عيون عم تبكي ندماااانه


هيدي اخر الكلمات , انا بكتبا

كلمات , كنت انت , سبب الهامي فيا





ناداني صديق عمري

وقلّي :

تعّي يا حلم عمري

لحضني انا تعّي

خليني الليله , ارقص معك

يمكن انا هالليله

بدموع الندم رح ودعك


وجيّت انا , عَ صدرو , حط راسي

وبدموع مليانه ندم , اقطع انفاسي

وفكري يعاتب قلبي

ويقلّو ليّش جيِّت ؟؟

الك سنين كاتم سري

ليّش بهالليله حكيِّت ؟؟

جيِّت اتعلم عَ دقات قلبو , رقص الأيادي...

جيِّت بلهفه واحساس , ما خطر ببالي

اني كون انا السجينه , بين عينيه

يشد عَ خصري

يعصرني بأيديه

يقرب شفافو عَ شفافي , جمر ونار

واحترق انا عَ المرقص , وتقتلني الأفكار

ويرتعش جسمي , برعشه مجنونه

كل ما حسيّت , بلمسات ايدو الحنونه

وبغنيّه يتمتما من شفافو , بصدق وحنين

تبلّسم فيّي جراح

والقلب عم يصرخ انين

نسي , لمن كان بدو الي , يعترف

بس خاف من جنون حبو , فيّي ينجرف

صحيح حبيت انا اتعلم بين ايديه

فنون الرقص المجنون , والسحر من عينيه

لكن .... ندماني انا كيف جيِّت

ندماني انا , عَ صدرو , كيف بكيِّت

فكرت انو رح يكون الي , الاخ , الطيب الحنون

لكن طلع انسان خاين , ظالم لحبي المجنون