يكفي الحزن ياخذني .. وأنا بأوله
مثل ما ياخذ النسيان .. بعض الجروح
يوم جاني .. وفيني حايرات اسئله
وفيني الروح حزن .. وفيني الحزن روح
قلت مرحب .. ومال الغايب الا هله
مرحبا .. بالذي عني يخاف النزوح
من عرفته ودايم منزلي منزله
كل ما قلت قربت .. روحته ما يروح
ما اقصر الوقت في عيني وما اطوله
كني ارقص على نار .. لهبها جموح
واتحرى مجي الغيمة .. المقبله
علها من بعد صمت الصحاري تبوح
واثرني غصن يرجى .. سدرة تحمله
ماتت السدرة العطشى ومات الطموح
ويلها هالسنين اللي عطشا وله
كل ما قلت فوجي بالعطر .. ما تفوح
مر حله جت .. وجت من بعدها مرحله
وكل من يطلب الحضوه يسمى لحوح
مع تحياتي الى الجميع