اول شي قصة انو لبس البنت بخلي الشباب يلحقها ما خرطت نافوخي
لان ممكن بنت تكون لابسي عباية ويلحقها ميت شب
غيرو
الترباية الها اكبر دور ،،، هئ مش مظبوط لان في بنات كتير ما لقيت حدا يربيها وحافظت على حالها اكثر من اي بنت عايشي بعيلي متشددي ومحافظة ،، وبحكي هيدا الشي عن حالات بوشفها بعيني بنات اهلهم ملتزمين دينيا كتير ،، وبس يطلع ابوهم بجيبوا اصحابهم على البيت وعشوي بحششوا هنى وياهم
يلا رح يحذف ردي انشالله اليوم

غيرو البنت بتهتم بحالها كرمال الشباب تتطلع فيها ،، هش مش مظبوط ممكن في بنات ايه بس اغلب البنات بتهتم بحالها وبجمالها لتئهر صاحباتها

غيرو حياء عند البنت ،،، اشك انو في بنت بزمنا عندها حياء
بس في بنت بتعرف تمسل وفي بنت هئ

غيرو الشرق والغرب ،،، الغرب صار محافظ اكثر مننا ،، ايه ما تنصدموا والي بقول لا بكون عايش بقلب الخسة

غيرو مختصر مفيد هيدا واقع اطلعوا بقى من الاشياء الي كانو يقولنا اياها اهلنا عادات وتقاليد والبنت ما ببوس تمها غير امها
ايه بكون عمرها عشر سنين بتكون بوست كل ولاد الجيران
يا جماعة اذا وقفت القصة على بوسة بين الشب والبنت والله صارت محمولة الي عم بصير اكبر بكتير
وحتى اكبر من قصة علاقات جنسية
السبب جد ما بعرف لا هوي اهل ولا هوي مجتمع ولا هوي شي
سوري بس هيدا الي طلع معي اليوم


ما بعرف يمكن انا مخي مطلمس على الصبح يمكن لا الله اخبر
تحياتي