مساء الخير على كل الأعضاء فى كل مكان فى منتدى عاشق لبنان
بعتذر منكم على تأخر البرنامج مقدرتش أنزله الأسبوع الماضى لظروف طارئة

فى هذه الحلقة كانت ضيفتى الفلسطينية
سعدت جدا بتواجدها معى فى البرنامج ,,,حدثتنا عن مشاكل الشباب الفلسطينى فى الوضع الراهن

وشرحت لنا تأثير الإحتلال الصهيونى على أوضاع الدولة كافة .وعلى شبابها ,, وهذا كان الحوار:

* أولا نبدأ بأسئلة الأمبراطورة :

السؤال الأول : عددي ابرز المشاكل اللتي يواجهها الشباب الفلسطيني على ارضه المحتله؟

_مشاكل كتيره منها
حريه التنقل فهي شبه معدومه
التنقل من مكان الى اخر
يعني الا ما تمرقي من شي معبر ممكن تكوني عبرتي 5 معابر وبحاجه بسبب للمعبر السادس لتوصلي للبلده يلي بدك اياها وممكن ما يخلوكي تدخلي
فالتنقل كتير صعب غير التفتيش يلي بيصير عند كل معبر
الشي التاني الامن والاستقرار يلي اكيد بسبب وجود الاحتلال ويلي زاد الطين بله
تقاتل الفصائل فيما بينها
يعني ما حدا بيضمن حالو
وفي مشكله البطاله
بفلسطين تقريبا الشغل معدووم
كا في شغل يقدر الواحد يسترزق منو متل العالم والناس
الناس بتلحق لقمه عيشها بس للاسف مش محصلتها متل ما لازم

السؤال التانى :في ظل الاكتساح الصهيوني لفلسطين بات الكثير من الناس يحصلون على الجنسيات الاسرائيلية , أكيد لكل شيء سبب ....سؤالي:
ماهي المشكلة الاولى اللتي تدعوا الشباب الفلسطيني أن يرغب في ذلك...(سؤال لتوضيح الصورة وتقريبها مش أكتر)...؟

عزيزتي الصراحه
لدي عدد لا باس به الفلسطينين اصدقاء طبعا
وتكلمنا في هذا الامر عده مرات
لكل منهم كان راي
منهم من رفض مهما كانت الاسباب التي يواجهها ان يحصل ع الجنسيه الاسرائيليه او الحصول عليها
والاخر من رغب بشده بالحصول ع هذه الجنسيه والسبب باقوال البعض وحسب رايي
لاعيش حقي لكي استطيع التنقل بحريه من مكان لاخر اريد ان اشعر بالحريه...
زيدي ع ذلك يا بنوته بسبب البطاله
فلسطين بسبب الحصار يلي فيها بتعرفي كلما الها البطاله بتزيد
فاكيد التجنيس لحصول ع عمل داخل اسرائيلي. لان الوضع بفلسطين ما كل ولا بد
وشغل ما في ...

السؤال الثالث:كيف يربى الشباب وعلى أي اساس هناك (ماللذي يغرس فيهم أي شو اول امر ينغرس بالشاب والفتاة؟

ساقول لك ع ماذا تربيت انا
تربيت ع حب الوطن
وغرز فينا المبادره لاسترداد كل ما اخذ منا عنوه
فما اخذ بالقوه لا يرد الا بالقوه
وان لا نتهاون بتعاملنا مع الصهاينه
حتى وان كنا نعيش بينهم
وان لا يجب لنا ان ننسى قضيتا وان نورثها لاولادنا من بعدنا
واننا فلسطينين قلب وقالب ويجب ان نعتز بهويتنا وان الشرف مغطيني من فوق لتحت بمجرد اني فلسطينيه...ولست ابالغ في قولي هذا
صراحه من تعاليم وما غرز بي ان ازيد بالمستقبل من انفار الشعب الفلسطيني ليكونو كيدا وقهرا للاعداء واني انسانه غيرعاديه بمجرد اني فلسطينيه قلبا وقالبا



