|
|
|
الرجاء كتابة اسم الموضوع من غير اي نوع من الرموز
|
|||||||
| المنتدى العام خاص بالمواضيع العامة التي لا تندرج تحت عنوان محدد |
 الإهداءات |
 |
|
|
LinkBack | أدوات الموضوع | أنماط العرض |
06-28-2007
|
#1 |
|
«©»عاشق برونزي«©»
تاريخ الانضمام: Oct 2006
محل السكن: أحـــلـــى نــــغ ــــم
المشاركات: 3,673
|
برنامج " اعرف أكتر عن ......." ( الحلقة الثانية)
 [/url][/IMG]3 2 1 أكشن.. السلام عليكم ها و قد عدنا إليكم بحلقة جديدة من برنامجنا المميز .. أحب ان أعلم سادتنا المشاهدين بالمسابقة و التي هي: (على المشاهدين ان يحزروا من هو ضيفي للحلقة القادمة و يرسلوا لي أجوبتهم عبر الرسائل الخاصة و الفائز سأقوم بإعلامه ليتسنى له طرح أي سؤال يجول في خاطره إلى الضيف و سيتم إعلان اسم الفائز على الهواء مباشرة مع بداية الحلقة ) .. اما الآن دعونا نرحب بضيفة حلقتنا لليوم و هي ........ سوسو العزيزة..  [/url][/IMG]بنت فلسطين: مرحبا ..كيفك خيتا؟؟؟ سوسو العزيزة : أهلين .تمام ماشي الحال من الله منيحة ..انتي كيفك؟؟ بنت فلسطين: و الله الحمد لله بعدني عايشة سوسو العزيزة : ( لا والله فكرتك متّي ) بنوتة حبيبتي يعني دوري هلأ على كرسي الإعترااف .... و الله ما كنت متوقعة كون انا الضيفة التانية لهيدا البرنامج الرااائع و بتشكرك كتيير لإستضافتي و شرف إلي كون متواجدي معكن.. بنت فلسطين: ميرسي كلك زوء حبيبتي ... أيوااااا على كرسي الإعترااف ؟؟ سوسو العزيزة: بس ياريت ما تعللي الكهربا لأنو عندي حساسية منها من أنا و زغيري ههههه بنت فلسطين: ( عندك حساسية ها......ولك أبو علي قوي الكهربا تشووف !!!!!) هههه يحرء حريشك يا سوسو شو مهضومة ..لا لا ولايهمك.. طيب هلأ شو رأيك نبدأ بالأسئلة ؟؟ سوسو العزيزة : يلا بسم الله الرحمن الرحيم.. بنت فلسطين : ( شو خيتا عم تدبحي جاجي ..إلنا نبدأ الأسئلي ) طيب خبرينا عن دراستك ؟؟ سوسو العزيزة : و الله انا خريجة آداب بنت فلسطين : ما شا الله عليكي ..حلو الأدب و الله ...و شو عم تشتغلي حاليا؟؟ سوسو العزيزة: عم أشتغل مشرفة بعاشق لبنان!!!! هههه بنت فلسطين: حلو .. بتعرفي هيدي أول مرة بسمع بهيدي الشركة .. وين موجودي بالله ؟؟ سوسو العزيزة: ههههههههه هيدي موجودة بالنت بنت فلسطين : ( يا رب تثبت علينا العئل و الدين ) حلو تتهني ..الشغل مو عيب ...المهم بالنسبة لعمرك بلا ما أسئل أحسن لتبدأ الأحذية بالتطاير .. مو حلوة بحق البرنامج ..بتعرفي .. و كمينه الناس ما تفكر إنو البرنامج إنقلب لمصارعة حرة !!!!! طيب حابة إسئل حضرتك مدام و لا آنسة .. سوسو العزيزة: لا لا آنسة .. في حواليكي عريس؟؟ ( هلأ أكيد رح تحكي لا و الله بس لو في من عيوني بجبلك يا ) بنت فلسطين  شو خيتا شايفتيني خطابة ...حتى لو في عريس لهيدي الدرجة شايفيتني كريمة أنا أولى ..باخدو لألي ..) هههه يييي عليكي شو مهضومة .. حبيبتي بفتحي هيدا الموضوع انا وياكي لوحدنا تحت الهوا بلا ما تفضحينا و نحنا ع الهوا...هلأ خبريني شو جنسيتك ووين عايشة؟؟سوسو العزيزة: و الله انا عربية سورية .. و عايشة ببيتنا .. بنت فلسطين: ( يعني و ين بدك تعيشي بالشارع مثلا ؟! ) حلو .. حلو ..بدي أحكي عن أحلى شي عند الصبايا ..شو ستايلك باللبس؟؟ سوسو العزيزة: والله انا صبية متحضرة بحب ألبس كل شي يللي ع الموضة بس المهم يناسبني ك محجبة ... بنت فلسطين: اي و الله عال يا عبد العال...حلو ..حلو تكون الصبية ع الموضة..طيب خبريني انا بعرفك أهم شي عندك بطنك شو هي أكلتك المفضلة؟؟ سوسو العزيزة : هههههه يلعن ديبك بنوتة .. و الله بحب كتييير أكلات بس أكتر شي محشي وورق عنب ...