هالمرة اهداء غير شكل عجيب رهيب هوي اهداء بهديه للكل عربي فكرة المناظرة
بيني وبين خي قيصر لبنان وعملتها رح نحكي عن لبنان بما انو مغتربين
وانا لقيت خي قيصر اعمل معاه هالحوار لانو اقرب رجال لبناني هون بالمنتدى
والو احترام خاص ومحبة خاصة عندي وما حبيت افتح المناظرة مع اي بنت لبنانية
هون فخليها مع شب احسن وياريت تبعجبكم فكرة الحوار والاهداء فكرة توصل للكل
الي هون لبناني وغيرو والقصة والمناظرة كلها من وحي الخيال وهوي ما صار شي
بيني وبين القيصر اي مناظرة بس هي مناظرة خيالية اتمنى ان تنال اعجاب الجميع
مع انو فيها فكاهية على رومانسية على دراما اجتماعية .......

__________________________________________________ _________________

بداية الحوار كنا في مقهى تشلسي وقاعدين قام القيصر
نادى العامل الو يا باشا تعالا قلو عاوز ايه يا فندم
الو القيصر : نزلي واحد روز مع واحد كاسة شاي
قلو ماشي حضرتك ثواني وبكون كل حاجة موجودة
الفارس قاعد حدو كان وعم يشرب عصير برتقال
وقاعد على الاب توب عم يلعب كونتر سترايك
وكل شوي كل ما اقتل واحد احكي هيااااا قتلتو ويطلع فيني القيصر
واطلع فيه يقول اخخخخخخ انا اطلع فيه وابتسم مفكرو عم يحكي قصدو
عني اخخ انو شو بو هيدا بعد شوي قلت هيا طلعت فيه كنت عم اضحك سكتت
وسكرت بوزي هز براسو قال القيصر اخخخخخخخ
اخخخخخ منيح ما مسك الارجيلة وفقعها براس شي واحد
قلت شو بو هالزلمي كل شي اخ اخ اخ وجعلي راسي بدي روح اقعد
معو بلكي عرفت شو بو هالزلمي رحت لعندو قلتلو مرحبا يا خي
قلي اخخخ قلتلو تعبان قلي اخخخخ قلتلو روقها قلي اخخخ
قلتلو شو اسمك قلي اخخخ قلتلو عاشت الاسامي يا خي اخخخ
قلي لا يا حبوب انا اسمي القيصر قلتلو يا هلا وسهلا عاشت الاسامي
يا قيصرنا وقلي انت شو عم تعمل هون قلتلو اخخخ قلي شو بيك قلتلو
اخخخ قلي تعبان قلتلو اخخخخ قلي شو اسمك قلتلو اخخخ قلي يا سبحان
الله كان اسمك متل اسمي اخخخخ قلتلو لا يا قيصر انا اسمي فارس
قلي القيصر انت من وين يا حبوب قلتلو انا لبناني مغترب
عايش ببلد الغربي من سنين ونفسي روح بوس ارض اجدادي
نفسي شم تراب بلادي قلي يا خي لا تقلب مواحعي قلتلو
يا قيصر خير وقلي انا لبناني قلتلو يا ميت واهلا وسهلا بابن بلادي
قلي وانا بالغربة محكوم وببلادي زادت الهموم عرفت ليه يا فارس
عم اخخخ عم اخ عشان بلدي لبنان الي كان اخضر وانحرق
الي كان ارزتو شامخة وعم ينكسر قلتلو يا خي يا قيصر
لبنان رح ترجع متل اول قلي كيف والحريقة والخربان الي عم بزيد
سكتت قلي القيصر شو بدك تشرب قلتلو العزيمة علي انا
قلي القيصر لا علي انا قلتلو انا قلي ولو ما انا القيصر
( هي كلمتو المشهورة ولو ما انا القيصر ))) وقلي تاني شي الفارس
تحت ايد القيصر صح ولا غلطان قلي شو بتشرب قلتلو كوكتيل شقف
نزلو الطلبات وهون الحوار صار :
الفارس : يا قيصر فيك تخبرني شو عم بصير بلبنان .
القيصر : ليه انت منك لبناني ليه ما عم تشوف شو بصير .
الفارس : بلى يا خي لبناني بس ما عاد الي قلب شوف شو عم بصير .
القيصر : طيب يا خي اانا رح الك شو عم بصير بس افهم هالكلام منيح
الفارس : بس بدي طلب تقلي مين 14 ومين 8 بس كون مع الحق
القيصر : ولو تكرم عيونك انت
القيصر : لبنان من ايام الاتراك يا فارس عاش بظلم واحتلال عاش بالقتل
والسفك والتهجير لبنان اتحرر من الاتراك واجو الفرنسين الاغراب
كان شجعي اكتر من الاتراك كان ارهابي ودموي اكتر من شي تركي
الفرنسي اجى مع البريطاني وعملو اتفاقية سايكس بيكو عام 1917
تقسيم بلاد الشام الى عدة اطراف كل بلد تاخد جزء فكان نصيب لبنان وسوريا
للفرتسين وكان نصيب الخليج وفلسطين للبريطانين
وقام بالزمانات اليهودي هرتزل وقال نريد اقامة دولة عبرية يهودية صهيوينة
هدفها من النيل الى الفرات
الفارس : عم بهز براسو وعم يستمع .......!
