((كون يمك الف هنياله اليوم النام يمك
انا احبك واحب كل حرف باسمك
انا احس يجرن سوى دمي ويا دمك
كون يمك كون ابوسك كون احضنك
كون اشمك كون اضمك
كون احط راسي على صدرك
بلكي خدي يزيل همك
ناري ماتطفى ولانارك طفت
وعيني قبلك تبكي اذا عينك بكت
ياعزيز الما بعد عن بالي لحظة
مااقول انته بعدت وشلون اظلمك
وآه لو يذكرونك قبالي
يبين بوجهي القلق لو جابوا اسمك
انته نقطة ضعفي انته ولو احب ثاني احبك))

كون يمك




بتـــــــاوي

خلي انثر الورد وخدك غصونة
وخلي ازيد العشق بيك واكثرة

خلي انسة القلق وشوگي وشجونة
وخلي احضنك بصدري واشممك عطرة

يا بتاوي الامس يا احلا عيونة
ياريحة هلي وضيتة وگمرة

ياطعم القداح والهيل وفتونة
يا نبتة نخل وسعفتة وبذرة

منك يشرب النهر ويتسمة من نونة
ومنك عرفت السعد وامل وصبرة

عندك تنام الحمايم والليل وجنونة
ويتغطة حبي طفل من صغرة

هنيال لامك تبوسك يامفتونة
واحسد حتى ليلك بوسعتة وكبرة

احسد حيطانك ثوبك قلمك وفنونة
واحسد بابك وزهرك وصوتك ونبرة

واحسد دفاتر الجنط وحبرك ولونة
واحسد سياج البيت وزرعة وشجرة

واحسد نبض گلبك وشوگة وسكونة
واحسد يا كل الهوى ويا لذة العشرة


نبرة عراقية لن تموت





موساكي بيكاسو الفراشات

حبيب بغداد