يمي يمي بنت فلسطين: اي والله ع أولتك أطيب شي المحشي و ورق العنب ..اوكي حاكيني عن هواياتك..( انا بئلكن شو هواياتها تعمل المسابقات بالمنتدى) سوسو العزيزة : القراءة المتنوعة ولكل شي بحبها كتير الرياضة كمان هواية لو اني بتركها مرات بس برجع لها والسباحةوفيكي تقولي متذوقة للشعر بنت فلسطين: و الله حلو .. بس لازم تشدي حيلك ع الرياضة ..عشان تصيري سمبتيك ... طيب إليلي شو أكتر مكان بتحبي تروحي علي؟؟ سوسو العزيزة : ع البحر بنت فلسطين: يا عمي شو بكون كلكن بتحبوا تروحو ع البحر خلص إلكن مني أحلى عزوومة ع البحر ..فعلا مكان قمة في الرووعة ..وين بتحبي تسافري ازا فكرتي تسافري؟؟ سوسو العزيزة : مافي بلد معين ...بس إذا بدي سافر بتمنى روح لمكة المكرمة والمدينة وحلم عمري أزور المسجد الأقصى .......................يارب بنت فلسطين:آمين يا رب .. و الله هيدا حلم كل إنسان ..الله يحققلك كل أمنياتك ..طيب أكيد سوستنا الحلوة بتقعد لوحدها شو بيخطر ببالك تعملي؟؟. سوسو العزيزة : امممم لما أكون لوحدي ....لما أكون لوحدي ... بحاسب نفسي و براجع تصرفاتي أول بأول بنت فلسطين : حلو والله ..طيب مين هو الشخص يللي بيأثر فيكي؟؟ سوسو العزيزة: والدي بنت فلسطين : الله يحفظلك يا و يديمو فوق راسك يا رب..اويك خبريني شو أكتر شي بيدايقك؟؟ سوسو العزيزة: الظلم..ثم الظلم...ثم الظلم...وبكل أشكاله وأنواعه بننت فلسطين : معاكي حق .. إلا الظلم ... خبريني شو هي ألوانك المفضلة؟؟ سوسو العزيزة: الأسود و البنفسجي بنت فلسطين: حلو.. على فكرة نص تيابي لونها أسود ..كتيير حلو .. طيب إوصفيلي حالك ؟ سوسو العزيزة: اممم..بحس حالي كتيير نكدية ...شو رأيكن انتو ؟؟ يمكن المشاهدين يعرفو .. بنت فلسطين : لالا ما بعتئد إنك نكدية ... لهون خيتا و بتخلص الأسئلي ... والله نشف ريئي ....ولك أبو علي جبلنا برميل مي !! حبيبتي سيدة المنتدى عيوني انعمو من نورك يللي نورتينا في .. سوسو العزيزة : ميرسي حبيبتي هيدا من زوءك .. و بتشكرك بنوتة مرة تانية لإستضافتي بهيد البرنامج و بتمنى إني كنت ضيفة خفيفة عليكن.. بنت فلسطين : ( من جهة إنك خفيفة خفيفة ..بس وزنك 199 كيلوجرام إلا عشر جرامات ) يا هلا فيكي عزيزتنا الغالية .. أعزائنا المشاهدي بتمنى إنكن استمتعتوا بحلقتنا لليوم برفقة ضيفتنا سيدة المنتدى و بتمنى اكون قدرت أجمع المعلومات يللي بتحبوا تعرفوها .. وبحب زكركن قبل ما أختم الحلقة بالمسابقة .. على المشاهدين ان يحزروا مين هوي ضيفي للحلقة الجاي و يبعتلي الجواب على الرسائل الخاصة و الفائز رح خبروا تيسئل أي سؤال بخطر ببالو لهيدا الضيف... مع لقاء متجدد و ضيف آخر في الحلقة القادمة لكم مني أجمل التحايا و السلام عليكم و رحمة الله و بركاته.. إعداد و تقديم ..بنت فلسطين تحـــــــيـــاتـــي القــــــلبــــــية
__________________
 |
|
|
|
06-28-2007
|
#2 |
|
مشرفة منتدى حواء
تاريخ الانضمام: Nov 2006
محل السكن: ღ♥ღ الركن البعيد الهادى ღ♥ღ
المشاركات: 16,315
|
الله عليكى بنوتة سوسو دى سكرة بس وزنها 199 كيلو وأنا اقول يابت ياحبوبة ليه المنتدى بيكون تقيل معاكى خخخخخخخخخ فى انتظار الضيف القادم
__________________
|
|
|
|
|
06-28-2007
|
#3 |
|
«©»عاشق برونزي«©»
تاريخ الانضمام: Mar 2007
محل السكن: في بيتنا يالي جنب بيت بيتنا
المشاركات: 4,451
المواضيع المدونه: 1
|
ضيفه مميزه كثير وعامود من عواميد عاشق لبنان بس يعني ليه ورق العنب بتحبيه؟؟ في انتظار الضيف القادم
__________________
في أعلي المنتدى ..
