السلام عليكم ورحمة الله وبركاته جميعاً



اليوم بدي أطرح عليكون هي القضية واللي هيي زوجة الأب بين قوسين (الظلم)

مابعرف ليش كل ماحدا يذكر أدامي كلمة زوجة اب فوراً بتخطر لا أرادياً

ببالي كلمة الظلم والضرب والأهانات وعدم العطف والحنان سبحان الله

شي طبيعي الرجل لما تتوفى مرتو أو حتى يطلقا أنو يتزوج مرة تانية

مهما طال الزمن لانو بتعرفوا الكل محتاج لنصفو التاني سواء مراة او رجل

لتكمل الحياة الطبيعية وهون ما حدا متضرر غير الولاد اللي ما ألون ذنب

بأي شي يحمدو الله لو طلعت مرت أبون منيحة ولو ما طلعت يعرفوا أنو

حيصير فيون العجايب لأنو فعلاً (بعد الأم حفور وطم )

والمشكلة الكبرى لما تجيب ولاد والفرق الكبير بين معاملتها لولادا

وبين معاملتا لولاد زوجها مهما صار الوحدة ما بتحب حد اكتر من

ولادا والكل بيعرف هالشي بس مش لدرجة الظلم والضرب والاهانات

للولاد لأ وشو لما حدا من الولاد يروح يحكي بابا مرتك عملتلي هيك

طبعا مارح يصدق والمسكينة الخالة مرت الأب بتقعد تشكي وتنعي

وتبكي وهيي ما عملت شي وبتقلو انا بحسبهم متل ولادي لما يعملو

اي شي بعاقبهم شوي ضربة صغيرة وهيي ياحرام بتكون موتو من الضرب

وبالاخير بيطلع الحق عالولد حابي أفهم انا المرأة لهيي معروفي انها

كلها عطف وحنان ورقة كيف فيها تعمل هيك وتظلم وتضرب وتشتم

وولاد كمان يعني كل البراءة فيهم أي انا بس اتطلع بوش ولد مابعرف شو بصرلي

بحس كل البراءة فيهم غصب عن الواحد بدو يحن ويعطف عليهم

حتى لو شفت ولد بشي مجمع بركد عليه وبحملو يعني هي شي لا أرداي

عند المراة فانا مستغربة من زوجات الاب اللي بيعملو هيك وبيظلمو ولاد زوجهم

.................................

الحقيقة انا شفت برنامج بناقش هالقضية ..........

فحابة اعرف منكون شو رايكون أنتو بالموضوع ؟؟؟؟؟؟؟؟

وما بتعتقدو أنو الحق على الأب من هي الناحية؟؟؟؟؟؟؟؟؟؟

وأنو كيف المرأة بتسمح لنفسها تعمل هيك وين العطف والحنان والخوف من رب العالمين ؟؟؟؟؟؟؟؟؟؟؟

وشو بتعتقدو الحل لردع زوجات الأب عن ولاد زوجهم ؟؟؟؟؟؟؟؟؟؟

وما بتعتقدو متلي أنو هالشي قلة وضعف في الأيمان ؟؟؟؟؟؟؟؟؟