|
|
|
|||||||
| ذكريات ومذكرات شارك اعضاء عاشق لبنان بحياتك الخاصة |
ذكرياتنا اليوميه
 |
|
|
LinkBack | أدوات الموضوع | انواع عرض الموضوع |
06-17-2009
|
#1 | |
|
Miss مهضومة
تاريخ التسجيل: Aug 2006
الدولة: تحـت رحمة ربي "ورحمة ربي وسعت كل شيئ"
المشاركات: 6,217
نقاط: 1,106
مقالات المدونة: 1
|
ذكرياتنا اليوميه
بسم الله الرحمن الرحيم أيامنا عم بتمر يوم بيوم .. وساعه ورى ساعه ... الدقايق عم تلحق بعض .. والثوانيبلمح البصر طايره يمكن مبنشعر بقيمه الثانيه .. لانها ببساطه ثانيه بس مش لازم ننسى أن الدقايق هيي مجوعه ثواني والساعات هيي مجموعه دقايق واليوم هويي مجموع ساعات والعمر كله أيام .. والايام عم بتعدي وتمشي.. دقيقه حزننا بنحسها سنه وسنه الافراح بنحسها دقيقه والزمن ماشي .. مش رح يوقف لا عفرحنا ولا عحزننا لهيك لازم نمضي قدما الى الامام.. ونمضي ونمضي وبالنهايه عوين؟؟ لعمر ببطل فيك تمضي فيه .. لعمر بتبطل قادر تحكي فيه .. لعمر بتعيشه وأنت عم تتذكر كيف مضيت أيامك فيه.. بتصير قاعد عم تتذكر أيامك وما مضى .. أول يوم أخدت فيه شهاده عيد ميلاد ئلك كان مميز ومستحيل تنسى عدد شمعاته .. ورده مستحيل تنسى ريحتها دمعه منزلت من عيونك .. بس غرقت حياتك حزن وهموم ودمعه تانيي بكيوها عليك الناس .. طفت نارك الولعانه بتتذكر أبوك كيف عاملك وأنت كيف عاملت أبنك .. \ / بهلموضوع بدنا نحكي فيه كلنا سوا ذكريات مبارح .. أخبار اليوم.. وأحلام بوكرا شو تعلمت من نهارك؟؟ كان مجرد ساعات عم تمر ول تعلمت منه شي بيفيدك العمر كله ويمكن يلي صار معك وتعلمت منه .. مصار معنا .. بس بنتعلم منه بعد متحكي أنت عنه بتمنى التفاعل تحياتي
|
|
|
|
|
06-17-2009
|
#2 |
|
«©»عاشق بلاتيني«©»
تاريخ التسجيل: Apr 2008
الدولة: بــ قـهـوة عـ الـمـفـرقـ
المشاركات: 9,969
نقاط: 985
|
حلوه كتير هالفكره
بس مارح بلش انا  إلي رجعه انشا الله يسلمو ميوشا
|
|
|
|
|
06-17-2009
|
#3 |
|
حبوب Leblover
تاريخ التسجيل: Apr 2008
الدولة: على ضفاف نهر
المشاركات: 13,017
نقاط: 1,745
|
موضوع روعة ميوش وهي أول ذكرى رح سجلها ولي عودة كل ماصرلي خيتي هي الذكرى من الطفولة كنت وأنا وصغير مندمج كتير بأفلام كرتون ساسوكي ومرة بدي أطلع ع البلكون ونحنا عاملين البلكون من طرف المطبخ متل غرفة المنيوم ولحتى تطلع ع البلكون في باب المنيوم وهذا الباب كان مقفول والباب الوو بلور و البلور اللي فيه أكل ضربة و مبعوج بعج صغير بنصه وأنا بدي اتفهمن وأعمل متل ساسوكي وأدخل من هالبعج وبلشت تعويذة ساسوكي المعتادة كون بزرون فن الغوغا ونطيت على هالبعج بدي مر من خلاله للطرف التاني وعينك ماتشوف البلور صار بخبر كان و الدم يشر من أخوكي أبو عريب وبلش الصياح والعياط والعويل ومن خوفي من القتلة هربت ع الحارة ودميمي حميمي لحتى لقطني جارنا وأنا هربان ع الحارة و رجعني ع البيت وعالجوني أهلي و أكلت بهدلة بس وربك رحيم نفدت من القتلة وتوتة توتة خلصت الحتوتة حلوة ولا فتفوتة شكراً ع الموضوع مرة تانية ميوش وان شاء الله برجع كل ماصرلي فرصة شنو ذكرياتي كتيرة  تحيتي
__________________
 |