ننتقل لأسئلة أخرى :طرحتisabelle سؤال وهو :

-هل اثر الوضع السياسي الذي يعاني منه الاخوه الفلسطينين
من حرب دائمه واحتلال واجتياح لمناطق وبلدان من وقت لآخر من قبل الاسرائيلين
هل اثر ذلك على التعليم والذهاب الى المدارس والجامعات لتحصيل العلم
أعني هل عدد المتعلمين قل نتيجه لذلك؟

اكيد عزيزتي
لانو الوضع ما بيريح
يعني قصف والطخ من فوق راسو وهو رايح مدرستو او جامعتو
في هناك خطر ع حياتو يلي بيظطر انو غصبن عنو يتغيب عن دراستو من اجل الحفاظ ع حياتو وروحو
بس بالنسبه للشق التاني
انا صراحه عم شوف ما شاء الله في كتير خريجيبن فلسطينيه بيرفعو الراس
يعني عم اسمع سمعات جد بترفع الراس
بس اكيد بسبب الاحتلال بعتقد تراجع نسبه المتعلمين متل ما قلت
وصراحه متل ما لمست هالشي من رفقاتي انو نعم قلوا بسبب الاحتلال ,,
لانهم فكروا فيها لا مستقبل في بلدنا و لا حياة ..
وبعدين اغلب المتعلمين بيسافروا للخارج لانهم يعرفون انه لا عمل في فلسطين و لا مستقبل... يعني الاب بيشوف معو شوي كمشه مصاري بيقول احسنلي جوزو واسترو




ننتقل للأسئلة الأخ غراب البين:

السؤال الأول :برايك لماذا تختلف اخلاق اهل الضفه الغربيه عن اخلاق الذين يعيشون داخل فلسطين المحتله
ولماذا كل هذا الانحلال والبعد عن الدين في اهلنا في ما يسمى باسرائيل؟

_ اولا بدي وضح هون اني انا من لواء حيفا يعني ساكنه داخل اسرائيل
وانا ع درايه تامه بشو يلي عم يصير
في هون من عرب 48 متل ما مسمينا,,في ناس وطنيه مش يهود متل ما البعض معتبر
ع فكره هناك نسبه كبيره من العرب من في الدول العربيه لا يعرفون ان هناك عرب داخل اسرائيل...انو كيف في عرب داخل هالدوله!
وهالشي بيختلف من شخص لاخر
ما فيك تقول انو كل اصابعك نفس الشي
وبالعكس واكبر متال بعرب ال 48 هي بلده ام الفحم وكفر مندا وكتير بلدات يلي مواظبات ع تنميه داخل المواطن عرب ال 48 الروح الفلسطينيه والاسلاميه
من اهمهن الحركه الاسلاميه ع راسها الشيخ رائد صلاح يلي اناسر واعتقل سنوات كرمال هالقضيه وهو من عرب ال 48
صحيح عايشين مع يهود بس متل ما قلت هالشي بيختلف من انسان لاخر
والانحلال والبعد بيصير وين ما كان وباي دوله لاي انسان
كل واحد وتربايتو



السؤال التانى :برايك هل يقبل الحاصل على الجنسيه الاسرائيليه باستبدالها بهويه فلسطينى؟

- شوفي هالسوال بيختلف من انسان لاخر
في ناس بتقلك اي وفي ناس تقلك لا
وفي الناس بتتمنى الحصول ع الفلسطينيه دون التنازل عن الاسرائيليله يلي بتيح الهن كتير شغلات متل ما ذكرت اعلاه
ومني يا ريت اقدر احصل عليها لاني هاتشرف اكتر بحملها ..سيزيدني ذلك شرفا
صراحه الجنسيه الفلسطينيه حلم بالنسبه لي اتمنى ذات يوم تحقيقه



