برضاي عليك يا ابني

لا تزيد الهم عَ قلبي

خليك ابني المعهود

بحب الناس المالو حدود

حتى الله يرضى عليك , يا ابني



يابني ...

حنينك الي قاهرني

وعتبك عالموت , تاعبني

هيدي الدني نحنا فيا زوار

واليوم معي , رح ينتهي المشوار



يابني ...

من تحت التراب انا بدعيلك

تراب الأرض يصير دهب , بأيدك

بغربتك صحي بقلبك الحنين

ولا تترك اهلك يابني بلا معين

ايدك بأيد خيك حطها ...

واساس البيت , اياك بالغضب تهدّها

واختك ... لا تترك الغدر بيوم يأذيّا

لو غاب بيّك ... كون الأب انت , واحميا



ولا تقول امي ماتت وراحت

انا روحي جنب منك نامت

بغنيلك متل شي طفل حتى تنام

بغطيّك بحرام حيكتو من ريش النعام



يابني ...

وعدني حتى طمن بالي

عليك وعَ اخوتك بغيابي

تبقوا سوى متفقين

ما يفرق بينتاكم دين

وعدني يا ابني ... غضب الأيام ما يهدك

لوطنك وبيتك ربي بالخير يردك

ومن قلب قبري بصلّي , وبطلبلك الغفران

ومحل كلمة يا امي قول ....

يا ربي يا رحمان