القيصر : قالت بريطانيا العظمى بذلك الوقت نريد زرع جسم غريب
في دول العربية لنتكمن من تمزقهم ولنستطيع من تفرقهم
وكان يا فارس عام 1948 بداية تاسيس الدولة الصهيونية
وهي لهلاء صرلها 60 سنة وبدات على قتل وتهجير الشعب الفلسطيني
وسفك الدماء وقتل ونهب وسرقة كل شي يا فارس ما خلو شي
فيها وبنت وبنت وطلعت مع مساعدة الدول العظمى
وصارت حرب بين اسرائيل ومصر لكن كان رح ينتصر البطل
جمال عبد الناصر لكن الخيانة سبب خسارتو
الفارس : عفوا خي قيصر بس جمال عبد الناصر دخل وما عندو امكانيات
للحرب صح ولا غلطان ودخل على عجلة
القيصر : شفت يا فارس الكل بيفهم الشي غلط
الفارس : طيب فهمني
القيصر : جمال عبد الناصر مناظل عربي ما حب الخنوع والتذليل
ما حب يكون تحت سيطرة اسرائيلة بريطانية بالعكس
لو كان جمال عبد الناصر والي معاه وقفو وقفة ابطال لكانت اسرائيل
انهارت من زمان وحاربو واخدو الجولان واخدو واخدو
الفارس : طيب كيف التصالح بين مصر واسرئيل وشو الهدف منو
يعني هيك خنوع وذلة لا النا وانو وقعنا كانو بورقة نحنا لا نقاوم اسرائيل
القيصر : ليك يا حبوب المسالة مو مسالة سلاح او مصالحة
لكن لما اجى انور السادات كان هدفو وقف القتل على شعبو
وانا ما فيني الك راي لانو يمكن هوي كان شايفها من منظور نحنا
شايفنها بمنظور غير فهمت علي فهوي كان حر بما عملو .
الفارس : طيب خي شوقتني لاسمع عن لبنان
القيصر : لبنان اخضر واحمر وابيض واصفر
لبنان نهر وبحر وشلال وادي وتل وجبال
لبنان وردة وازرة وفل وياسمين
عام 1982 بدا الاجتياح على لبنان والقصف العنيف من بيروت لشمال لجنوب
ما كانت فارقة معاه شيعي سني مسيحي درزي شيوعي
كان همو ياخد من نهر الوزاني يا فارس المي الي متل القطر
الفارس : طيب كيف بدات فكرة المقاومة
القيصر : كان السيد موسى الصدر من المؤسسين لفكرة المقاومة
اسس حركة المحرومين وكان بضم من الشيعة والسنة وايضا كانو المسيحين
معاه وكان قد كشف خطة اسرائيلة لاجتياح لبنان واعد المقاومة لكي تكون جاهزة
يا فارس عرفت علي كيف فصار يوم ال معمر القذافي للسيد موسى الصدر
تعى على ليببا وقتها كان السيد عم بصلي قبلها بيوم دخل عليه واحد من اتباعو
قلو كل شي جاهز قلو السيد انا حاسس حالي رايح بس مو راجع وراح ليبيا وما رجع
ولهلا يا فارس منو معروف وين ارضيه ان كان ميت او عايش وهي مقولة بقولها بلبنان
عشان (خافوك فاخفوك ) المهم حبوب طلعت مقاومة الاسلامية بلبنان بلشت بالعمليات
والتفجيرات وفتحو الفتحوات يا فارس
فارس : وامتى بدات المقاومة عملها بالزبط
القيصر : ولدت المقاومة عام 1982 وبدات مشاورها المقاومي من هاللحظة
وتعددت القيادات بينها وكان الحرب الطائفة بلبنان دمرت لبنان
وداخلو العرب واصبحت اتفاق الطائف وانحل الوضع
الفارس : طيب وبعدين
القيصر : عام 1992 او 1991 مني متذكر بالزبط يا فارس
الاسرائيلين اغتالو الامين العام لحزب الله السيد الشهيد عباس الموسوي
فجروه هوي ومرتو وابنو قصفو سيارتو
الفارس : الله اكبررررررر
القيصر : بسبب الخونة يا فارس واجى بعدو السيد حسن نصرالله
الفارس : مين السيد حسن نصرالله
القيصر : بعقلو بقول شو هيدا ولا خصو بلبنان على شو بقول انا لبناني
المهم
القيصر : السيد حسن نصرالله من اهم رجالات البلد الي لمع اسمو بين االعالم
الي ضحى يا فارس بابنو هادي نصرالله وعمو 17 سنة السيد هادي