* أبو المزن يسأل :مارأيك في الصراع الفلسطيني الفلسطيني الدائر بين الفصائل الفلسطينيه وهل أصبح الشباب الفلسطيني ناسيا لقضيته الأهم ؟

-ما يجري من اقتتال داخلي فلسطيني ..يجعلنا نضع أيدينا على قلوبنا خوفا على مستقبل شعبنا وقضيته العادلة ؛ وعلى مستقبل أطفال شعبنا بغض النظر عن انتماءاتهم الفصائلية .. انها قمة المهزلة أن نتحدث عن الوفاق والاتفاق في الوقت الذي تزهق فيه أرواح العديد من الأبرياء .. وليس على يد الجيش الاسرائيلي ، انما يقتل الفلسطيني برصاص أخيه
ما يحدث ما هو الا بامر مخزي مخجل
نسو قضيتهم الاهم وانشغلو بالكراسي والمناصب
اتمنى ان لا يدركهم الوقت ولا ينسون قضيتنا فهي اسمى من اي منصب



هل أثر الوضع السياسى على الجانبين الاقتصادى والرعاية الصحية للدولة؟

اكيد
وع الاقتصاد بشكل كبير
البطاله زادت
لقمه العيش والحصول عليها صارت كتير صعبه
متطلبات الحياه كتيره وبضل هيك حصار واحتلال
اكيد الاقتصاد بالبلاد من سي لاسوا
يلي بدورو اكيد بياثر ع الوضع الصحي يلي بالدوله
ناهيكي عن الامراض يلي ممكن ينصاب فيها المواطن وبسبب فقره ...ما معو حق دوا او لعلاج من مرض خطير
بيفقد حياتو

-وتأثير على الزواج ماتعليقك؟

بضل الاحتلال يلي زاد من البطاله
يعني الواحد يا دوب عم يلاقي لقمه اكل لحتى زواج يلي بدو ما فتح ورزق هاي من الناحيه الاقتصاديه
اما السياسيه فاكيد الها دور
خصوصا بضل هالتقاتل والتعارك يلي دائر
الدنيا مش امان والوضع ما بيسمح
الكل بيخاف ع روحو

_وأخيرا من وجهة نظرك ماهو دور الشباب فى حل المشاكل التى تتعرض لها فلسطين من ناحية الجانب السياسى والاجتماعى والاقتصادى؟وبماذا تنصحى جيلك من الشباب؟

شباب هذا الجيل
انصحهم بالتالي خاصه مع وجود احداث فلسطين الداميه
من تقاتل من بين افراد الشعب الواحد
ان يفطنو أن قضيتهم هي الاهم والرئيسيه ويجب عليهم أن لا ينسو ذلك وينسو دماء الشهداء المراقه في كل شبر من ارض فلسطين... اتمنى أن يتكاتفو سويه لقمع المحتل وزجه خارج اراضيهم فالقضيه اهم من مليون كرسي
واوصيهم ايضا بالعلم فهو مناره وبدايه لحياتهم





الفلسطينية



شكرا لكى عزيزتى على قبول دعوتى وسعيدة أكتر بحديثى معك وصراحتك المتناهية فى الردود

وأجبتى بكل موضوعية وشجاعة عن كل الأسئلة وخصوصا الحساسة وأوضحتى لنا الرؤية الكاملة للأوضاع الفلسطينية
وأحييكى على وطنيتك المخلصة لبلدك وحمل لواء قضيتها



أعزائى إلى هنا تنتهى حلقتى لهذا اليوم وأشكر كل اللى شاركونى بالبرنامج وتحية عطرة ليهم
إانتظرونى الأسبوع القادم مع حلقة جديدة وضيف جديد من نجوم عاشق لبنان

مع فائق تقديرى وأحترامى


جورية لقلوبكم..

بنوتة حبوبة