منتديات عاشق لبنان - عرض المشاركة وحيدة - تقرير مفصل عن حفلات وائل بسوريا, دمشق وحلب

Samer Kfoury · 04-30-2008

طبعا كلنا كنا على موعد مع وائل بليلتين من ليالي العمر بسوريا اولها كان بفندق الميرديان بدمشق وتانيها بصالة فينيسيا في محافظة حلب السورية وبنبدأ التقرير المفصل
طبعا عجقة وناس والكل ناطر شو السبب طبعا هو طلة وائل كفوري امير الرومانسية لتبدأ الحفلة المقررة
طبعا الحفلة بلشت بوصلة من الرقص الشرقي امتدت لساعة من الوقت ومن بعد وصلة الرقص كان في فنان سوري اسمو فادي عبود كمان غنا لمدة ساعة ونص وبعدين طلعت فرقة وائل واشتد الحماس بين الجمهور يلي كان ناطر وائل على احر من الجمر وهون كانت الساعة 1 بعد منتصف الليل
وعلى اغنية راجع وبصوتي ايماني طل الامير على جمهورو الكبير يلي كان عددو 900شخص وخلصت الاغنية ووائل عايد الحضور بمناسبة عيد الفصح وطلع بعدة مواويل من مواويلو الحلوة اهلا وسهلا ميجانا انتي شتلة الزنبق حبيبي يلي كنت حبو انا بالوفا ليلى واشتعل الحماس بأغنية شو رأيك ييلي خلت الموجودين يرقصو الدبكة بدون شعور والكل مبسوط وانتقلنا لاجواء جن الهوى من بعد ما كان في هوى بالصالة ووائل طلب تشغيل التكييف وبلشنا نحس بتغيير الحرارة مع اغنية قلبي مشتاق وولعت الحكاية مع الحضور لطلبات الاغاني ووصلنا للجديد مع رائعة 2008 مشتاق كتير ومن بعدها الاغنية الاعجوبة كلاما ولحنا عمري كلو لحد ما الجمهور صار يغني بيحن لوحدو ووائل طبعا رضا الموجودين وغنالهون بيحن يلي اتغنت 3 مرات وهون كانت المرة الاولى ورجعنا لقمة الرومانسية مع رائعة 2007 حبك عذاب لنوصل للأعتراف بالحب لكل الحضور من وائل على انغام بعترفلك اني بحبك ولتكمل المحبة كمل مع بحبك انا كتير وليصير الجو اكتر رومانسية كانت الطلبات عم تتزايد لاغنية قصة عشاق يلي وائل قفلها قفلة كتير حلوة بكلمة خلصت الغنية وهالشي رح نشوفو بالفيديو يلي صورتو بشكل حصري والناس عم تطلب بيحن يلي غناها وائل للمرة التانية واكيد وائل ما بيمرق اي حفلة بدون الرجعة لسنة 1992 لعيشنا ايام الطلة الاولى بأغنية ما وعدتك بنجوم الليل ويكفي برائعة 2004 قرب ليي وتبكي الطيور هالسينغل يلي مالو تاني لينهي وائل هالحفلة على اغنيو بيحن للمرة التالتة على التوالي وهون بتكون الساعة صارة 3.30 فجرا وبتكون حفلة الشام انتهت لننتقل من الاجواء الراقية الى الاجواء العادية ومن قمة التنظيم لقمة الفوضى للأسف الشديد سافرنا على حلب وكلنا بنعرف انو الحفلة موعدها الساعة 7 مساءا طبعا قلق شديد خيم على المكان لانو صارت الساعة 9.45 دقيقة وما كان في شي الا اغاني راقصة والناس ضجرت لحد ما طلع المذيع امجد طعمة عالمسرح وبلش البرنامج الفني المقرر طبعا البنامج كان عبارة عن بيع بطاقات يا نصيب بالحفلة والرابح رح يحصل على جائزة قيمة وهالجائزة كانت عبارة عن بوكيه ورد مع الصلاحية للصعود الى المسرح وتقديمه الى وائل والهدية التانية كانت سي دي بيحن ليتوقع من وائل وصارت الساعة 10.15 دقيقة وطلعة فرقة وائل عالمسرح وبصعوبة شديدة جدا وائل طلع عالمسرح وبلشت الحفلة بأغنية عمري كلو قلبي مشتاق شو رأيك مع الموال الشهير مشتاق كتير قرب ليي قصة عشاق بيحن بعترفلك اني بحبك مشتاق كتير وطبعا التنظيم كان كتير فاشل والازدحام شديد جدا وكفى وائل الحفلة رغم كل الصعوبات والفلتان الامني تيغني حبك عذاب وتبكي الطيور يلي وائل طلب بشكل سري انو تنطفى الاضواء بشكل نهائي عن المسرح والصالة وركض بسرعة كبيرة الى خارج الصالة ليطلع بالسيارة ويروح على الاوتيل طبعا مدة هالحفلة كانت ساعة وربع فقط وطلعنا على الاوتيل يلي كانت الحشود مجتمعة بشكل خيالي بالاوتيل وكلو مر على خير وسلامة لحد ما صار وقت العشا واتعشينا مع وائل وسهرنا مع بعض المقربين منو وسافرنا على طيارة الساعة 7 صباحا من مطار حلب الى مطار دمشق مكان وجود سيارة وائل يلي وصل فيها من لبنان لسوريا
وهون بنكون وصلنا لنهاية هاليومين لوائل بسوريا
بالنسبة للصور رح تكون مع بداية الاسبوع القادم والسبب انو وائل شخصيا بدو يختار الصور لتزل بالموقع
وفي كمان مفاجأة جدية من وائل لكل الفانز بكل الوطن العربي بنحكي عنها قريبا جدا

كان معكون من سوريا مايك

منقول منتدي وائل كفوري لايــف