|
اسمحولي علق ع الموضوع لأنو هيدا الموضوع بيدبحني من القهر....
اولا انا بشوف انو الأهل لهم الدور اولا و اخيرا....ازا الطفل كل ما بدو يحكي شي ببلشو يقرصو في و يعضو على شفايفن هي الطفل بيتردد انو يحكي او ما يحكي و ازا حكى بالبيت الله يعينو ...ليش تتحكي هيك ؟؟ عيب و ما منيح.......... و انت شو إلك دخل بهيدي المواضيع و هيدي مواضيع كباار.....ومن هيدا الحكي...
ازا تركو الطفل ع راحتو يحكي حتى لو عم يحكي شي غلط بس ما يلبكو و يهزّو من شخصيتو ..و بعدين بالبيت في اسلوب لبق للتحاورو يتفاهم و يعلمو الطفل آداب الحديث و متى تحكي و متى انت ما لازم تحكي ...
هيك الطفل بيقدر يحكي و بكل طلاقة و بيكوون فهماان شو عم يحكي و بيكوون واثق من الحكي ما بيقعد يتلعثم ..
انا هيدا الموضوع بيقهرني موووووووووت ..لأني لليوم و بكرا ما بقدر أحكي قداام نااس كتاار ..ليش؟؟
لأنو أهلي معوديني كل شغلة بدي أحكيها ..لأ ..غلط..شو دخلك بهيك مواضيع...و انت شو بيفهمك بهيك مواضيع....و عيب ...
بحس انو انا مظلوومة نوعا ما من هيدي الناحية ...ما بحس انو لساني طلق...بحس حاالي بتلبك كتييير بس احكي قداام نااس كتاار...........وبتلعثم بالحكي ...و بتردد لأحكي الشغلة ..و قبل ما احكي شي لازم أعد للمليون تأحكيها ....كل هيدا ليش؟؟؟لأنو كل شي عنا عيب ..غلط ...انتما دخلك في....
النااسبتعجب بشخصيتي و
بتعتبر شخصيتي قوية بس ما بعرف ع أي اساس بيحكو هيك.....بالعكس بحس انو انا كتيير شخصيتي ضعيفة و هيدي الشخصية و الثقة يللي بيحكو عنها انا يللي نمّيتها شوي شوي ... ولو اجت بنت زغيري شخصيتها قوية بمعنى انو اهلها مساعدينها رح تحطني بجيبتها و تمشي بكل سهوولة..
بالنهاية انا لو ما فهماانة وواعية للحياة كان بمشي جنب الحيط...
آآآآخ فشيت نص غلّي باقي النص راايحة فشّو بأهلي..
يلا بباي
|