صديق جرحي



سامحنــــــي حبيبي انا اختـــــرت لنفسي طريــــــق
أعذرني يالغالي ترى انهدت بيننــــا كل الجســـــــور

مليت انا من حب ( ن ) عنوانه الالم والضيـــــــــق
وتعبت أسامـــــــــح وانت تـــــزداد كبر وغـــــرور

أنا جيتك عاشــــــــق من زمــــــن الحب العتيــــــق
بحلم أعيش معاك حياة ( ن ) يزينهـــــــا الســـــرور

نظراتي تجسدلك أحساسي الدافــــــــــي الرقيـــــــق
وهمساتي تغنيلك الحان ( ن ) من كل العصـــــــــور

وفي عيوني بروزت صورتـــــــك تاريخ عريـــــق
وفـــي القلب بنيت من غــــلاك ميادين وقصـــــــور

بيوم تعشقني وتوصفلــــي حبك وصـــــف دقيـــــق
وبيوم ترمينــــــــي خلفــــك جثة تنهشها الطيـــــور

خلاص مو قـــــــــادر اتحمـــــل ولا قادر أطيـــــق
أشوفك تلعب بأعصابـــــــي وعليا تلــــف وتــــدور

أرجوك أرحل واتركني لوحدي حر ( ن ) طليـــــق
البعد قاســــــي لكن قربك عذابـــــــــات القبـــــــور

روح ودور على عشق ( ن ) بكبريائـــك يليـــــــق
ما عــــــاد اريد احس ويــــــاك بهـــــذه الامــــــور

أكبر أخطائي يـــــــوم سميتك لدروبـــــي رفيـــــق
أناني ما توقعتك بتتركني على مفـــــارق الدهـــــور

سفاح , خنقت أنفاسي من قبل رحلــــــة الشهيـــــق
وخليتني أزفر من أعماقي تجاهك سخط ونفـــــــور

هاوي تجرحني وجرحـك دايــــــــم بقلبي عميــــــق
وغاوي تقتل في نبتة أيامــي أعمـــــــار الزهــــــور

رغم تجريحك لي انا اخترتـك لجرحي صديـــــــــق
ورغم تضحيتي أسقيتنـي من كاسك مر الشعـــــــور

الهبت في صدري أغلــظ الـــــــــوان الحريـــــــــق
وعيشتني سجين العـذاب ايـــام واسابيع وشهــــــور

من دوامة حيرتي انتـشلتني ورميتني بتيارك غريق
يا الف خسارة خليتنـي اترحم على غدر البحــــــور

كم مــــــرة ناديتــك وفي مقلتـي دمــــع وبريـــــــق
مشيت وتجاهلتنــي متناسي وعودك وكل النـــــذور

أشوفك تمشي والغــدر يمشـــــي بجنبـك لصيـــــق
اللي مثلك ما يعــرف الوفـــــــــــا والله معــــــذور

والله لو جيت اكتب اسمك بخــــط راقي وانيـــــق
بيطلع اسمك كلمة خيانة بترفضها كل السطــــــور