|
|
|
|
08-20-2007
|
#1 |
|
«©»عاشق نشيط جدا«©»
تاريخ الانضمام: May 2007
محل السكن: فلسطين
المشاركات: 527
|
هاتموتو من الدحك ادخل ولو مدحكتش متكتبش تعليق
المكان : أحد أحياء القاهرة
الزمان : يوم من أيام صيف عام 2085 ======================== حفيدة في سن المراهقة (12 سنة) تجلس مع جدتها (70 سنة) ويدور بينهما هذا الحوار الحفيدة : تيته ميرو إزيك..بقى لي زمان ما قعدتش معاكي الجدة : وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني الحفيدة : ومابتفتحيش الدش ليه يا تيته الجدة : التليفزيون بقى ممل خالص مافيهوش غير سبعتلاف وخمسميت محطة بس!.وأنا كمان ما بعرفش أغير المحطات ! الحفيدة : وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا الحفيدة : أيوه بس مش حاسة إنك مخنوقة وانتي لابساه؟ الجدة : أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة الحفيدة : ياه يا تيته.. ده انتوا كان ليكم تقاليد غريبة خالص ! الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2007 هي الواحدة فينا كانت تستجري تشرب سيجارة البانجو قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق الحفيدة : معقول يا تيته؟ للدرجة الفظيعة دي!!؟ الجدة : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر ربع .. وكانوا الستات يلبسوا فوقيها بلوزة باستمرار ..مش زي دلوقتي! حسبي الله نعم الوكيل الحفيدة : يا خبر .. وإيه كمان ياتيته الجدة : ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين :مصطفى قمر وعمرو دياب وطبعاً كانت سيدة الغناء شاكيرا، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل الحفيدة : وبعدين ياتيته؟ الجدة : وبعدين كنا نسمع على حاجة اسمها اسطوانات ليزر،ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة.حسبي الله ونعم الوكيل الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة الجدة : طيب ياحبيبتي روحي (بعد عدة دقائق) الحفيدة : هيه يا تيته.. وبعدين؟ الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زى دلوقتي وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل الحفيدة : 70 مليون بس؟ الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ150 ألف جنيه بس..وكان الدولار بخمسة جنيه بس.. تخيلي بقى؟ الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة الصبح، طب ده باباها كان ممكن ساعتها يخاصمها ! الحفيدة : ياي! ده انتوا كنتوا متزمتين خالص ياتيته !!! الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي .. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل (تمسك الجدة بتليفون محمول في حجم علبة الكبريت) الحفيدة : ح تكلمي مين يا تيته؟ الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ .. الحفيدة : (تنهض من مكانها) تشاو سي يو تيته ! الجدة : سي يو وبعد مرور عدة ساعات انتابت الجدة خلالها غيبوبة بسبب الشيخوخة و في المساء دار هذا الحوار : الجدة : إنتي كنتي فين يا فتفت؟ الحفيدة : أصل إحنا أخدنا الولد من الحضانة الجدة : ولد !! ولد إيه اللي أخدتوه من الحضانة؟ الحفيدة : آه صحيح أنا نسيت أقول لك .. أصل أنا جبت ولد من سمسم صاحبي الجدة : يا بنتي مستعجلين على إيه مش لما تتجوزوا ؟ حسبي الله ونعم الوكيل الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز ؟ أنا شخصياً عملتها ونفعت الجدة : مشكلتي إني ما باعرفش أزعل منك يا فتفت ياعكروتة ..وسميتوا المحروس إيه بقى الحفيدة : سميناه : دوت كوم الجدة : نعم .. دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟ الحفيدة : ها ها ها ها .. إيه الخفة دي يا تيته والله فكرة .. لما أعوز أنده له أدوس إنتر .. ولما أحب أقول له روح أودتك أدوس ( ألت و إف 4 ) الجدة : وأخدتوه من الحضانة وديتوه فين بقى؟ الحفيدة : وديناه النادي الصهيوني بتاع الحي الجدة : النادي الصهيوني بتاع الحي؟ الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي هه..