أمير الشعراء .... بدك تعذرني
كاد المعلم أن يكون رسول..
أمير الشعراء بدك تعذرني وكتير كمان
هيدي الحكمة بعصرنا صار بدها تأويل
معلمونا بهالزمان منهم كتير للأمانة باعوا
وحالهم تغيّر ومبادئهم تبدلت تبديل...
وضـاعت منهم الرسالة ومعها الأجيال ضـاعوا
وإذا بتحب عندي على كلامي ألف دليل ...
هرّبوا الطّلاب وطفشوهم من مدارسهم
وصاروا يفرحوا و يهللوا بفراقهم تهليل...
والطلاب تركوا كتبهم ونسيوا دروسهم
وركضوا ورا صحاب الغنا والتمثيل ...
فانز لفوفو وفانز للولو وفانز نونو ويااي
وكل يوم بيطالبوا بفانز لمطرب"..أصيل.."..
نسيوا حالهم.. ضاعوا.. واتشتتوا
وصار مخهم مساكين معطّل تعطيل ...
ويا ويله اللي بيهاجم مطربهم المفضل
بتقوم حرب ضروس بتمتد من "..الفرات للنيل.."
كل همهم نهارهم شو راح يكون
والمسا شو العشا وشو نوع الأراجيل...
وبتقولوا ليش هجروا الكتب والدراسة
راح جاوبكم وقل لكم
باختــــــــصار........
لأنه العطاء عليل
باللهِ عليك يا أمير الشعراء
كيف بدك بوقتنا هيدا أننا
"..نوفه التبجيل...!!!"
مع احترامي للطلاب...
وللمعلم الذي مازال يحافظ على رسالته السامية
للمعلم المتجدد بأفكاره كي تناسب كل وقت وجيل
للمعلم الأب والأخ ...
للمعلم الذي يرسخ مبادئنا وقيمنا الأصيلة
مع إجلالي وتقديري للمعلم
الذي يعي ويفهم ويُدرك ما معنى ....
"..معلِّم .."
فلولا المُربي ..
ماعرفتُ ربي
قُـم لِـلـمُـعَـلِّمِ وَفِّهِ التَبجيلا
كـادَ الـمُـعَـلِّمُ أَن يَكونَ رَسولا
أَعَـلِـمتَ أَشرَفَ أَو أَجَلَّ مِنَ الَّذي
يَـبـنـي وَيُـنشِئُ أَنفُساً وَعُقولا
وَإِذا أُصـيـبَ الـقَومُ في أَخلاقِهِم
فَـأَقِـم عَـلَـيـهِم مَأتَماً وَعَويلا
وَإِذا الـنِـسـاءُ نَـشَـأنَ في أُمِّيَّةً
رَضَـعَ الـرِجـالُ جَهالَةً وَخُمولا
اللهم أصلِح حالنا جميعاً
تحيتي
|
آخر تحرير بواسطة ليدي المنتدى : 05-11-2008 الساعة 04:32 AM.
|