقضيته حتى الصخر ياناس وتوسديته ................................ انت العطش والماي وانت المشوفـه ورسمش وحق عيناش بالكاس اشوفه ............................. أرد انشدك وارجوك صارحني ياهواي تذكرني لوغصيت من تشرب المــاي ........................... نارك يخايب ماي مومثل نـــاري اومن يطري بيا الشوق يحترق جاري هم حلو .. وهم إزغيــر .. هم أزرك عيون بس بيه طبع مو زين من يوعد إيخــــون ............................ بالك تقول الاه ياخويا بـــالك كل التقوله ايصير روحي ابدالك ................................... مبخوت أضل للشيب يافلان أذكـرك أوينكرني نور العين من كون أنكرك .............................. سبحانه من سـواك نص وجهك إعيــون إزغيــر سبيــت الناس من تكبر شلون ............................ بيدي أوقرضها الفار فجت عباتي كل هذا ماطخيت وامشي ابرهاتي ................................... أتمنى كون أيصير لحدي أويا لحدك أو من يطلع الدفان أقعد وقعـــدك .................................. بيدك ضيعت ديك الليـــالي وبلحظه ما أجى أبعينك دلالي ............................. شقيت ثوبي أعليك وصلته للنــص جاوين قلبك أوياي صاير مثل جص ........................................... جاوبني تدري الوقت بوقاته سكتــاوي موش أنته نبعة عشق بالحسن متغـاوي .................................................. . مدري شجاني الليله حنـيت واتقلب أعلى النار فريــت ........................ خـل روحـــك إبعِـز دوم بالك تذلها ولا تطلب الحاجــات إلاٌ من أهلهــا ..................... غصبن عليـه الروح آنـه الأذلهـا محتاج والحاجات ماهـمـه أهلهـا ........................ أنوح أولاهلي يدرون بيه تموت الروح والعله خفيه ..................................... بسك ولك يالبين دقاتك أويـــاي أدقني وسط الضيق وتشمت اعداي ................................... الاخو وقت الضيج ماينكر أخـته أوحان الوقت هاليوم ياخويا وقته ............................. لاتسأل إعله الحال خلـيها سكته تسأل على المكتول والكاتل إنته .................................. شحجي وتريد الناس من عندي أحجي دمعتي إبطرف العين بس أحجي أبجي ...................................... أقبل صباح اليوم ابدنيتي هـــاي شلت الردا أوفزيت لن عيني بهواي .................... لانفع نصحي أوياك لانفع لــــومي أنا ادري مامحضوض راح ابقى دومي ......................................... حقي من أحامي إعليـــج ياشجرة التيـن ماي الربيـــتي إعليه من دمعة العيــن ................................... لاواشي لانمام يبعدني عــنك بس النجف يهواي ياخذني منك .................................... تيزاب أحط بالعين واعميها بجـــفاك خافن تصد للغير أوتنسى المضى أوياك .................................. الدهر بس وياي راكب إحصانــــه ويكًًــلي وين إتروح جدامـك آنـه .................................... بالـك تمر بالدار عنها إشمر إبعيـد دار العزيز هواي نوح وبجي إتريـد ...................................... عمداً أمر بالدار والنـوح أزيــــده وأسمع صداهـا إيكًـول راح التريـده ........................................ عمداً أمر بالدار وأشبع مغمــه وابجي بجي المفطوم ومفارك أمه .................................................. الدنيه للتهواه ترقص امفرعــه والماتريده بنوح لو خلص دمعه ........................................ متعجب بدنياك جرحتك مــره منخل اقليبي صار بيه العمه يقره .......................................... أرد أسـأل العشاك ليش آنه مشتــاك نايم إبحضن إهـواي واشكي من الفراك ....................................... ميت والمعزيــات موش أمهـاته مايبجـَن إعله المات يبجـن شماته ....................................... ميت والمعزيات يبجن عيـــــاره ويرمـن على التابوت كَطف الجكًاره ............................. ميت والمعزيات مابيهن أمــــه وحده التشـتم بيه وحـده التـغمه .................................... همــك .. وهم الناس .. وهم هم الأيـام وفوكــاها هم العين ماتقبل إتنـــــام ............................... همك وهم الناس وهم الله فــــــوكـه صاحت عليــه الناس جن عندي بوكــه ............................. متعجـب المهمــوم يشرب جكــاره كًًلبي بكثر ما نــوح تجويـني ناره ................................... همــك .. وهم الناس وهم هم الهموم لو وحده منهن بيــك ماتكًًدر إتكـوم ........................................ طقني أو طحت للقاع قلت اكتفى البين طقاني مره النور أوخر ضوى العـين ................... الرد كل دقش أعلى الراس بسش يدنياي مطقوقه باليافوخ ماشوفن احــداي ........................ اصغير وخاف إعليك من شـــدة الاه اشنون احمل أنا افراق واصبر بلا اياه ................................. الرد اصغير وخاف اعليك من حضن امك ابقلبي وقول ابعيد جاوين اضمــك
__________________
تحياتي العراقيه |
|
|
|
07-15-2004
|
#2 |
|
«©»عاشق مميز«©»
تاريخ الانضمام: Feb 2004
محل السكن: الإمارات
المشاركات: 1,531
|
يسلموووووووووووووووووو
|
|
|
|
|
07-15-2004
|
#3 |
|
«©»عاشق نشيط جدا«©»
تاريخ الانضمام: Feb 2004
محل السكن: العراق
المشاركات: 560
|
شكرا فتاه الاحلام على المرور
|
|
|
|
|
07-15-2004
|
#4 |
|
«©»عاشق مميز«©»
تاريخ الانضمام: Feb 2004
محل السكن: الإمارات
المشاركات: 1,531
|
العفوووووووووووووووو ولووووووووووووو
|
|
|
|
|
07-15-2004
|
#5 |
|
«©»عاشق برونزي«©»
تاريخ الانضمام: Jul 2004
محل السكن: قلب من احبني
المشاركات: 4,575
|
 يسلمووووووووو اسيل
|
|
|
|
 |
| Bookmarks |
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
النمط الخطي
|
|
دردشة عاشق لبنان البوم صور عاشق لبنان مركز الجوال بعاشق لبنان العاب فلاش فيديو كليب اغاني عاشق لبنان دليل لبنان السياحي المطبخ العالمي مجلة عاشق لبنان المنتدى العام النقاشات الجادة منتدى الترحيب منتدى الاهدائات منتدى الفنون منتدى الفانز فانز هيفاء وهبي فانز نانسي عجرم فانز اليسا فانز وائل كفوري منتدى ستار اكديمي منتدى سوبر ستار منتدى الصور الفنية منتدى كلمات الاغاني الشعر العربي الخواطر الادبي اللغات الاجنبية حواء جمال واناقة الصحة والاسرة الامومة والطفل منتدى لمسات المنتدى الرياضي كرة القدم منتدى المحركات الصور والافلام الرياضية منتدى ادم انمي قصص الاطفال حكايات ذكريات ومذكرات صورة وتعليق النكت والالغاز منتدى الالعاب برامج الانترنت الجرافيكس والتصميم الجوال والفضائيات المنتدى العلمي التاريخ والتراث العربي السياحه والسفر والرحلات منتدى التواصل مع عاشق لبنان صور الفنانات العرب صور الفنانين العـرب ابتسامات الماسنجر والمنتديات خلفيـات المشاهيـر و النجـوم خلفيات الإنمي خلفيات الكمبيوتر نجـوم البـرامج الواقعـية صور مضحكة وطريفة صـور أطفـال بطاقـات ورومانسيـات صور كرتون صور الرسم والصور الفنية صور القطط والحيوانات ثيمات الجوال صور سيارات صور الطبيعة و الورود فيديو كليب اغاني عربية فيديو كليب اغاني اجنبية فيديو كليب هيفاء وهبي فيديو كليب نانسي عجرم فيديو كليب اليسا فيديو كليب وائل كفوري فيديو كليب اطفال مقاطع مضحكة نجوى كرم كمل على روحي نور ومهند هيفاء وهبي ـ حاسة ما بينا في حاجة نانسي عجرم بتفكر في ايه
