مش لاقى كلام ابتدى بيه موالــــى .......
مـا فى غير المولى اشكيله حالى ........
عجـبى عليكى يا دنــيا وعجبى عليك يا زمانى .....
يا معيشانى فى غربه مع اهلى بين اوطـانـى...
راح احكى ليــكــو يــا بـــشـــر....
حكايتنا ويــا الــــقــدر.....
عشنــا حياتنا وعمرنا خايفين من الخطـــر...
حبسنا آهاتنا جوانا مستــتنيين وبننتظـــر...
مســـتنيين سنــيــــن وسنــيـــن..
شايفين ساكتــــين راضييـــن .....
ســلبوا الارض وهتــكوا العــرض .....
بـــس ده مش قدرنا ده شــوك زرعناه بأيدنا ...
وفى يوم صحينا على صــوت رصـاص حوالينا..
جرينا ما درينــا ايه اللى بيجرا ليــنا .......
رصــاصه عميا يومهــا جات فى ابنى ...
فى لــحظه راح بيـن ايديا مــات ضحيـه......
دمــك يا ابنى امانه بين رقبــــتى ....
اه يـا ويلك يا عدوى جوايا نار دمى بيغلى .....
ليه نستنــا يطلع لوحده الفجــــر ...
لامته اقول لحــد ما يضــيع العمـــر ....
وليــه نتمنى نشـوف مره نــور القمــر...
راح ييجى يـوم نلاقى فيــه بلادنا بتنتحر .....
دم ولادنــا اخــوتنا يروح هــدر .....
بركــان جوانا انفجــــر.....
سلاحنا حتت حــجــر ....
بس لازم ننتـصـــر..
قولنا لازم ننتصــر..
ايوه لازم ننتصر...