انت عارف ياصاحبى
ومن غير زعل
مبقتش طايقها
ولا قادر على طوعها
ولا دموعها واوجاعها
وبكاها يوم الغلط
وتنهيدها ساعت الفرح
وزعقتها لما تضايق
وقسوتها لما بتفارق
هى نفسى كده
اخاصمها وترجعلى
الاعبها
وتجرحنى
لاهى راضيه باحسانى
و ارجع من تانى
اداريها
لا والله
ما اداديها
ولا حتى اداويها
هى نفسى كده
تجيش نتفاوض على بعادها
واعمل هدنه واوعدها
يمكن ترضى وتفارق
بس اخاف ترجع تانى
وتتعارك
انا عارفهاساعات
قاسيه
وف ساعه الصفا
ناسيه
هى نفسى كده
منا دايما مابتغير
تمشى الدنيا وتتغير
وانا هنا فى مكانى هنا
والدنياحواليا بتتغير