تحت بخطوه واحده .. تحديدا في الوسط نعم هي تلك العضوه كرهتها من قلبي وبعقلي دونت عنوانها .. اسلوب همجي بشرطتين حرقت لي دمي من سنه وبتغاضي لأجل ... ... ... ..! محدا يسألني ليه قلبت التوقيع بهشكل  بس وحياتكم بدي اوعيها شوي لتصحي من نومها الثقيل حبه  |
|
|
|
|
06-29-2007
|
#4 |
|
«©»عاشق نشيط جدا«©»
تاريخ الانضمام: Mar 2007
محل السكن: في قلب حبيبي....
المشاركات: 721
|
شو هبوول كيفك و الله اشتقتلك رح حاكيكي هاد الأسبوع عشان بدي سافر و عنجد ضيفتك كتير مميزه و حبوبه بس تخنتيها كتير كتير شو 199kg مع حبي
__________________
 لا إله إلا أنت ... سبحانك إني كنت من الظالمين
|
|
|
|
|
06-29-2007
|
#5 |
|
مشرف منتديات تقنية الكمبيوتر
تاريخ الانضمام: Aug 2005
محل السكن: مع من احب
المشاركات: 9,812
|
فكره رائعه بنت فلسطين والاروع هو حسن اختيار الضيوف
اشكرك عزيزتي على الفكره فمن خلالها عرفنا اشياء لم نكن نعرفها عن الضيوف وخاصة عن الاخت سيدة المنتدى بإنتظار المزيد وناطرين الضيف القام...........تحياتي للجميع
__________________
 شكرا leblady على التوقيع الحلو  سنبقى على الدوم بقريتنا الصغيره قلوبنا على قلب واحد يحمل بعضنا هموم بعض نفرح لفرحكم ونحزن معكم. لانريد منكم غير مشاركتنا والمساهمه في الرقي بهذه القريه فأنتم اهلها ورقيها يعكس صورة حقيقية عنكم. البتار00احمد |
|
|
|
| Bookmarks |
«
الوفــــــــاء
|
اوتيل...
»
| مستخدمين موجودين حالياً يشاهدون الموضوع: 1 (0 أعضاء و1 ضيوف) | |
| أدوات الموضوع | |
| أنماط العرض | |
النمط الخطي
|
|
جميع الأوقات بتوقيت السعودية. الساعة الآن » [ 06:23 PM ] .
دردشة عاشق لبنان البوم صور عاشق لبنان مركز الجوال بعاشق لبنان العاب فلاش فيديو كليب اغاني عاشق لبنان دليل لبنان السياحي المطبخ العالمي مجلة عاشق لبنان المنتدى العام النقاشات الجادة منتدى الترحيب منتدى الاهدائات منتدى الفنون منتدى الفانز فانز هيفاء وهبي فانز نانسي عجرم فانز اليسا فانز وائل كفوري منتدى ستار اكديمي منتدى سوبر ستار منتدى الصور الفنية منتدى كلمات الاغاني الشعر العربي الخواطر الادبي اللغات الاجنبية حواء جمال واناقة الصحة والاسرة الامومة والطفل منتدى لمسات المنتدى الرياضي كرة القدم منتدى المحركات الصور والافلام الرياضية منتدى ادم انمي قصص الاطفال حكايات ذكريات ومذكرات صورة وتعليق النكت والالغاز منتدى الالعاب برامج الانترنت الجرافيكس والتصميم الجوال والفضائيات المنتدى العلمي التاريخ والتراث العربي السياحه والسفر والرحلات منتدى التواصل مع عاشق لبنان صور الفنانات العرب صور الفنانين العـرب ابتسامات الماسنجر والمنتديات خلفيـات المشاهيـر و النجـوم خلفيات الإنمي خلفيات الكمبيوتر نجـوم البـرامج الواقعـية صور مضحكة وطريفة صـور أطفـال بطاقـات ورومانسيـات صور كرتون صور الرسم والصور الفنية صور القطط والحيوانات ثيمات الجوال صور سيارات صور الطبيعة و الورود فيديو كليب اغاني عربية فيديو كليب اغاني اجنبية فيديو كليب هيفاء وهبي فيديو كليب نانسي عجرم فيديو كليب اليسا فيديو كليب وائل كفوري فيديو كليب اطفال مقاطع مضحكة نجوى كرم كمل على روحي نور ومهند هيفاء وهبي ـ حاسة ما بينا في حاجة نانسي عجرم بتفكر في ايه
Search Engine Optimization by vBSEO 3.1.0