|
|
|
|
06-17-2009
|
#4 |
|
Miss مهضومة
تاريخ التسجيل: Aug 2006
الدولة: تحـت رحمة ربي "ورحمة ربي وسعت كل شيئ"
المشاركات: 6,217
نقاط: 1,106
مقالات المدونة: 1
|
ندوش بتمنى ترجعي أكيد .. وناطرتك عراب ههههههههههههههه قصتك حلوه وأنا عندي قصه رح أحكيها زمان .. وأنا بعمر ال 8 سنيين تقريبا .. كانت الدنيا صيف ,, وطلعنا علضيعه وبالضيعه بتعرف كلها أرض وجنينات ورحت أنا وولاد خالي علبستان بدنا نعمل رحله .. كنا مجموعه كبيره,, ول فجأه بنشوف كلب .. وبعلمك كنا نحب بعض ههههههههههه كل واحد فر بمحل تعرف من الخوف.. وحياة الله نط شي 7 متار من شئفه أرض لشئفه ارض وهني بحطو سياج كرمال متفوت الناس عأرضهم وأنا كيف بدي أزمق من تحت السياج .. زخيت وبدي أقطع من تحته .. صغر جسمي خلاني أزمق وزمقت بس حزرك شو صار ؟؟ راسي أنشرط فوق ال 8 قطب .. يمكن متصدق وحياة ربي ما حسيت .. عير لوصلت علعين .. ومن العطش غبصت بالمي وبدي أشرب وغسل وجي ول لقيتلك المي صار لونها أحمر دست راسي لقيت الدم نهر هههههههههه شو بدي أعمل ؟؟ وحدي ممعي حدا فيه حشيشه بتطلع جنب العين .. بقولو لما تدقها وتحطها علجرح بتوقف نزيف والله دقيت شويي بالحجر ولزقتهم عراسي لوقف الدم وبدي روح علبيت الله بيعرف كيف عرفت أرجع علبيت.. مهم رجعت وأمي كانت قايلتلي ممنوع تروحي .. ومبخفيك أدي كنت خاف من أمي .. وأنا عم أنزف خفت تشوف راسي وتضربني شو عملت؟.؟ دب الايمان فيني فجأه .. وقررت ألبس حجاب ,, هيك بغطي راسي ومبتبان الخريطه يلي براسي ولبسته .. عكتر منو رايح مني دم .. بلش لوني يصفر ودبلت .. وقاعدة موجوعه مش عم يتحرك ولا عم أحكي أختي نادتلي .. بتعرف بدها تغسل لي ونام عأساس وبدها تشيل الحجاب وأنا صرخ مبدي شيله من كتر متعاركنا .. دقت براسي وسرح الدم عن جديد .. ونزل من تحت الحجاب جن جنونها شالته .. لما شافت الخريطه صرخت صوت بعدها رنته بدينتي هههههههههههههه وحملتني وركد علمشفى بنجوني وفوتوني نضفولي الجرح .. شي ساعه وهويي ينضف فيه .. لاني حاطه عليه الحشيشه وقطبها .. طلعو 8 قطب وقال لها لو متأخرين عليها شويي كان التهب الجرح وتسممت مهم رجعت علبيت أمي رح تجن ركدت عليي وانا من خوفي تخبيت بأختي فكرتها بدها تضربني ركدت عبطتني وقالتلي لا تخافي وطعمتني عرنوس دره بعدها طعمته تحت دراسي لهلئ ههههههههه نشكر لكم حسن المتابعه.. وعفكره آثار الجرح بعدها موجوده يلي بحب يتفرج يتفضل ياخد موعد
|
|
|
|
|
06-17-2009
|
#5 |
|
«©»عاشق بلاتيني«©»
تاريخ التسجيل: Apr 2008
الدولة: بــ قـهـوة عـ الـمـفـرقـ
المشاركات: 9,969
نقاط: 985
|
ههههههههه
وانا عم قول من وين هالمخ المرجوج اللي عندك من ورا الخريطه والحشيشه الحمد الله ع سلامتك والجايات أكتر من الرايحات لاتزعلي المره الجايه بتبهدلك امك  العراب مالقيت غير ساسوكي تعمل متلو كنت عملت متل بات مان ونطيت من البلكون 
|
|
|
|
|
| اضف الموضوع لموقعك المفضل |
| حول اللاتينية إلى العربية |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
SEO by vBSEO 3.2.0
اللّهم يا مُـقلب القلوب ثَـبتْ قلبي على دينك 
العرض العادي
