|
بتمنى من كل الاعضاء الرد
مرحبا
انا حبيت شارك برسالة
جتني بعد سنة من إنسان بيهمني امرو كتيرحاولت أقراها كتير
ما فهمت منها هل الانسان مع انو كلماتها بسيطة بس هون فكري كل بروح
بدي نزلها هون
وبتمنى تقوليلي
وتعطيني أرائكم عل الرسالة
إزا هل الانسان بصرحة يعني
بحبني ولا لء
او ممكن يحبني ولا لء
احلى الكلام ,السلام….
اول شي مرحبااااااااااا
بجد محتاره من وين ابداوشو احكي بس طمن ما رح خلي شي عندي
كل شي رح اقوله مع انك كل شي بتعرفه اول باول بس انت مصر
انه انا مخبيه شي او انه في شي وبظن انك فاهم قصدي؟؟؟
انا لما حكيت معك كان كلامك كتير غريب معي وبتعرف يومها
انا اول مره بفهمك ميه بالميه بس ما عرفت اجاوبك ل انه ما كنت في
البيت كنت عند دار عمو وكنا فاتحين تلت ايميلات وعلمك كم متصل
في. فانا ما كنت قادره ارد عليك منيح بس كلامك كله ازعجني وكتير.
قلتلي نفسك تواجه شخص وسئلتك بوقتها انا مين هل شخص وما جاوبت
بس كنت اعرف انه قصدك علي؟؟؟؟؟
على شو بدك نتواجه بتعرف صار نفسي اكتر منك نتواجه بس على شو؟؟؟؟
الجواب عندك مو عندي؟؟؟؟ مع اني يمكن فاهمه قصدك عن شو نتواجه بس
حابه اتاكد منك,, بس المهم رئيك هلء.
*** بدي اقلك هل شي مع اني قلتلك ياه قبل هل مره انا معطيتك اشي
غالي كتير ما اعطيته لحد غيرك بهل درجه ثقتي واحترامي ل الك
احنا العلاقة اللي بينا علاقة صداقة بس بتعرف المشكلة مش كل الناس
بتفهم شو معنى الصداقه!!! بمعناها الوفي,,,, انا وياك بتربطنا علاقة صداقة
قوية جدا بس شكلك انت مش مقدرها بالحجم المطلوب وحاسه رح يجيلك
يوم وتحس فيها بس بتعرف امتى؟؟؟ لما تفقدها ,,, بس ليش تفقدها هل امر
بيرجع الك(( بايدك))).
بتعرف انت خيالك كتير واسع لدرجه كبيره وممكن هل شي في بعض الامور
يتعبك لازم يكون عندك يقين اني بيوم من الايام رح اتركك يعني النت والصداقة
ل انه ما في شي بيدوم وبرضو ما بقدر احكم ل انه ما في شي بايدنا بس المهم
اليقين لحتى ما نتعب ونتفاجىء بيوقتها.
ليش كاتب هل خاطره عم بتفاول على حالك اتركك, بس انا فهمتها انه
انت بدك اياني ما احكي معك بس بطريقه غير مباشرة وانك رح تتالم
ازا طلبت مني هل طلب,وانه انا طبعا رح ارد عليك ل اني ما برفضلك
طلب ول انه ازا هل شي بيريحك فطبعا انا شو بدي غير راحة اخي
وله انت شو رئيك؟؟؟
المهم هلء ما بدي اطول عليك واوجعلك راسك بس لازم تعرف اني
مو سهله بالمره هل مره ممكن اني سامحتك مع انه ما في شي مستاهل
بس انت بتعطي للامور اكبر من حجمها وخصوصا معي انا بالزات
ل انه امري بيهمك كتير ونيالي انت بدك اياني اعرف هل شي بس انا بعرف
ومن زمان كمان حتى من قبل ما تحكيلي ولك الكلام من صفة المتكلم
انا بفهمها على الطاير بس مشكلتي ما بحب احلل كل شي على خاطري بالاول
لازم اتاكد
تحياتي للجميع
وأسمحولي شاركم بشي بحياتي
__________________
ريــــتو يسلمي الزعلان العامل حالو مش سئلان
بتقلني برمشو النعسان وعيوني الدبلانــــــــي
AYA 2NTY RO7Y WALA
|