وغيرو قاعد على النت بسافر اروربا بصيع وغيرو وغيرو هيدا مات شهيد
ويا فارس ظلت حتى عام 2000 اتحررنا وانتصرنا وهيدا فخر النا يا فارس
لما تنتصر على جيش هزم العرب وهزم وهزم
الفارس : اي يا خي بدون ما نفخر انو عنا هيك مقاومة ضحت بشباب
متل الورد بعز ريحانه شبابهم بدنا ناخد سلاحهم ونهاجهم
القيصر : عام 2006 يا فارس المقاومة خطفو 2 اسرائيلين
وقامت الدنيا وقعدت بس ليه الاسرائيلي خطف وما حدا قال وما حدا حكي
نحنا عنا اسرة عندهم يرجعولنا ياهم
الفارس : ما دم الاسرائيلي اغلى من اي دم عربي
نحنا مين الرؤسا ان متنا بيسال فينا
الاسرائيلي دمو اغلى من اللبناني والسوري والمصري والخليجي والمغربي
والعراقي والجزرائري والتونسي وكل شخص عربي الاسرائيلي دمو اغلى من اي عربي
القيصر : نقطة مهمة يا فارس فعلا لو بتشوف مجلس الامن ان مات عربي
ما بيسال ان خطف اسرائيلي الدنيا ما بتسكت حتى الروساء العرب
ما بيسكتو هيدا سبب لانو نكون ارخص منهم بس بالعكس
مع المقاومة الاسلامية خلصت دم كل عربي يكون اغلى من اي اسرائيلي
الفارس : خي طيب شو السبب التفرق اللبناني
القيصر : المشكلة انو من بعد الرئيس الشهيد رفيق الحريري
الفارس : تصدق هالزلمي الشهيد رفيق الحريري الو مكانة خاصة
عند المقاومة الاسلامية ورجل وطني صعب تلاقي متلو
القيصر : معك حق يا ابني بس يلي تاجر بدمو ما فرقت معاه انو
شهيد او لا بدو يستغل شي على حساب شي
الفارس : مين برايك الصح
القيصر : براي الصح الي بدو مصلحة البلد فوق كل شي بدو لبنان حر
عزيز كبير الي بدو البلد تعيش من اول وجديد كفانا يا فارس
فقر وجوع وعطش بدنا لبنان يكون واحد مو لبنان الطوائف
من امتى بتسمع بلبنان سني شيعي
مسيحي مسلم يا فارس وهالايام الي صارت حرقة دمي
الكل بلوم التاني يلي بيفضح مقاومة شو عندها اسلحة عشان
الامريكي يقلو يا بطل وهوي بدو مصلحة اسرائيل
امريكا ما بتفرق بين حدا يا فارس بفلسطين والعراق ولبنان
ما همو المهم اسرائيل تكون مرتاحة
الفارس : شو الحل الوحيد
القيصر : الحل كلنا نمد ايدينا لبعض 14 و 8 ونقول بس
للتدخل الخارجي مين ما كان نحمي المقاومة
نحمي الوطن نحمي الجيش نبعد عن الطائفة يا فارس وصدقني وعهد علي
لبنان بالف خير وبس .
الفارس : يا خي قيصر كلامك حلو فعلا انك زلمي بتفهم وكلامك موزون
يا خي فعلا معك حق المستفيد الاكبر امريكا ما بتفرق بين حدا
بدا تعمل شرخ بين كل الطوائف بكل البلدان
الاسلامية والعرب المسلمين والمسيحية بدا تعمل فرق لينهار شي اسمو
عربي وتحقق مقولة من النيل الى الفرات لكن بفضل الابطال ما هالمقولة رح تنزاح
بازن الرحمن
القيصر : شفت كيف معك حق ولازم نعرف انو ما حدا بينفعنا ((يلي بياكول ع ضرسو بينفع نفسو )))
ويا خي فارس الله يحيمي لبنان وكل شعبو ويرجع كل مغترب لبلدو لبنان
لنشم ونبوس ونشم هوا ونشرب مي لبنان
الفارس : امين يا رب العالمين وياريت كل لبناني يقول بس لبنان
لا للطوائف لا 14 اذرا لا 8 اذار نريد 22 اذار
الفارس : انا تشرفت بمعرفتك كتير يا خي الكبير وياريت شوفك كل مرة
بس انا عازمك على العشاء
القيصر : يسلمو يا حبوب كل زوء وما رح رد طلبك
وانا بالاكتر واهم شي عرفت اشياء يمكن تجهلها وانا بامر عيونك
يا غالي
الفارس : سلام
القيصر : سلام

وبس وكل واحد راح بطريق بعد ما وصل القيصر فارس بسيارتو على بيتو
وياريت تكونو اسمتعتو بالمناظرة
سلام