أفتح لك التليفزيون يا تيته عشان تشوفي نشرة الأخبار؟ الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوباً بلقطات للأنباء تقول : المذيعة : هاي شلة ! إليكم عناوين الأخبار - أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان - واشنطن تتهم ليبيا بتفجير سفينة فضاء فوق كوكب المريخ - وزير الاقتصاد د. فريد يوسف بطرس غالي يصرّح : إعدام الفقراء هو الحل لخروجنا من عنق الزجاجة - موافقة مجلس الشعب أخيرا على خصخصة معبد الكرنك أخبار عربية : - زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل - إسرائيل ترفض الإنسحاب من البصرة إلا بعد ضمان أمن مستوطناتها في بغداد - اشتباكات على الحدود الإسرائيلية المغربية أخبار الفن - زفاف المطربة صباح على حفيد الفنان الراحل راغب علامة - رئيسة قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية - الفنان محمد هنيدي يهاجم نجوم الكوميديا الجدد المذيعة : فينيش باي الجدة : لأ بقى حسبي الله ونعم الوكيل فيكم فعلا (يغمى عليها) الحفيدة : تيته..تيته إيه دا ؟.. دي ماتت ..بالا نيله 
__________________
عاشـــــــــ الاحلام ــــــــــــق قلبي ليس ارضا يداس علية.......انما سماء يتمنى الجميع الوصول الية  تعلموا أن تكتبوا آلامكم على الرمال ........... و أن تنحتوا المعروف على الصخر 
|
|
|
|
08-21-2007
|
#2 |
|
عضو مطرود من المنتدى
تاريخ الانضمام: Jul 2007
المشاركات: 701
|
هههههههههههه
حلوه |
|
|
|
|
08-21-2007
|
#3 |
|
«©»عاشق مميز«©»
تاريخ الانضمام: Jan 2006
محل السكن: في ارض الله الواسعه
المشاركات: 1,018
|
خخخخخخخخخخخخخخخخخخخخخخخخخخخخخخخ
يسلموووووووووووووووووووووووووووووووووو
__________________
 بنوتة فلسطينيه
|
|
|
|
|
08-21-2007
|
#4 |
|
مشرفة المنتدى العام والنكت
تاريخ الانضمام: Nov 2006
المشاركات: 11,851
|
ههههههههههههههههههههههههههههه
حلوووووووووووه يسلموووووووووووووووووووو
__________________
 بنلف فى دواير .. ندور على الأمان ونلاقينا رجعنا ثانى لنفس المكان ندور ... ندور نحلم .. ونحلم بالحياة المفرحة وأتارى أحلامنا بلا أجنحة ندور.. ندور.. ندور  |
|
|
|
|
08-21-2007
|
#5 |
|
«©»عاشق جديد«©»
تاريخ الانضمام: Aug 2007
محل السكن: بيت أهلي
المشاركات: 27
|
ههههههههههههههههههههههه
يسلمووووووووووووووووو
__________________
|
|
|
|
 |
| Bookmarks |
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
|
|
دردشة عاشق لبنان البوم صور عاشق لبنان مركز الجوال بعاشق لبنان العاب فلاش فيديو كليب اغاني عاشق لبنان دليل لبنان السياحي المطبخ العالمي مجلة عاشق لبنان المنتدى العام النقاشات الجادة منتدى الترحيب منتدى الاهدائات منتدى الفنون منتدى الفانز فانز هيفاء وهبي فانز نانسي عجرم فانز اليسا فانز وائل كفوري منتدى ستار اكديمي منتدى سوبر ستار منتدى الصور الفنية منتدى كلمات الاغاني الشعر العربي الخواطر الادبي اللغات الاجنبية حواء جمال واناقة الصحة والاسرة الامومة والطفل منتدى لمسات المنتدى الرياضي كرة القدم منتدى المحركات الصور والافلام الرياضية منتدى ادم انمي قصص الاطفال حكايات ذكريات ومذكرات صورة وتعليق النكت والالغاز منتدى الالعاب برامج الانترنت الجرافيكس والتصميم الجوال والفضائيات المنتدى العلمي التاريخ والتراث العربي السياحه والسفر والرحلات منتدى التواصل مع عاشق لبنان صور الفنانات العرب صور الفنانين العـرب ابتسامات الماسنجر والمنتديات خلفيـات المشاهيـر و النجـوم خلفيات الإنمي خلفيات الكمبيوتر نجـوم البـرامج الواقعـية صور مضحكة وطريفة صـور أطفـال بطاقـات ورومانسيـات صور كرتون صور الرسم والصور الفنية صور القطط والحيوانات ثيمات الجوال صور سيارات صور الطبيعة و الورود فيديو كليب اغاني عربية فيديو كليب اغاني اجنبية فيديو كليب هيفاء وهبي فيديو كليب نانسي عجرم فيديو كليب اليسا فيديو كليب وائل كفوري فيديو كليب اطفال مقاطع مضحكة
النمط الخطي
