يا بلاد الأرز يا قصة جريحة
عم تنزف الدّم من جذورا الدبيحة
سكاكين عم تقطعها وعم تستبيحا
من أخوه فقدت العز شرفها منهان

بيكفي تدوروا على الكراسي
لبنان ضاع من لعبة السياسي
هيدي ضعف وشيطان وسواسي
هيدي مش مرجلي ولا قوّة إيمان


لأرض الوطن عم تنفي وتبيد
ليش نختمنا جرح يفتح منجديد
إنتوا العمالي وللغرب عبيد
إنتوا مين وأي نوع من الأنسان


يللي ع خط النار للفتنة فجّرتو
للسلم والأمان فتحتوا مقبرتو
لكن ان غرّبتو أو حتى شرّقتو
رح يبقى في وطن إسمه لبنان

بقلمي